هل بالأمكان ترهيم طرمبة بانزين لاندكروزر على الأكسبلورر

أخوي ممكن تعلمني إسم الورشة ومكانها إذا كانت بالرياض
ومبرووووك مقدما
لأن واحد من الربع يعاني من هذه المشكلة
فياليت تساعدني وشكرا

أشكر جميع الأخوان الأعزاء الذين شاركو بالموضوع سواء بنصيحة أو بسابق تجربة

وللأسف طرمبة اللاندكروزر ما تركب والوكالة يبيعون الطرمبة كاملة وقيمتها بعد الخصم 950 ريال ولكن وفقني الله بكهربائي ممتـــــــــــــــــــــــــــــــاز وفك الطرمبة وغير قلبها بطرمبة مشابهه لها بنسبة 99.99 % صناعة ألمانية ( جوده أعلى من الطرمبة الأصلية ) والحمد لله نجحت العملية

قيمة الطرمبة الألمانية : 180 ريال فقط وهية نفس طرمبة الجمس 95 وأيضاً تركب على المرسدس 500 وتم تركيبها بـ 200 ريال يعني الموضوع كــــــــــامل كلف 385 مع الأشطرطون

أكرر شكري لكم

أنا حصل معي في الفورد الحبيب رفيق العمر وكثير الأعطال وأحلا شي لما يوقف فجاءه وفي الصيف كما بحلو له في طرق وادي الدواسر ولا طريق الملك عبدالعزيز وخاصة معاك الفملي .أنا كنت أفكره أول مره تسخين تضحك علي فاتح المكبوت والشنطة وتانكي البنزين أنسم له هههههههههه .وبالمساء خذ حصان عمرة ثلاث عجيب والله سرت أتحاشى الظهرية تعرفون انه كارثة على السيارات ويهد حيلها.رحت احمد المشعل قالي طرمبة البنزين وشف هذا أخوه ماركيز نفس مشكلتك ,سألت صاحب الماركيز اخوي وش الحل قال الحل 800 ريال كل سنه وخاصة قي الصيف قلت ردينا على الصيف وتذكرة الوقفات الحلوة,اتصلت على الوكالة في خريص رد علي كبير المهند سين وهو شامي قال هذه مشكلة الطرمبه ويجب تغيرها سنوينا قلت يباش مهندس ماكتبت تقرير للمصنع وحليت المشكلة قال ما وجدولها حل .قفلت السماعة ورحت لأصحاب القطع بغير ,قلت أعطيني طرمبه فورد موديل ,فكيتها وتفحصتها طلعت كلها قطعة ولها جرم من الداخل قلت هذا والله العيب يسخن الجرم الداخلي ويتمدد ثم يقفل عملها( مانسينا مادة العلوم وأسلاك الكهرباء والشتاء والصيف)المناهج حلوه في الوقت الحلو القطعة شكلها ما ناسبتني حتى( أنها أصليه)قلت اعمل دراسة مصغرة وبلاش كل سنه ياحنفي, قلت للبائع ممكن تركب محلها طرمبة ثانيه قال الكابرس قلت وريني الشكل قريب للأولى وقالوا برضه تغيرها كل 3 سنوات مثل أختها حقه الفورد رجعتها وخرجت.اتجهت لمحل مقابل وواجهت رجل سعودي في الخمسينات سألته يا عزيزي (وش الطرمبه إلي جبتها ما أحد طلبها منك) ضحك الرجل على السؤل الظريف وتحقق من موضوعي وقال جبت جمس 95 أو 87 (أنا نسيت الموضوع من زمان) نادر احد يسأل عنها قلت وريني وراني شكلها غريب مجوفة من الداخل فقط مروحة دفع وليس لها جرم دخلي وليست ثقيلة مثل الفورد قلت تركب على الفورد قال ما ادري ,طيب كم سعرها قال 180 ريال أخذتها ورحلت إلى ورشة أتراك قالوا 450ريال فك التانكي وتغييرها , وغيرة الاتجاه رحت لباكستاني في أخر الصناعية تعرفون جالسين بدون شغل ومني ومنه وافق على 170ريال وأعطينا الكهربائي يعمل الترهيم وضبطناها مثل الأصلية في التركيب وما شاء الله مثل الحصان حتى توفاها الله وهي تناهز العشر سنين آسف للإطالة ولكن القصة لها نكه أخرى والله لا يريكم مكروه

اتفق تماما مع اخوي فني

بس اذا طرمبة الاكسبلورر ما احد يشكي منها و تعيش عمر طيب ماله داعي الترهيم خليك على الاصلي

اما لو كانت مثلها مثل طرمبة الجمس ضعيفة و عمرها قصير فاكيد الترهيم افضل

وهي قطعة مستقله اذا كانت تركب تمام و قادرة على اداء الضغط المطلوب او اكثر فمنظم الضغط على خط الراجع يتولي امر المحافظة على الضغط فما فيه مشكلة من الترهيم و ما هو دائما الاصلي افضل من غيره

احد الاخوان كان منل موضوع سابقا عن طرمبة البنزين تبع الاند كروزر وانها تركب على (الجمس)

لكن الاكسبلورر ماسمعت فيها ابدأ

واذا اللي قالك شخص ثقه وخبر اكيد انه سبق له وفك طربمة الاكسبلورر والاند كروزر وتأكد من انها تركب على بعض

واذا القطعه تركب بدون توليف و الرجال بيعطيك ضمان على شغله توكل على الله

لكن انا لو كنت مكانك اركب لها طرمبة بلدها الاصليه

وبصراحه ماسمعت احد يشتكي كثير من طرمبة البنزين للاكسبلورر وانها تاخذ وقت وهي ماتعطلت

وليست مثل طرمبة الجمس تتعطل كثير

لم اسمع بهذا من قبل ولكن بشكل عام الكلام مقبول و خاصة انه من انسان خبرة كما ذكرت
لذالك قد تركب بعض القطع على بعض مثل الطلمبة بسبب انها مضخة كهربائية ولديها راجع للبنزين يعني لو اختلف شئ من الضغط البنزين سيكون هناك خرطوم راجع للخزان لذلك لا ارى مشكله في ذلك وقد شاهدت مثلا طلمبة مرسيدس على جمس بيك اب وماشي حالها اكثر من الاصليه
و القرار الاخير لك

الافضل الطرميه الاصليه ازين من الترهيم وبعدين احتمال قطعه التويوتا تكون مغشوشه لان القطع اليابانيه كثير مغشوشه ومقلده وحتى لو كان مكتوب صنع في اليابان
اسمع اخوي اذا كان سياراتك ماشيه فوق الستين يستحسن تغير صفاي البنزين وزيت وفلتر القير ومويه الارديتر والبواجي هذا اذا كنت ما غيرتها قبل
شف الوكاله اريح لك غير الشغلات هذه مع طرمبه البنزين و اذكر فورد يعطون ضمان على شغلهم أو ودها لورشه ترتاح لها وان شاءالله يبي يتغير عليك الموتر للافضل