الله لايهينك يابو اسد وماقصرت على الراي بس على كلام راعيه انه اغلب القطع موجوده لكن انا بنفسي اطلبها من النت لانها ارخص (في بعض الاحيان )واجود بما انك خبره يابو اسد توافقه الراي ولا لا وكم تحتاج القطعه عشان توصل للسعوديه وهل صحيح ان الاسعار ارخص ؟
المشكله يابو اسد اني سقت الموتر وجربته والله ياهو يبيض الوجه ولا اول ماعندي نيه ولافكرت فيه بس يوم سقته تغيرت النظره والله ماتقول تويوتا تقول فورد ولا جي ام سي حتى صوته وبدون مبالغه اريح من الاند كروزر عموما مشكور وبيض الله وجهك انت والشباب اللي ماقصروا باضافاتهم .
وفي انتظار المزيد من الاراء .
أنا ماأقدر أفتيك بقطع الغيار من ناحية السعر هذي لازم تعرف من وين تشتريها بالاول
ثانيا هل قد شريت قطع من النت أو تعرف تشتري؟
شوف الارتياح للموتر من أول تجربة لا يعني أنه ممتاز
ومازلت على رايي اني لا أنصحك به :)
لأن بنسبة لي حاس أنك بتبتلش به أن شريته صعب تبيعه مو الكل يعرفه والكل بيعرف أنه ماله قطع من النت يعني ماراح ياخذونه منك بسهولة واعتقد نفس زميلك الي عارضه لك ما أحد يفكر يسومه من بالمعارض أن دخله يطيحون بقيمته ويخسفون بها الأرض لأنه بصراحة تحس الموتر نكبة
بخصوص طلب قطع الغيار لازم تعرف فيه مواقع نصب تشتري القطع وقد شفتها بالأيميل وأرسلوله القطع عبارة عن صخور :emot96: يتهزون به كان شاري لابتوب من النت
لذلك لازم تشتري من مواقع موثوقة
ثانيا الطلب يجي نوعين
فيه طلب خلال 3 أيام بالكثير وهو عندك وطبعا هذا أغلى وتقريبا حسب ما أعرف دبل قيمة الشحن أن ما صار أكثر
وفيه الطلب العادي يجلس تقريبا متوسط أسبوعين كاملة ويزيد بالعادة عن ذلك
الطلبية العادية تضرب نوع القطع بالدولار في 5 أو 6 علشان تطلع سعرها بالريال السعودي شاملة الشحن
بينما الطلبيات المستعجلة تضربها في أقل شيء بـ 10
يا أخي وش لك بوجع الراس فك عمرك ولا تنكب بنفسك فيه :smilie532:
