سيارتي قربت من الـ60الف كيلو ..وابي اسال كم سوال ؟

نـاصر @user_80714 · 14-10-2008

السلام عليكم ورحمت الله وبركاته ...,

كيف حالكم ان شاء الله بخير

المهم ياشباب ..

سيارتي قربت من الـ60 الف كيلو .. مابقي الا تقريبا 4الاف

وانتو تعرفون ان الضمان الى 60 الف كيلو ..

وعندي كم سوال واستفسار :

انا ابي ادخل السياره للفحص لو شي لاقدر الله يصلحونه على الضمان (طبعا اذا قربت من نهايت الضمان)

وكم ياخذون مني على الفحص ؟؟ ووش الاشياء الى تغير في صيانه الـ60الف كيلو ؟

وعندي الولاعه ماتشغل من طلعتها من الوكاله والثانيه كانت تشتغل والحين خربت ! يمكن لاني احط فيها الشاحن داايم .. يعني كل الثنتين خربانه ..

وعندي الفلتر حق المكيف جيت ابفكه الكباسات وانكسرت معي !! وش السوات هل الضمان يصلحها !!؟ يعني انا الى متسبب فيها .. بس الحمدلله الى يمسك الفلتر مانفك معي يعني الحين ماقدر افكه ابد لان الى تمسكه تكسرت :smilie6:

وعندي مشكله ايضا والى هي

اذا فجرت الموتر من القومه يمشى طبيعي واذا وصلت للثالث وحنت ااخر شي واذا بغت تعشق للرابع تحس انها تهدي شوي وبعدين تعشق وتمشي .. حتى الى يركبون معي يقولون وراك فيكت رجلك شوي عن البنزين .!

واهم شي السوال الاول الله لايهينكم ..

ويعطكم العافيه ..,

نـاصر @user_80714 صاحب الموضوع · 18-11-2008

^^^^^^^^^^^

طيب اي تشليح تنصحني ؟؟؟

رايدمكاووي @user_131656 Banned · 17-11-2008

ودها لتشليح ازين كل شي خربان

zoom_833 @user_85677 Banned · 16-10-2008

^^^^^^^^^^^^^
زي ما قال ابو خميس .. وزي ما قلت لك ..

أبو خميس @user_49190 · 16-10-2008

^^^^^^^^^^^

أنت دخـلها خلهم يصـلحون اللي تبي على الضـمـان

والصيانه سوها برا ولا مايحتاج تسوي شـي موترك توه 60 ألف

نـاصر @user_80714 صاحب الموضوع · 15-10-2008

يعطيك العافيه ابو بدران ..

وشكلي ابسويها برا .. 2800ريال ! على ايش تكفى ؟

الفلتر هو الى ماغيرته حق الوكاله .

والزيت مغيره

الصفايه ماغيرتها

فلتر المكيف مكسور الى يفتحها :a120(89):

/

والى محرصني على صيانه الـ60 الف .. اني مادخلها مدخلها عشان الولاعه وعشان فلتر المكيف

أبـــوبـــدران @user_19528 · 15-10-2008

ياهلا اخوي نآصر.

مايضر تغيير نوعية الزيت , وكلامي عن تجربه قويه :) .

وبالنسبه للفحص , المجدوعي اقل من الوعلآن بكثير ! , والـ400 اللي يقصد فارس ..

هذي شغل يد وفحص بس !! يعني يمكن عشان ماتتفاجئ يوصل المبلغ 1800 او اكثر !!

انا رحت لهم في الـ60 الف ! قالوا لي حول 2800 ريال .. :a120(89): .. وبعد المصارعه الحره صآرت 2350

وبعدها طلعت من عندهم ولا سويت شي !

الأشياء اللي لازم تغيرها:

1- زيت القير . (من اهم الأشياء اللي تتغير)
2- فلتر الهواء وفلتر المكيف (فلتر الهواء ضروري يتغير بأستمرار , كل 6شهور او 25 الفتقريبآ)
3- صفآية البنزين (تغيرها بعد الـ60 الف )
4- تبديل اماكن الكفرآت (اذا مشيت عليها 20 الى 30 الف)

واذا ذكرت شي ابكتبه , لأن مخي قافل الحين مدري وش فيه < من امس مانام الا 3 سآعآت

:)

نـاصر @user_80714 صاحب الموضوع · 14-10-2008

وجع !

بس ان شاء الله مايكون فيها شي ..

طيب انا احط زيت سوبر جيتي والوكاله كاسترول !! يضر المكينه كذا ..!؟ اقد اخليها بدون تغير زيت مكينه ؟

ويعطيك العافيه ..

بلا حدود @user_24628 · 14-10-2008

^
^

ناصر اقصد 400 حق الصيانه فقط

يعني لو احتاجت سيارتك لقطع غيار تضاف على الـ 400

هذا غير سعر تغيير زيت المكينه والفلتر واذا بيكون فيها بعد زيت قير احسب حسابك

يعني مو 400 وخلاص

نـاصر @user_80714 صاحب الموضوع · 14-10-2008

هلا والله فارس ..

السياره لها معي 10الى 11شهر كلها خطوط:smilie6:

/
يعني ادفع 400ريال ويغيرون كل الاشياء الى ذكرتها ؟
/
وبالنسبه للولاعه انتبه قبل لاتخرب .. انا دايم متواصل وتجاري بعد خخخ
/
ومشكله القير ابجرب اليوم او بكره .. لان اليوم مشغول شوي ..
/
وبالنسبه للرساله خذ راحتك فيها ..

ويعطيك العافيه وماقصرت ..

بلا حدود @user_24628 · 14-10-2008

:

::SONATA::

السلام عليكم ورحمت الله وبركاته ...,

كيف حالكم ان شاء الله بخير

المهم ياشباب ..

سيارتي قربت من الـ60 الف كيلو .. مابقي الا تقريبا 4الاف

..,

ماشاءالله تبارك الله

تمشي واجد شكلك

كم لها معك ؟

وعندي كم سوال واستفسار :

انا ابي ادخل السياره للفحص لو شي لاقدر الله يصلحونه على الضمان (طبعا اذا قربت من نهايت الضمان)

في البدايه انا بجاوبك على حسب تجربتي مع المجدوعي ويمكن مايكون مثل الوعلان

اي مشكله بالسياره ماهي استهلاكيه ولا سوء استخدام راح تتبدل على الضمان , الشماسه على سبيل المثال

وكم ياخذون مني على الفحص ؟؟ ووش الاشياء الى تغير في صيانه الـ60الف كيلو ؟

قيمة الفحص بالمجدوعي مايقارب 400 ريال

هذا غير اسعار القطع اللي راح تتغير وغير سعر تغيير الزيت والفلتر

الاشياء اللي راح يغيرونها

بالنسبه للمجدوعي يشيكون فقط اذا الشي يحتاج تغيير بيغيرونه واللي يركزون عليه هو الزيوت يعني احتمال يغيرون زيت القير

واحتمال يغيرون لك الفلاتر واحتمال البواجي

طبعاً الفحص شامل من الصدام الى الصدام

بالاضافه الى

يعبون المويه اذا ناقصه + يسوون ترصيص + فك الاقشمه وتنظيفها + تنظيف الثرتل بدي + تشييك المكينه بالكمبيوتر + تشييك الكهرباء كامله + تجربة السياره على الطريق وفحص ادائها

وعندي الولاعه ماتشغل من طلعتها من الوكاله والثانيه كانت تشتغل والحين خربت ! يمكن لاني احط فيها الشاحن داايم .. يعني كل الثنتين خربانه ..

هذي تتغير على الضمان وانشب لهم

تصدق خوفتني لأن الشاحن عندي على طول شابك , للحين ما خربت يمكن لأن الشاحن عندي اصلي " تأكد انه اصلي"

وعندي الفلتر حق المكيف جيت ابفكه الكباسات وانكسرت معي !! وش السوات هل الضمان يصلحها !!؟ يعني انا الى متسبب فيها .. بس الحمدلله الى يمسك الفلتر مانفك معي يعني الحين ماقدر افكه ابد لان الى تمسكه تكسرت :smilie6:

تناقشت معك بخصوص هالموضوع :smilie6:

وعندي مشكله ايضا والى هي

اذا فجرت الموتر من القومه يمشى طبيعي واذا وصلت للثالث وحنت ااخر شي واذا بغت تعشق للرابع تحس انها تهدي شوي وبعدين تعشق وتمشي .. حتى الى يركبون معي يقولون وراك فيكت رجلك شوي عن البنزين .!

واهم شي السوال الاول الله لايهينكم ..

ويعطكم العافيه

هالمشكله هذي تطلع اذا كان القير على الـD او على التيبترونك << تأكد لي منها الله لا يهينك

وعلى فكره ناصر

بخصوص رسالتك الاخير

ترى رديت عليك رد طويل واسترسلت بالكلام كثير ويوم جيت ابختم الرساله وارسل طفى اللاب توب واحبطني

فـ المعذره :)