بالرغم من كل هالعيوب ودي امتلكها

أنا متأكد إن معظمكم يمر بأزمة شراء السيارة .. يعني قبل لا يعزم على سيارة تلاقيه (سرده مرده) على هالوكالات والمعارض ،
واعراض هالأزمة بدت تطلع عندي ، صايرلي حوالي اسبوع ادخل على هالوكالات وأشوف إيش الجديد ، طبعا انا أحب أي شي إسمه جيب دفع رباعي
وبصراحة عيني على جيب بس المشكلة إني إحترت وما عرفت إيش آخذ ،
شفت ال FJ أكثر من مرة وكل ما أقول لنفسي (بأتوكل عل الله وأخذه ) أكتشف إن داخلية السيارة مش ولا بد طبعا للأسباب التالية
1: ما فيها ذيك الرفاهية من الداخل
2: النوافذ الخلفية مصممة إنها ما تفتح أبد
3:شكل الجير وهو مايل ما عجبني
4:كراسي مو كهرب ( دخلنا بــ 2009 ولا الحين الكراسي مش كهرب )
5:لا شاشه عرض ولا حتى NAVIGATION SYSTEM (مع إن المفروض يحطوا هالميزة لإنها جيب " حق سفر وخطوط وتخييم" )
6:السيارة مصممة تكون بدون فتحة سقف
"""مع كل هالعيوب إلا إني حابب هالسيارة """
طبعا من برا ( ماشاء الله شكل شبابي وعصري وجبار بنفس الوقت (ماخذ شكل الموديلات القديمة)
المكينه والعزم والأداء ( إدخل على اليو تيوب وشوف العجايب اللي يسويها الإف جي وما سواها الهمر ولا الجمس )
( طبعا التويوتا معروف بالمملكة والخليج إنها سيارة تخدم والحمد لله و خرباتها قليلة والمكيف روعة )
واللي يقهر أكثر شي (( لما خشيت على الموقع الأم حق تويوتا وشفت الإف جي
و للأسف كان في فرق بين مواصفات الوكيل والمواصفات اللي شفتها بالموقع ))
ودي آخذ برايكم يا شباب هل أعزم على هالجيب
ولا في أحد ينصحني بشي ثاني طبعا انا حدي 130,000 ريال وأكيد أبي شي مميز مو منتشر مرررررررره بالشوارع