ماركيز 2008 58 ألف

يارجال هذي اسعارهم بأمريكا رخيصه وخصوصاً الفورد
انا شريت 2003 فورد بـ33 ألف ريال كامل مع الشحن
بس توكل على الله وخذه
والشحن يمكن يكلفك 9000 آلاف ريال أو اقل

إذا ما تعرف الشخص معرفه شخصيه كأن يكون زميل لك يدرس هناك لاتقرب هالأمور . ياما ناس راحت فلوسهم من النصب و خاصه إذا كان اللي بتعامله عربي عايش هناك .

و طبعا علشان يغرونك يعطونك سعر مغر و كلام في الضمانات و كله في الهوا وبالتالي يصيدون الضحيه .

مثل ما قال أحد الأخوان أشتر من السوق بتلاقي فرص مافيه أحلى منها و قدام عينك

الله يوفقك و يبعد عنك النصابين

اخوي

خذ الشور كان تبية من شخص مجرب

السعر معقول لكن تأكد من سلامة السيارة

15000 + 1400 = 16400 دولار

يعني 61500 ريال سعودي

واحسب فرق العملة عشان التحويل قول بتطلع 62000 ريال سعودي

بعدها احسب قيمة الجمرك حوالي 4000 ريال

واحسب المواصفات والمقاييس 1000 ريال

واحسب حق مكتب التخليص ممكن 300 ريال او 500 ريال

واحسب اللوحات ونقل الملكية 1000 ريال

واخيرا احسب عمولة الشخص المرسل وممكن تكون من 2000 وطالع


على كذا بتطلع عليك السيارة بحدود السبعين يعني فيها فرق حوالي اربع او خمس الاف ريال عن السوق



لكن السؤال هل تعرف الشخص جيدا او مجرد انترنت

اذا كنت تعرفه جيدا توكل على الله

اذا لا لاتغامر بمبلغ ستين الف ريال عشان فرق اربع الاف ريال عن السوق

ولاتنسى ان السيارة يبي لها اقل شي شهر ونص عشان توصل وعندك الميناء زحمة

يبي لها عشر ايام من الميناء يعني احسب شهرين


انا كتبت لك كل التفاصيل عشان تكون على بينة لانك طلبت المشورة

والله يوفقك

اخوي لو تكرمت تعطيني ايميل او رقم الشخص على الخاص
لاني لقيت واحد يشحن سيارات ب4500 دولار

مشاء الله لايفوتك
بالقيمه هذي

والله ياخوي فرصه لاتعوض ابد ..

انا قبل اسبوعين ماخذ الماركيز حقي موديل 2005 ليمتد فل اوبش بـ 56000 الف ريال وهذا 2005 يعني احمد ربك انت 58000 ريال و 2008 ولا بعد فل اوبشن مثلي وربي مره مره ممتاز ..

الله يعطيك خيرها ويكفيك شرها لاجاتك باذن الله ..

خبرنا اول باول ترى لك اخوان في المنتدى يتمنون لك الخير والله يوفقك وين ماكنت ويرزقك السياره اللي ترضيك ان شاء الله

الرجال أعطاني كل الضمانات تحدثت معه طويل بهذا الخصوص
وكان يتحدث بثقة أن المعاينة على نظافة السيارة وسمكرتها وهل هي مصدومة أو فيها صدأ
وطلب مني البريد الالكتروني لارسال أكثر من 10 صور للسيارة بالاضافة إلى تقرير كار فاكس
علما بأن هذا السعر 58 ألف واصلة إلى ميناء جدة
وبالفعل أنا فتحت أحد المواقع للسيارات الإمريكية وشاهدت ماركيز 2008 بسعر 15000 دولار
أرسلته رابط السيارة وقالي زيد عليها 1400 دولار مصاريف الشحن
مادري إلى الآن متردد شوروا علي

شباب الماركيز الامريكية تراها رخيصة جدا بس مشكلة الشحن

اخوي اهم شي اطلب منه الفحص على موقع كارفكس

أشكرك يالغالي على الاهتمام
لكن أنا أتعامل مع شخص معروف في هذا المجال وحقيقة طلب مني أن أختار أي سيارة عن طريق
المواقع الإمريكية للسيارات المستعملة وارسال الرابط للسيارة وهو يقوم بمعاينة السيارة وارسال تقرير
من موقع الكار فاكس وثم يشحنها إلى السعودية

هذا ليس سعر مثيلاتها..وليس قريب منه

ربما ان هذا السعر في أمريكا وسوف يزيد مع الجمارك وأوراق التصدير ورسوم الشحن

اذا متاكد انه ماهي مصدومه ولا فيه مشاكل لاتفوته انت روح المعارض وشوف سعره يصل بحدود 80الف يعن فرق شاسع ويخلي الوحد يشك به السعر انه فيه مشكله او مصدومه واذا اختها الله يباركلك فيه

اخوي مدري ليش احس ان السياره مصدومه وجايبنها ومسمكرينها ويبيعونها عليك

أشكرك على سرعة الرد أخوي أبو سعد
السيارة في أمريكا عن طريق أحد الأشخاص متواجد في أمريكا
بيرسل تقرير كامل عن السيارة وبعض الصور أول ما يرسلها أنزلها أن شاء الله
لكنني متردد ويش رايكم