هل هي عيوب مصنعية أم ماذا (سنتافي 2007)

يارجال بسيطه خلل يسبب ازعاج احسن من خلل في الفرامل ولا حاجه كذا

الله يبارك لك ويعطيك خيره ويمفيك شره اخوي الحبيب وشي طبيعي ان الواحد اذا دفع فلوس السيارة من عرق جبينه بيخاف على سيارته ويهتم فيها وبعضهم يوسوس زيادة.

بس على العموم الكوري أثبت جودته في السوق والدليل انتشاره بل يكفيك ان السنتافيه هو جيب الشرطة والمرور في اليمن العريقة:wink:

انا معي سنتافيه توني مطلعة وكالة ( قولوا ماشاء الله تبارك الله:ch19: ) مرتاح فيه مرررة
وعلى العموم لو مافيها إلا معاونة المجدوعي وزيادة أرباحه يكفي والله .. وخل عبداللطيف جميل (الطماع الجشع:a1120(82): ) ---- فورتشنر(هايلكس مغطينه من ورى:smilie16: !!!!!) يوصل سعره 100 الف (بي ام دبليو على غفلة)
نقول خلوها تصدي بقوة له ولاأمثاله..... والله يا اخوان لو تزورون مخازن سياراته تتعجبون سيارات مكدسة وزحمة ومغبرة (أثرت عليه حملت خلوووووووها تعفن مو تصدي وبس)

خخخخخخخخخخخخخخخخخخخخخخخخخخ

معقولة ذي المشاكل التافهه ودك تبيعه والله انك تضحك...

هذي اكيد انت توسوس وحاجة نفسيه انا متأكد لومعك سيارة يابانيه ماراح تتكلم وبتصلحها وتمشي..

أنا بأضرب لك مثال لشركة لكزس العريقه ...

أبو أحد من أخوياي معاه جيب لكزس LX470 2007 تخيل وهو ماشي تشغل له كل لمبات الطبلون بالله وش ردك على هذا؟؟؟؟


والا الجموس من موديل 2003 الى 2006 تحترق انوار الطبلون وكل ماتتصلح تحترق وهذا جمس ومعروووف وما اتكلم من فراغ احنا معنا جمس 2004 وواجهنا هذي المشكلة لا وأزيدك من الشعر بيت السي دي دائما يعلق ويقطع وبعض الجموس عداد السرعة يعلق وخلها على ربك ... وشرايك؟؟؟


بالنسبه للصوت الي بالباب هذا طبيعي جدا جدا والوكالة راح يضبطونه وعالضمان..

وشيك على ضغط الكفرات..

والمكيف شيك عالفريون...

ولمبة الايرباق بسيطة جدا برمجة وتنحل..


لو خبطت عليك المكينه والا صار شئ قوي نقول ماعليه اما مشاكل بسيييطه وودك تبيعه ولاتفكر معالك تويوتا بيمسك سعره بيطيييييح وفالاول والاخير انت الخسران....


وشكرا.......

الحمد لله يا شباب المشكله انحلت والفضل لله سبحانه ثم لكم يا شباب .

المشكله ليست جلد ولا وزن طلعت السيارة امس من الوكاله ومسكت طريق الدائري وامسك طريق الدمام والحمد لله الصوت اختفى وكن السيارة ماهي سيارتي الأوله وقعدت افكر وانا راجع للبيت كيف كنت ساكت على ذاك الصوت المزعج.عموما ًندخل في المضمون وهي المشكله :

المشكله الباب لا يوجد به قطعه معدنية صغيره عكس الباب الآخر والقطعه موجود في مقبض الباب الداخلي وليس الخارجي مما يسمح بدخول الهواء وخروجه ويزداد الصوت كلما ازدادت السرعه برغم انهم حاولوا يقنعوني بأن هذه المشكله نتجت بعد الاستخدام الشخصي والمثل يقول ( حدث العاقل بما يعقل ) لأنه يوجد شخص متعاون معي جداً قال لي حينما قمنا بفك الباب لم نرى اثر للقطعه المفقوده ولولا تطبيق مواصفات الباب على الباب الآخر لم نكتشف الخلل قلت بما تفسر هذا ؟ قال لا اعلم والاحتمالات كثيره . وانا حقيقه استنتج من كلامه ان القطعه لا توجد منذ صنع السياره . والله اعلم
عموماً انا خذت السياره وطلعت والحمد الله ولكن كما قلت مسبقاً يبقى الفضل لله ثم لكم انتم .

تقبلوا تحياتي ويعطيكم الف الف عافيه . ,,,,

لا تتأخر علينا بالخبر .. نريد نعرف ايش سوت الوكالة لك ..وهل انتهت مشكلتك أم لا ؟؟

نحـن في الأنتظآر , والله يسهلها عليك

:)
.
.

حنا فى انتظار اخبارك اخوى

على هالإسلوب أنت جاي تشتكي من مشاكل ولا جاي تتمسخر

مقبول عتبك وان شاء الله عتب محب

معليش يا شباب بعضكم يتوقع اني احاول اقلل من الكوري أو استهدف سمعت الكوري كيف وانا من عشاقه .
هدفي وتحقق وعرفت ان المشكله في سيارتي فقط في وقت كنت بحاجه الى سماع أرائكم عموماً انا ذهبت للوكاله اليوم وشرحت المشكله وقلت لهم اني جيت كم مرة هنا اشكي من نفس المشكله التي لم تكن وليدة الامس بل من أول يوم خرجت من الوكاله و و و و و الى ان بدأت ارفع الصوت و العينين بدأت تقدح شرارً وملامح الغضب بانت على محياي بعدها الحمد لله تجاوبوا واستلموا السيارة وانتظرت ما يقارب ساعه ومن ثما قالوا سنقوم بتغيير الجلد ووزن الباب حسب تشخيصهم للمشكله انه يحتاج للوزن قلت في حال بقاء الصوت بعد الجلد والوزن ماذا سأفعل قالوا سنجد لك حل واسترح اشرب الشاي وأمرك محلول والمشكله بسيطه المهم اني خجلت شوي على الكلام اللي قلته وبديت أمازحهم نوعاً ما وتركت السيارة ومشيت ووعدوني بكرة كذالك قالوا السيارة تحتاج الى تشييك كامل وانا لا اخفي عليكم سراً لو قلت انني من هواة الرحلات البريه التي قد تنتج عنها القربعه اللي ذكرتها مسبقاً لكن هذا لا يبرر صوت الباب المزعج لو بعد استخدامي لا تقبلت الموضوع لكن من اول يوم وتعرفون الواحد إذا شرى سيارة يتكتم على عيوبها تفادياً للانتقادات وهذا ما فعلته مما جعل السيارة تمشي 40000 والمشكله من اول يوم لكن ان شاء الله خير واختلاف الرأي لا يفسد للود قضيه وتذكروا دائما ان المجامله قد تؤدي الى سوء المعامله وإبراز العيب لا يعني مقاطعة صاحب العيب .

عموماً يا شباب الله يعطيكم العافيه على الردود وطرح الأراء التي وأقولها بكل شفافيه (ساعدتني ) و ( شجعتني ) على الذهاب للوكاله وحل المشكله .,,

أخي الفاضل الكوري أثبت جدارته
و جودته تتحسن يوم بعد الآخر
ولكن ذلك لايعني أنه لايمكن أن يكون فيه عيوب مصنعية فكل شي وارد حتى في أعرق ماركات السيارات التي يشار إليها بالبنان

لذا أنصحك بألا تلقي باللوم على كل عشاق الكوري فمنهم المنصف المجرب ومنهم العاشق المخرب
لأنه يوجد أعضاء معهم سانتافي ولم يشتكو منه قط !!
--------------------------->
أنصحك يا أخي صاحب الموضوع بمراجعة الوكالة وقولهم مافي شي اسمه طبيعي جيبولي سيارة ثانية ونشوف هل هو طبيعي ولا لأ ولا تحاول بيع السيارة لأنه فيه خسارة عليك إلا إن كانت نفسك طابة منها

والله ييسرلك الخير

^^^^^^


طيب وانا يا مايكرو :smilie6:

هلا أخوي

وش تقصد؟؟؟

* حبيبنا .. شف التقييم ولا عليك أمر *

:)

على هالإسلوب أنت جاي تشتكي من مشاكل ولا جاي تتمسخر في الكوري فحسب.؟

وش علاقة إمكانيات الكوري والكوري كوري وما إلى ذلك بالمشاكل التي حصلت لك

إذا الكامري من أشهر السيارات إعتمادية ينطق العكس وأنت تمشي وما قلنا فيها شيء

عيب مصنعي يعني نادرة الحدوث وشيء طبيعي هذي صناعة بشر مهما كان

لو بغيت أصف لك صفحة كاملة بعيوب أي سيارة في بالك فهل هذا معناه الفشل.؟

---------- الله يهديك -----------

1. هل قمت بتلميع السيارة.؟ مبدئياً الباب يحتاج لشد أو بالكثير تغير ربلة الباب

2. كم تعبي كفراتك .؟

3. تأكد من الفريون

4. حلها فحص كمبيوتر


كل المشاكل إلي ذكرتها واضحة وأي فني يقولك طبيعي أرفع عليه شكوى لأنه ما يفهم

فبما أنك على الضمان حط السيارة في الوكالة ولا تستلمها إلا وهي مثل العسل.


* نشوف وش نهايتها..!

والله يا اخوي انت مالك الا الشركه مع اني عارف انه وراهم سالفه طويله عريضه بس الله يعينك


وحاجه ثانيه اسلوبك في طرح المشكله ماكان موفق

على العموم احنا مالنا بالانتقادات في الكوري اوغيره الان احنا نبغى نحل المشكله حقتك

بس اهم شي وافينا بالجديد

كل الوكالات عندنا تجيب المرض.

و كثير من السيارات سواءاً هيونداي أو غيرها تأتي بمشاكل و هي جديدة, لم يعد هذا أمراً جديداً.

خذ لك لفة على أقسام المنتدى و تشوف. و خذ لفة ثانية على المنتديات الأخرى.


و العيب من الطرفين, هيونداي بسيارتها و الوكيل بتعامله الجاهل.





باين من كلامك انك عفت السيارة و طابت نفسك. و انا ما ألومك ولا أُؤيدك.


لكن تقدر تروح لهم و تقلب وكالتهم عليهم لين تاخذ حقك, انشب لهم كل ما سنحت لك الفرصة.


إحنا عايشين في مجتمع يتجاهل الأنظمة و الحقوق للأسف.


و الشباب وضعوا بعض الحلول, جربها ما بتخسر شي.

الله يعينك أخوي

سؤال: انت وديت السيارة لأي وكيل؟؟

حاول تغير الوكيل أو الفرع يمكن تلقى حل لمشكلتك

وبالتوفيق أخوي

الله يعينك

قد تكون عيوب مصنعية

او حسد


لكن راجع الوكالة وانشبلهم

اهم شى النشبة

الحمدلله ماشفــت من اللي تقوول
والموتر ماشي حول الـ 30 ألف

والمكيف والحمدلله عال عال
والقربعه حاول تتأكد من كفـرات سيارتك
كـم ضـغط هوائها
لأن أخذت السياره قبل فتره ورحت عليها الشرقيه
أنهبـلت منها من ضـرب السياره مع المطبات وعيون القطط والجفـر
طلعت الوكاله حاطه الكفـرات أكثــر من 45 وبـعد نزلتها للـ 35 طلـعت ياســلام
ولو أنها معي على طوول يعني مو مع السواق كان حطيتها أقل من 30