باركو لي.. وأفيدوني جزاكم الله خير

ابو فنه @user_8935 · 30-09-2008

السلام عليكم ورحمة الله وبركاته
وكل عام وانتم بخير وتقبل الله منا ومنكم صالح الاعمال

أبشركم يا اخوان بأن الله من علي واشتريت ازيرا 3.8 فل كامل من وكالة الناغي (طبعا انا من سكان الرياض) والسبب في شراءي للسيارة من الناغي هو عدم توفر النوع واللون المطلوب عند غيره من الوكلاء (الوعلان - المجدوعي) بالاضافه انها أرخص عند الناغي من غيره

السيارة كاملة والكامل وجهه سبحانه

بس فيه مشكله بسيطه واجهتني وهي اني لما عبيت السيارة بنزين 91 (علما بأني قريت كتيب الاستخدام وأفاد ان البنزين المناسب للسيارة بنزين 91 فأعلى) ولكن صار فيه صوت (زنه) بسيطه وما يطلع الا اذا كنت مشغل المكيف

فما أدري هل الصوت بسبب نوع البنزين أم السير يحتاج إلى شد (أتوقع الازيرا يربط جميع بكراتها سير واحد)

أرجو من الاخوان اللي واجهتهم نفس المشكله افادتي بالحل

ولكم مني خالص الدعاء

ابو فنه @user_8935 صاحب الموضوع · 02-10-2008

اخوي mnaief
حياك الله.. وبالنسبة للبنزين بأجرب 95 وباشوف هل فيه فرق يستاهل او لا

الغالي بندر
كلامك درر.. والمشكلة اللي ادور لها حل الصوت اللي يجي مع تشغيل المكيف (صوت زنه)

ارجو من الاخوان اللي مرت عليهم مثل هالمشكله افادتي عنها :(

بــنــدر @user_41865 · 02-10-2008

أخوي كل أنواع البنزين سواء 91 أو 95 مناسب للأزيرا
لكن
95 يعطيك أفضل النتائج
91 يصرف أكثر عشان يعطيك نتيجة مثل 95
هذا الفرق
يعني بنزين 91 تسحب المكينة منه كمية أكبر عشان تعطيك نتيجةمساوية لم تسحب المكينة كمية أقل من بنزين 95
وكلهم مناسب أهم شيء إنك تثبت على نوع مو كل شوي تغيير أعتقد كثرة التغيير يسوي لك مشكلة

mnaief @user_35156 Banned · 01-10-2008

ماعندي ازيرا .. لكن مكينة بحجم 3.8 اعتقد الأنسب لها 95 ..

منها راح يعطيك عزم السياره الفعلي .. :)

وانتظر ملاكها يفيدونك أكثر

ابو فنه @user_8935 صاحب الموضوع · 01-10-2008

راعي الكامري 04
مساء النور << ما رد الا الليل :D
وانت بخير وصحة وسلامة
والله يبارك فيك
ومثل ما قلت لاحد الاخوان قبلك.. بنزين 95 ما مثله بس بيكلف شوي يالغالي

راعي الكامري 04 @user_61322 · 01-10-2008

صباح الورد يالغلا

كل عام وانت بخير

ومبروووووووووووووك السياره

وثالث شيء غير بنزين 95 لاتدور لانه تمام للمكينه ويعطي انفجار اقوى للسنلدر

والله اعلم

تحياتي

ابو فنه @user_8935 صاحب الموضوع · 01-10-2008

راعي الازيرا
فعلا كلامك صح.. بس وانا اخوك مشاويري اليومية كثيرة شوي وبنزين 95 بيرهق الجيب :(

تـMـيـM
الله يبارك فيك
موديلها 2008 وما ادري اذا نزل2009 او لا
اللون ابيض لؤلؤي
وبالنسبة للصوت بنشوف الوكالة وعلى الله يعطونا علم ما يعلونا

برضوه في انتظار باقي الخبراء يفيدونا في حل المشكلة :)

تـــMـــيـــM @user_46109 · 01-10-2008

ماشاء الله تبارك الرحمن . . عالبركة
ماقلت لنا أي لون ؟ والموديل 2008 أو 2009 اللي ما أدري عنه نزل أو لا

والصوت إذا ماراح , مالك معاذ أقصد مالك إلا الوكالة ترجع لها

راعي الآزيرا @user_121068 · 01-10-2008

الله يعطيك خيرها ويكفيك شرها

بالنسبة للبنزين .. أنا أفضل الـ 95
على حسب رأي الوكالة (( يقولون إذا تبي تدلعها إستخدم الـ 95 ))

وعندنا كابرس موديل 96
وما اشتكى من أي شي من 12 سنة .. ولما نزلوا نوعيات البنزين الجديدة .. خربت طرمبة البنزين

ابو فنه @user_8935 صاحب الموضوع · 01-10-2008

عزيزي مايكروسوفت
الله يبارك فيك ويجزاك خير
بالنسبة لسعرها فهو 88 ألف ريال

وانا لولا ثقتي بعد الله في الاعضاء البواسل :D كان ما كتبت الموضوع

مشرفنا الغالي محمد الخلاوي
اللي تشوفه يا طويل العمر :)

خيال السطور
جزاك الله خير على النصيحه.. وان شاء الله راح اعمل بنصيحتك :)

معي النترا
الله يبارك فيك ويجزاك خير
طيب وانا اخوك وش تعتقد المشكلة منه؟؟
ونصيحتك راح اخذ بها ان شاء الله

في انتظار بقية الاعضاء للنظر في المشكلة :)

معي النترا @user_94136 · 01-10-2008

1000 مبروك 1000
الله يعطيك خيرها ويكفيك شرها
..
وبالنسبه للمشكله ما اعقد من البنزين .. لكن افضل لك الاحمر 95 ..

,,,

خيال السطور @user_87389 · 01-10-2008

نصيحة ياخوك لاتستخدم بنزين 91 حتى لو كتب في دفترة الوكالة
والله ياخوك حرام سيارات جديدة وبهالاسعار ونخربها بهالبنزين الخايس
نصيحة حاول تمشي عليها كثير لين تفضي التانكي وبعدين غير لل95 وريح بالك وريح موترك
واذا مانت مقتنع بكلامي اسأل أي ميكانيكي فاهم راح يقولك البنزين 91 يلعب بحسبة السيارة

M.W4EVER @user_65403 · 30-09-2008

ينقل إلى طلبات واستفسارات الأعضاء

Microsoft @user_17932 · 30-09-2008

ألف مبروووك والله يعطيك من خيرها ويكفيك شرها

ما شاء الله .. غريب كيف الناغي أرخص كم طلعت عليك

بالنسبة للصوت لا تشيل هم .. شوي ويجون ملاك الأزيرا ويفيدونك

:)