أبي أعدل على السوناتا 2007

شوف يالغالي اببدا معك حبه حبه ..

اول شي الفتحه ..انا انصحك انك تبتعد عنها ..

لانها لو ما جت شد بلد ومن المصنع صعب تلقا احد يضبطها لك ..

لان يبيلها دقه وحرص وشغل مضبووووووط ..

لو انك ملزززم تركبها . اخبر محل اسمه السليماني يسوي الفتحات ويركبها ..

واخبر ان احد الوكالات (بدون ذكر اسماء عشان ما ينقز احد ويقول انت تغلط وانت وانت .....) يستعين بهالمحل عشان يركب فتحات لسياراته ..
تكلفك الفتحه 3000 ريال وانت طالع ..

----------------------------------------------------------------

الصدام الخلفي : صراحه ما عندي علم كم سعره .. لكن دام انه جديد ولموديل 2009 وفيه تغيير بسيط لكن حلو الصراحه ..

اتوقع سعره راح يكون غاالي ..

وهي فكره حلوه والله انك تركب صدام جديد حق 2009 .. لكن يبيلك تغير الصدام الامامي والاصطبات الاماميه والشبك .. هذا اذا تبي تقلب سيارتك 2009 ..

اما تخلي الصدام الخلفي 2009 والباقي عادي ؟؟

بيكون شكلها نوعا ما مرقّع .

لو تركب صدام خلفي حق 6 سلندر موديل 2007 بيطلع حلو صراحه ..

----------------------------------------------------


حساسات الريوس: آخر مره شفتها على العليان (طريق خريص) ب480 ريال 4 حساسات مع التركيب وشاشه تبين لك المسافه (صغيره ماهي كبيره) وجهاز صوت ..

هذي 4 حساسات .

لو تبي تركب 2 ب300 ريال مع التركيب اكيد ..(مع الشاشه وحق الصوت ايضا)

ونصيحة لا تركب الا النوع الماليزي لانه الافضل وفيه امكانيه انك ترشه بويه على لون السياره ومافيه ضرر .. وضمان سنه عليه ..

--------------------------------------------------------------------

الكشافات الاماميه: من رايي لا تشتريها من الوكاله لانها اكيد اغلا من السوق ..

لو تروح موزع بتلقاها ارخص .. ولو تاخذ تجاري تلقاها بسعر التراب (وانت بكرامه)

-----------------------------------------------------------------

الجنوط: لو على هالسعر راح تكلفك 3800 من غير الكفرات ..

وعليك حساب الكفرات ..

انا من رايي لو تروح الغرابي (كانك بالرياض) او اي اماكن تعديل للسيارات والكفرات وبتلقا ارخص باذن الله ..

يعني يمكن تاخذ ال4 جنوط مع الكفرات باقل من 3000 ريال باذن الله (يمكن 2500 وحواليها) ..




اتمنى اني افدتك وجاوبت اجوبه كافيه على استفساراتك ..

تحياتي ..