بالله عليكم شوفو موقع الزباله

العاشق الحزين @user_21544 · 25-11-2008

السلام عليكم

هذا وانا ماشي بحي السويدي بأحد الحواري

لقيت لكم هالزباله وانتم بكرامه بنص الشارع

مني عارف هذا التسيب كيف

ومني عارف اصحاب البيوت راضين هم

ام انهم هم الي حطوها في النص او جبروهم على كذا

والله شي يرفع الضغط

شوفو الصوره

وعطونا رايكم بس

وهذي صوره بس مو واضحه

سؤال :: الحين لو يجي واحد مو داري وصفق هالزباله وش الاجرائات الي تبي تصير
اترك الجواب لكم والتعليقات

قندهار @user_128222 · 16-12-2008

اكيد اذا صدمت بالزباله اكيد راح تقعد بها
وبيقولون الخطأ منك لأنك ما انتبهت للزباله

camry4 @user_78407 · 07-12-2008

لا حول ولا قوة الا بالله

بريق الامل @user_135759 · 06-12-2008

هب وش هذي الخباله

صلقوط @user_51991 · 03-12-2008

يارجال هاذي بحاره تهون بلاك اذا جتك على شارع عام ونصها طالع على السيد الايمن

AbU TaRiQ @user_55347 · 29-11-2008

ههههههه

يارجال عمال البلدية عجازين

والا من يقدر يدف هالحاوية

حسبي الله عليهم مسوين فيها معلم حضاري

أبـو جارالله @user_131239 · 29-11-2008

ههههههههههههههههـ مرة صارت قدام بيتنا قام الوالد وأخذ الكرسيدا ودفها :emot69:

فيصل بن محمد @user_24620 · 29-11-2008

يعطيك العافيه يالعاشق الحزين على الموضوع .. نشاطك قليل الفتره الماضيه

بالنسبة للموضوع :
اتوقع ان اهل الحي كل واحد مايبي صندوق النفايات يكون عنده وخلوها بوسط الشارع

وعموما الامور هذي عاديه في هالزمن فيه اشياء اكبر من كذا بكثييير ولكن لاحياة لمن تنادي

عسى الله يرحمنا برحمته ويحفظنا

(بلغ البلديه بالموضوع هذا اذا جو بعد شهر وعدلو وضعها زين واذا ماجو الماريه الغفله):emot69:

والله الموفق

مسيرة حبي @user_132476 · 29-11-2008

تبون تعرفوا من من الغلط

من البنغاله اللي تنضف عل الفجر كل يوم

همهم يشيلوا اللي فيها وبعد كذا يرموها بإي مكان

وانا كنت اعاني منها قدام البيت صرت ابعدها اوقات عن الشارع

لان الصراحه بهذا الزمن الكل يشتغل بدون ذمه ولا ضمير الا من رحم ربـــــــك

تمساح وردي @user_49544 · 25-11-2008

g

galaxy1

:a120(67):هذا يمكن فيه تفحيط قام نزل ووضع البلدية في النصف عشان ما احد يفحط قدام بيته او يمروش رايكم في الفكرة والثانية انك تنصدم فيها صعبة والله الله يكفينا شرها اقوا من انك تنصدم في سيارة

الله عليك جبتها

من يوم شفت البرميل عرفت انها محاولة لمنع المفحطين والبزارين من الهجولة بهالشارع
اذا كنت ماشي بالشويش اكيد بتشوفة اما اذا مسرع يستاهل لانة مافية سرعة داخل الحواري

galaxy1 @user_89062 · 25-11-2008

:a120(67):هذا يمكن فيه تفحيط قام نزل ووضع البلدية في النصف عشان ما احد يفحط قدام بيته او يمروش رايكم في الفكرة والثانية انك تنصدم فيها صعبة والله الله يكفينا شرها اقوا من انك تنصدم في سيارة

دايم الشوق @user_18102 · 25-11-2008

خلينا نقول ان الشركة المسئولة عن تنظيف الحي مخطئة 00 طيب وش دور اهل الحي لو واحد كلف على روحه وارسل صورة للجريدة او اتصل على البلدية وبلغ او ارسل رسالة لقروب بريدي موثق الحدث بالصور

علشان تقوم البلدية بمعاقبة الشركة على سوء تصرفها لان من المعلوم ان بلدية الرياض مرسية كل حي على شركة معينة او كل منطقة على شركة نظافة 00 صراحة ينقصنا كشعب دور التنظيم والاهتمام وليس كل واحد نفسي نفسي ومابعدي الطوفان وبعد ذلك تتراكم المشاكل والوضع يزداد سوء

شفت سوء تصرف او شي غلط في المستشفى مثلاً ضع ورقة في صندوق الاقتراحات شفت مافيه فايدة خاطب المسئول واحرص على توثيق المشكلة من خلال صورة او تسجيل صوتي لدعم موقفك فنحن في عصر الوسائط والصور وفي الاخير هذا بلدك ويهمك يكون في احسن صورة

وفي الاونة الاخيرة لاحظت في النت توثيق المشكلة بالصورة والصوت من خلال جوال او مسجل صوتي لادانة المخطئ وكان له الاثر الكبير في تحسن بعض المشاكل والاخطاء

مشكور اخوي على اهتمامك وحرصك على بلدك ومقدراته

دمت بخير

abn_kulaib @user_98432 · 25-11-2008

والله اظاهر الغلط من هالبنغاليه المهجولين ذول

stun @user_2575 · 25-11-2008

حي السويدي كله مفاجأت

و الخوف لا صدمها واحد يدفعونه 10000! <--- يسوونها

يعطيك العافية عالـ "كفشة" مع انه ما عندك أحد.. :(

ZAID ZAID @user_51168 · 25-11-2008

مشكلة عمال النظافة يجيك مستعجل

وينطلها فى اى مكان