100.000 .. مئة ألـف .. " تقرير "

mnaief @user_35156 Banned · 16-09-2008

بسم الله الرحمن الرحيم ..

100.000 مائة ألف .. هكذا كان يشير عداد سيارتي "الكورية"

قبل سنتين ونصف تقريباً ..

كانت البداية

قررت شراء سيارة بسعر مناسب ومواصفات مناسبه واسعار قطع غيار مناسبة أيضاَ ..

ما اخفيكم .. اني من عشاق الميني كوبر والكابريس ..

لكن بحكم صناعتها الألمانية فكان سعرها مرتفع جداً وسعر قطع الغيار غاليه بعد ..

طبعاً كانوا المعارضين كثيير على الميني كوبر بحجة الديزاين الغريب .. لكن كانت تحفه بالنسبة لي :D

والكابريس الـss كنت ابحث عن مستعمل وماحصلت شي نظيف وقتها ..

سألت وشاورت كثير من الزملاء

فكانت اغلب الاراء تتجه نحو الصانع الياباني لكثرة الشركات اليابانيه ..

كانت الخيارات كثيرة جداً وكانت كلها سيارات من شركات يابانيه

كامري .. أكورد .. جالنت .. ألتيمـا .. مازدا

الكامري شخصياً ما حبيتها لأسباب كثيره ..

الأكورد كانت سياره جيده لكن يعيبها سعر قطع الغيار غاليه جداااً ..

الجالنت .. من شركة ميتسوبيشي .. يعني مو مضمونه بالنسبه لي ..

الألتيما ابعدت عنها بسبب الوكيل .. وكان لنا معاناة سابقه مع وكيل نيسان ..

المازدا .. ما احد نصحني فيها .. والحمدلله ماخذتها ..

( حسيتوا اني معقد صح :D )

بعد شهرين تقريباً .. في الصدفه كنا نتمشى انا وواحد من الزملاء

ومرينا من جانب وكيل هيونداي الوعـلان ..

دخلنا الوكالة وبسم الله قلبنا بالسيارات كلها ..

اتجهت انظاري للسوناتا بحكم انها من نفس الفئة المطلوبه ..

كانت السياره المعروضه فل اوبشن ...

صراحه خقيت معها وقتها ... جلست ساعه اقلب فيها يمين ويسار

واذكر اني كنت جالس عند واحد من المندوبين لاكثر من نص ساعه للسؤال عن السوناتا

اخذت الكاتلوج ومن هنا اشاور فيها الاهل والزملاء . .

طبعاً كل اللوم جاني مجرد اني فكرت فيها لانها من انتاج هيونداي

وش تبيها فيها .. من جدك انت تاخذ كوريه ..

50 الف كيلوا وتخبط المكينة !!
70 الف كيلوا ويطيح القير !!
80 الف كيلوا وتبيعها تشليح بدون مكينة وقير !! :D

ما اقتنعت في هالكلام كله لانه كان لنا تجارب سابقه مع سيارات هيونداي

شاورت الاهل فيها والحمدلله استقر الخيار عليها ..

اخذتها نص فل .. قير اوتوا + تخشيبه + تحكم من الدركسون في المسجل + مثبت

والحمدلله توكلت على الله واخذتها طبعاً كانت اخر حبه من الدفعه .. واللون فضي > مب على كيفي

السياره الاولى دائم ماتصير فيها الأفلام .. وكانت سيارتي الاولى هي السوناتا

خلصنا اول 1000 كيلوا بحكه بسيطه .. بعد الـ1000 كيلوا بدا الأكشن

بعد ماتمت السياره 18 الف كيلوا قدر الله علي وصدمت فيها على سرعة 180 .. ( دخلت في صبة اللي تمسك الجسر ) .. والحمدلله طلعنا سالمين منها

السياره تضرر الوجه كاامل منها واثرت الصدمه على المكينه ..

كانت الاراء تتجه لأني ابيعها تشليح ! لكن ماطاوعني قلبي قلت قطع غيارها رخيصه وان شاء الله ماتكلف ..

صورة للسيارة من الداخل والخارج

فكانت اول تجربه في توفر قطع الغيار مع الوكيل .. وماخاب ظني فيه

جلست السياره شهرين في الورشه سمكره ورش ..

طبعا فكينا المكينه وغيرنا كذا قطعه فيها ..

اللي استغربت منه اسعار قطع الغيار.. وجدتها الأرخص في السوق

فمن راح يحصل كبوت جديد بـ600 ريال تقريبا .. ورفرف بحدود الـ300 ريال ..

وكلها أصلييييية

بعد ماطلعت السياره من الورشه كان عزمهاا ناايم لان المكينة مفكوكه

فأظطريت العب فيها شوي من فلتر لكويلات لبواجي ..

شهر تقريبا وكأن السياره استعادت عافيتها ..

والحمدلله . . إلى الآن وانا اشكر ربي اللي وفقني في اختيارهـا ..

اليوم كملت 100.000 الف كيـلـوا ..

سياره صار لها بحدود الخمس حوادث ( زودوا السادس حق قبل امس ) + مكينه مفكوكه .. !

العزم ماشاء الله لايعلى عليها . .

المكيف والحمدلله توووووب . . ( واحد من الشباب ركب معاي قالي انت شكلك مرهم لها مكيف تويوتا ) قلت له اللي مايعرف الصقر يشويه ..

طبعا مافيه مكان مادخلته من ردمية العاذريه إلا الثمامة وطعوسها ..

وفي السفريات الحمدلله مبيضة الوجه .. وصلت لأبها ولجدة ولدبي وللشرقية وللكويت :)

والآن والحمدلله عال العال :)

انطباعي عنها سياره أكثر من رائعة
مواصفات + جودة + سعر = كملها يامايكرو :D

رغم عدم اهتمامي بالصيانة الدائمه للسيارة
فتصور ان السياره فيها اربع بواجي كل واحد مختلف عن الثاني :D

لكن الحمدلله ماواجهت اي مشاكل مع التحفه الكوريه

بعـد هالتجربه .. تتوقع مني كمجرب ومستخدم للسيارة الكوريه اصدق كلام من يقول انها ماتمشي وانها ماتنفع وهو حتى ماجربها ؟
أو من يقول ان جودتها دون المستوى المطلوب ؟ !!

شخصياً .. ما اتوقع في يوم اني اشتري سياره غير هيونـداي .. (الله يحييـنا ) :)

.....
ملاحظة :
*..[COLOR=White]التقرير المفروض كان يطلع بشكل أفضل من كذا بس لضيق الوقت ماقدرت اخذ وقتي في التنسيق
[/COLOR]

د.خالد @user_111833 · 10-02-2009

مشالله تباركـ الله

السوناتا ماعليها كلام ...

ويمكن تكون قرأت موضوعي اللي تكلم عن تجربة سوناتا 2005 ...

بس راعي الموتر ضيق صدره شوية خرابات المشكلة انه محافظ عليها:smilie16:

وع العموم الله يوفقكـ ويمد لك في عمرها ...

..

بوغاتي فيرون @user_144364 · 10-02-2009

00000000000000000مشاء الله 0000000000000000000000000000

الله يحفظها لك
هذا الموتر واللا بلاش

:xyxwave:

M64 @user_132740 · 10-02-2009

ما أقول غير يعطيك العافيه وطولة العمر
6 حوادث وباقي عايش :bigggrin: ماشاء الله ولا حول ولا قوة إلا بالله :xyxwave:

تقرير ولا أروع
والله إنسجمت مع الموضوع .. داخل جو وبقوووهـ :)

بالنسبه للتنسيق ترى وربي من أروع ما يكون << نظره شخصيه بحته .. يعني مالي شغل فـ الباقي :smilie16:
لكن ملاحظتي .. الصور مو طالعه عندي :a1120(82):

الله يعطيك خيرها ويكفيك شرها
وإنتبه لنفسك ترى العمر واحد >> شايب :a1120(121):

تقبلـ مروريـ وإعجابي الشديد بطرحكـ :wavey:

CAPRICE2008LTZ @user_144353 · 10-02-2009

مشكووووووووووور

mnaief @user_35156 Banned صاحب الموضوع · 21-09-2008

ما شاء الله تقرير طيب جدا ,,
بارك الله لك فيها وعقبال ال 500 الف كم ,,
عل فكرة ودي أسأل اذا الالنترا بنفس الجودةوالقوة من ناحية تحمل الكرف وسواها ؟؟

الله يبارك فيك
الالنترا نفس الجودة إذا ماكانت أفضل :)

حياكم جميعاً

عكوس @user_50224 · 20-09-2008

هههههههههه
اضحكتني اضحك الله سنك

احلى شي سالفة البواجي

الله يبارك لك فيها

ابوريناد19 @user_64359 · 20-09-2008

ما شاء الله تقرير طيب جدا ,,
بارك الله لك فيها وعقبال ال 500 الف كم ,,
عل فكرة ودي أسأل اذا الالنترا بنفس الجودةوالقوة من ناحية تحمل الكرف وسواها ؟؟

vector @user_39432 · 19-09-2008

ماشاء الله تبارك الله

الله يخليه لك ويصير من ضمن الورث:e058:<<<<<< بعد عمر طويل طبعا

وصقعتك الأولى مثل اللي صارت معي بس أنا صقعت بكورولا ماشي 60 من ورا:e058:

بس صراحة القطع بلاااااش

وأحلى تقييم لولد العم نايف
:emot154:

mnaief @user_35156 Banned صاحب الموضوع · 19-09-2008

ا شاء الله ..

هذا وبعد جايها صدوم ماشاء الله والغالب السياره اذا صارت مصدومه من الوجه تروح فيها خربات ..

والله يعطيك خيرها ويكفيك شرها ..

وعقبال الـ 200الف كيلو ..

تقبلل مروري

صحيح كلامك ان السياره تكثر مشاكلها اذا جاها وجه وخاصة الدفع الامامي ..

الله يعافيك ناصـر .. :)

السلام عليكم
ماشاء الله ، الله يبارك لك في سيارتك ويحفظها ، عقبال تقرير الـ 200.000 كم.
تحياتي...

امين يارب ..
ولاتنسـانا من تقرير برضوا لسيارتك .. :)

ا شااء الله

الله يحفظها لك من الشر
واهم شئ يحفظ انت من الشر
هالله هالله من الحوادث وشرها
واذبح ضحية على السياره احس هالحوادث كلها عين وحسد

عقبال تقرير الـ 200000

تحياااتي

ويحفظك يارب ..
والله يادبدوب مرة اقول انها عين ومره اقول اني غشيم :D
بس الاهم نطلع سالمين ولا الحديد يتسمكر :D ..

عافاك ربي دبدوب على تشريفك..

DaBDoB @user_71807 · 18-09-2008

ما شااء الله

الله يحفظها لك من الشر
واهم شئ يحفظ انت من الشر
هالله هالله من الحوادث وشرها
واذبح ضحية على السياره احس هالحوادث كلها عين وحسد

عقبال تقرير الـ 200000

تحياااتي

sun light @user_52233 · 18-09-2008

السلام عليكم
ماشاء الله ، الله يبارك لك في سيارتك ويحفظها ، عقبال تقرير الـ 200.000 كم.
تحياتي...

نـاصر @user_80714 · 18-09-2008

ما شاء الله ..

هذا وبعد جايها صدوم ماشاء الله والغالب السياره اذا صارت مصدومه من الوجه تروح فيها خربات ..

والله يعطيك خيرها ويكفيك شرها ..

وعقبال الـ 200الف كيلو ..

تقبلل مروري

mnaief @user_35156 Banned صاحب الموضوع · 18-09-2008

مآشاء الله تبارك الله....هذا عشمي قي السوسو...
.
.
بصرآحة...سمتها سوم العذاب ياخوي....مابقيت فيها شيء ما جاه شاكوش<<سمكره...

الحمدلله انك تطلع من الحوآدث سآلم...

بس ياخي عندي احساس انها عين...لأنها تجي في السيارة ماتجي في راعيها...
.
.
عقبآل ما نشوف تقرير الـ 1.000.000
.
.
ولآتنسى التجمع بكرهـ...ان شاء الله نشوفك هناك...
تحيآتي لك..

والله وانا اخوك كل حته في السياره مسمكره :D

بس الحمدلله الحوادث اللي تجي ماتضررت منها ابداً

طبعاً شي اكيد بقدرة الله سبحانه وتعالى

ثم بفضل نظام امتصاص الصدمات الاكثر من رائع في السوناتا

اما عن حكاية عين وانا اخوك فهذي خالصين منها

والله لو اقولك سالفة جلست على السياره بحدود الشهرين ماتصدقها

تقريباً جلست شهرين كامله .. والله كل ماغسلت السياره اطلع من المغسله ما يمديني اوصل للبيت إلا واحد حاكني ولا دافني . .

والله جلست شهرين على هالحالة ..

آخر شي طابت نفسي صراحه وقفتها تقريباً اسبوع بالبيت وجلست على جمس البيت استخددمه

وكل من سألني قلت خبطت المكينه وفي الوكالة يصلحونها !

طبعاً اول حادث لها كان بركة عين ولد جيراننا حسبي الله عليه !!
درعمة بالولد وكنا نمشي 200 .. شوي قالي الحين انا نمشي 200 ولا 140 !! :D
من بعد مانزل جبت العيد في الصبه .. بس عاد ليته كان معي عشان تبرد قلبي شوي > نذل

من فترة يمكن اقل من شهر رشيت السيارة كامله وسمكرت كل ضربه فيها ..

ماكملت الشهر الظاهر إلا حادث + حكه بالصدام الخلفي .. !!

منحوسه يارجال ..

بس اهم شي العزم والمكيف والمسجل .. ولا البدي بكيفه :D

Sonata GLS 2006 @user_54588 · 18-09-2008

مآشاء الله تبارك الله....هذا عشمي قي السوسو...
.
.
بصرآحة...سمتها سوم العذاب ياخوي....مابقيت فيها شيء ما جاه شاكوش<<سمكره...:a120(89):

الحمدلله انك تطلع من الحوآدث سآلم...

بس ياخي عندي احساس انها عين...لأنها تجي في السيارة ماتجي في راعيها...
.
.
عقبآل ما نشوف تقرير الـ 1.000.000
.
.
ولآتنسى التجمع بكرهـ...ان شاء الله نشوفك هناك...
تحيآتي لك..

mnaief @user_35156 Banned صاحب الموضوع · 18-09-2008

مــــاشاء الله تبارك الله..

كفيت ووفيت naif_2s ..

الله يخلي لك سيارتك ويحفظها لك ..

أحسن حاجه لما تحب سيارتك ..

ويعطيك ألف عآآفية ..

تقبل مرووري .. ،،

آمين يارب .. وعلاقة الحب ماتجي إلا مع الجلد والكرف :D

شاكر لك مرورك محمد ..

الله يعطيك الصحه والعافيه على التقارير الحلوه اللي زي كذا , ماقصرت ولله

تقرير رائع من شخص اروع , ابدعت يانايف

وماتشوف شر ان شاء الله , جعله الله آخر الأحزان

وعقبال الـ200,000 ان شاء الله على خير

.
.

الله يعافيك يارب ..
الرائـع تشريفك لي في الموضوع .. :)

أبـــوبـــدران @user_19528 · 17-09-2008

الله يعطيك الصحه والعافيه على التقارير الحلوه اللي زي كذا , ماقصرت ولله

تقرير رائع من شخص اروع , ابدعت يانايف

وماتشوف شر ان شاء الله , جعله الله آخر الأحزان

وعقبال الـ200,000 ان شاء الله على خير

.
.

:emot154:

M O H A M E D @user_99620 · 17-09-2008

مــــاشاء الله تبارك الله..

كفيت ووفيت naif_2s ..

الله يخلي لك سيارتك ويحفظها لك ..

أحسن حاجه لما تحب سيارتك ..

ويعطيك ألف عآآفية ..

تقبل مرووري .. ،،

mnaief @user_35156 Banned صاحب الموضوع · 17-09-2008

ماشاء الله تبارك الله وعقبال مليون ميل

مليون ميل يكتبها لكم ولدي ان شاء الله :D

ماشاء الله تبارك الله ,,,

الله يديم هـ الموده بينكم :D <<حشا ماعادت سياره :p

الله يعطيك خيرها ويكفيك شرها , موديلات 2009 بتحطم المقاييس العالميه بس خلهم يخفضون الاسعار <<جوعان ؟ :D

شكراً ع الموضوع نايف :)

تحياتي,,,

أهلاً مشرفنا العزيز :) منور

بالنسبة لموديلات 2009 اشوف اسعارها اكثر من المعقول

اذا مانظرنا للمنافسين .. فصدقني في نظري ان السياره تحمل جوده أعلى من بعض السيارات المنافسه وهي ذات سعر اغلى ..

فصدقني لو تروح تشوف الفل كامل كيف احتراف التصميم والابداع في الديكور

بتشوف انها تستاهل الـ82 عليها .. :)

حياك مشرفنا ..

mnaief @user_35156 Banned صاحب الموضوع · 17-09-2008

الله يصبـرها عليك لما تتم المليوون كيلوو :smilie6:

تقرير تحفــه وحسيت أنه تقرير حوادث من المرور :e058:

وأفضــل مافي السوناتا قطعهاا رخيصه

ماأقول ألا فـالك المليوون :smilie6:

ههههههههههههههههههههههههه اجل تقرير حوادث

والله السياره ماقصرت تحملتني على اللي جاها واللي بيجيها :D

^^^

كأنهم قاعدين يصلحون لها عملية زايدة :D

السوناتا هي انطلاقة هيونداي الحقيقية ... و الدلائل كثيرة و سوناتتك أحدها.

ننتظر تقرير الـ 200 ألف :D

هههههههه ليتها زايده كان انتهت باسبوع .. :D

وصدقت في كلامك السوناتا هي أكثر من رفع اسهم هيونداي عندنا ..

تقرير رائع جداً

تجربتك هذه واحد من تجارب عديده

الحمدلله ثقتي بالهيونداي عاليه لدرجة انه مستحيل احد يقنعني انها رديئه

سيارتي السوناتا ماشيه الحين 280 الف موديل 2002 وماشاءالله تبارك الله السياره عاشقها للحين والى بكره

واوعدكم بتقرير الـ 300 الف

سيارتك عانت الكثير من الظروف القاسيه و100 الف ومن احسن مايكون

اعتقد انك وصلت لمرحلة الثقه اللي وصلت لها انا

واللي بالتأكيد ما جات من فراغ او من هراء وانما من تجارب وعشرة سنين مع الهيونداي

مثلي ومثلك واثقين بالهيونداي

نجي للي بعده

مواصفات مايحتاج السياره غنيه

والسعر من غير جشع

هذا غير متعة قيادة هيونداي اللي يعرفها اصحابها ( سلاسه , رساوه , عزل قوي )

والله مدري وش اللي يخليني ادور غير الهيونداي

^
^

هذا ردي على بعض من اعترضو على شرائي للأزيرا " عندك هيونداي وتروح تاخذ هيونداي " بلاهم والله مايدرون ويحسبوني اصبغ الكلام معهم من اول

تخيل عند شرائي مؤخراً لسياره كان من اولى اولوياتي اني ما افرط بسيارتي السوناتا

فـ جمعت مبلغ من الصفر وشريت ازيرا " وتأكد اني قارنتها مع المنافسين ارضاء للضمير " واشتريتها عن قناعه تامه

انتظر حالياً بشوق كبير الجيل الجديد من الازيرا والذي اتوقع منه الشي الكثير اما الجينيسيس فـ العين بصيره واليد قصيره

الله يعطيك خير السوسو ويكفيك شرها

والله يكفيك شر الحوادث

وعقبال ما يتعلمون عيالك السواقه عليها

موفق خير

هلاوالله بهالطله .. منور الموضـوع ...

صراحه ذكرتني بميزه مايعرفها إلا اللي يمتلك سيارة هيونداي

اللي هي السلاسة والعزل الصوتي .. فعلاً هيونداي ابدعت في هالميزتين كثيـر ..

وحالياً ماعندي نية تبديل او شراء سيارة ..

لكن لو فكرت .. حدود تفكيري لن تسرح بعيداً عن هـيـونـداي :)

والحمدلله ثقه في هيونداي ثقة عمياء .. يكفيني سيارتي اكبر دليل على كل ماجاها إلا انها ماشيه وبأحسن حال والحمدلله وفوق هذا تفوقت على كثير سيارات من نفس فئتها وماشافت ربع اللي شافته

وولاتنسانا يافارس من تقرير الـ300 .. > ننتظره على أحر من الجمر