][

الله يبارك فيك اخوي ...السيارة لسه جديدة بس والله مرتاح معاها ..راحه المقاعد وعلى المطبات والحفر شي خيالي ...التجيهزات اللى بالسيارة موجودة بسيارات اغلى منها بالضعف

النافيجيشن هو نفسة خرائط الجرامن سهل جدا جدا والتحكم فيه اسهل وواضح
الثلاجة كبيرة جدا وتبريدها لحد 18 تحت الصفر يعني تبريد قوطي بيبسي يحتاج 15 دقيقة فقط .وممكن تحط فيها دجاج مجمد ..لووووووووول ..
وفيها شاشتين ديفيدي منفصلات كل وحدة تشغل شي مختلف عن الثانية وتقدر تشبكهم مع بعض اذا تحب ..هذا غير الدوسات الكهرباء اللى تعطيك فخامة خارجية وتلف الانتباه ....
والاداء في البر حلو جدا بعد تنسيم الكفراف والله ما تخاف من اي رملة غزيرة ...
اشهد انه بطل الاكسبيديشن

ماشاءالله الله يرزقك خيرها ويبعد عنك شرها وصراحه احترام هذي السياره واحترمتها أكثر بعد ما شفت واحد موديل 2008 أو 2007 قبل فترة يسحب جيب لاندكروزر2008 من منطقه صعبه وكان وضع اللاند صعب جدا ومتعلقه جميع الكفرات حتى بطنه لكن صاحب الاكسبدشن استطاع الوصول له وسحبه وبعدين خرج صاحب الاكسبدشن من منطقه اصعب من الاولى وفضل صاحب اللاندكروزر الخروج من منطقه اسهل وكأنه يقول رحم الله امرء عرف قدر نفسه والصراحه الاكسبدشن كان عنيف في السحب ما عنده يمه ارحميني وكان فيه ناس تصور يمكن تحصل المقطع في اليوتيوب
كيف نظام الملاحه معاك سهل الاستخدام وهل يخدم فعلا ودقيق وهل هو عربي وشكرا

تسلملي على الملفات الرائعة ...وانا من ملاك الاكبديشن لميتد 2008 ابيض لؤلؤي ...بصراحه سيارة بمعني الكلمة وفيها كل الاشياء اللى انت ذكرتها ...قبل اسبوع غرزت فيها وكانت الكفرات فل ..بس لما نسمت على الكفرات الى ضغط 18 طلع الموتر بسهولة فائقة وبدون مساعدة من أو دف

ممتازة من جميع النواحي وانا انصحه فيها

وطبعا لو اوصف لك توصيف دقيق عنها ماراح اكون افضل من الأخوان الي سبق ان عملوا تقارير عليها وبينوا سلبياتها وايجابياتها ياليت تسوي بحث بذا المنتدى وبتلقى شرح وافي ومفصل عنها

تقرير ( فزاز فورد الرهيب )) للأخ ابو لميس الله يحفظه ويوفقه وهذي فرصة اتقدم له بالشكر لتقاريرة الممتازة والي افتقدناه بصراحه ذي اليومين واقوله عسى المانع خير والله يطمنا عليك بالخير

==================

استخدامي انا للسياره بشكل يومي وماشفت منها الى الزين والله يحفظنا وياك وجميع المسلمين من العين سيارة ممتاااازة ومواصفاتها حلوه وفسيحه ووسيعه من الداخل وتناسب جميع احتياجاتي من

1- كبيره وتشيل عائلتي
2- فيها دبل وتوفي احتياجاتي للبر
3- مواصفات السلامة فيها عاليه
4- راسية على الخطوط ونسبة عزل الهواء فيها جيدة جدا
5- التقنية والتكنولوجيا فيها متقدمه وتفي بجميع احتياجاتي المفضلة من نظام ملاحه متقدم وكاميرا خلفية والخ الخ ...............

وماانسى ارتفاعها عن مستوى الأرض عالي ومناسب جدا لسيارة بحجمها وتتفوق بهذا على منافساتها من الشركات الأخرى في فئتها

وهذا اللي يحضرني الآن واتمنى اكون افدتك

^^

طيب يالغالي شرايك بالسياره بشكل عام ؟؟

واحد من الشباب ابوه ناوي يشتريه للعائله استخدام يومي ..

شرايك فيه ؟؟

بكل النواحي ..

الأخوان عبدالمحسن و توو

فعلا هذه السياره اثبتت جدارتها وتفوقها كذلك على منافساتها من ذات الفئة

وهذي نقطة ايجابيه تحسب لصالح شركة فورد

شاكر لكم مروركم العطر

اخوي كما هو موضح بكتيب السياره 6 علب ومع السيفون الفلتر 6.5

ماشاء الله تبارك الله الاكس...ماعليه كلاااااام...

وسيارة يشهد لها ....... تحياتي

رائع من جد هالسيارة
يكفي عليها علامة Ford

مشكووووووووووووووووووووووووووووور

حبيت اعرف كم علبه زيت ياخذ عند التغيير بدون فلتر ومع الفلتر

ياهلا ومرحبا فيكم اخوي القمر المديني واخوي موباك

شرفتوني بمروركم الكريم

واي خدمة او استفسار عن هذي السيارة انا حاضروبالشوفه
والله يوفقكم

يا سلام على هذه السيارة

انا من اشد المعجبين بهذه السيارة

بعكس الجموس

مشكور يالغالي وما قصرت

والحقيقه انا من اصحاب الفورد اكسبدشن من موديل 2005 والحقيقه سيارة ماشاء الله تبارك الله من جميع النواحي
تقبل مروري