صوت في مكينة الكامري 2006 وش الحل

FJ كروزر @user_115074 · 10-09-2008

السلام عليكم يالربع
صديقي عنده كموره <<<< اسم الدلع حق الكامري موديلها 2006 وكاله وعلى يده
بس الان بدا يلاحظ صوت المكينه شوي مرتفع واذا شغل المكيف يصير صوت المكينه مرتفع اكثر
يعني يطلع صوت تررتررتررررررتررررر <<< تقريبا
وديناها كل الورش وقالو مافيها شي صوت طبيعي صوت
يعني مو مثل اول على كلامه
اول يشغلها يوقف يمها مايسمع لها صوت
والحين تغير صار ينسمع الصوت واذا شغل المكيف الصوت يقوى
وانا شرت عليه يوديها الوكاله قالي ماعندهم سالفه يارجال وقلت له براحتك
اذا احد يعرف الحل لا يبخل علينا يا اصحاب الكموره

كابريس89 @user_110825 · 24-09-2008

اخوووووووي عداد الضغط علي كم علي الواحد او فوقه لما تكون واقفة بدون مكيف ؟؟؟؟؟؟
عداد الضغط هو عداد 1 و2 و3 و4 و5و6

ارجو الرد والصوت وش هووو هل هو صوت المكينة مرتفع والا فيه اصوات ثانية

نـاصر @user_80714 · 24-09-2008

عادي يااخوي ...

وهذا صوت المراوح والدليل يقوى مع المكيف والسرعه الثانيه ماتشتغل الا مع المكيف ..

وانا اعرف واحد معه كامري صوتها عاادي جدا منخفض ..

اجل لو تسمع مراوح الكابريس الجديد وش بتسوي ؟:a120(89):

الخزمري @user_122174 · 24-09-2008

الصوت طبيعي جدا ؟ ولا تنسى انها 4 سلندر ما تتحمل المكيف زي 6او 8 سلندر

اهلا اهلا @user_56982 · 13-09-2008

لربما بيرنج المكيف فيه خلل ..
افحص سيور المحرك والبكرات التابعه له .
والله اعلم

إكس تريل @user_61708 · 13-09-2008

نفس الحكاية في سيارتي الاكس تريل صار فيها صوت بعد فترة من الاستخدام يظهر مع المكيف وينسمع وهي واقفة لكن بدون المكيف مايلاحظ كثير وارتفع الصوت حتى مع المشي على السرعات العالية صار في السارة حنة بعض الأحيان خاصة إذا في هواء قوي ووديتها الوكالة للصيانة وقلت لهم على الصوت وبعد الكشف قالوا يحتاج تغيير سير التايمنغ مع إنه جنزير وصراحة ما لاحظت إنهم متأكدين وهم قالوا إنه مش ضروري في الوقت الحاضر والحمدلله السيارة ماشية طبيعي والصوت ما زاد .

عبدالرحمن2 @user_26717 · 12-09-2008

وشو الصوت بالضبط وضح اكثر

سمير بوحه @user_107292 · 11-09-2008

اصوات المراوح <<< شيك عليها وبس

Y A S S E R @user_31184 · 10-09-2008

ينقل الى القسم المختص