"عبد اللطيف جميل": سنزيد مبيعات سياراتنا 15 %.. والأسعار سترتفع

هوى الدولار الاميركي الى أدنى مستوى منذ 13 عاما مقابل الين الياباني ليهبط دون 90 ينا بعد أن فشل مجلس الشيوخ الاميركي في الاتفاق على خطة لانقاذ صناعة السيارات المتعثرة 0 يا شباب من دون انفعال الموضوع اكبر من ابو جميل -- المشكلة الان انه الين الياباني في ارتفاع والدولار في انخفاض والدول الخليجية ترفض فك ارتباط عملتها بالدولار وهذا هو اساس المشكلة مو ابو جميل ولا غير ابو جميل . اذا كان اليابانيين نفسهم بيدرسوا احتمال انهم يتدخلوا لوقف ارتفاع الين امام الدولار - نظام فزعة مع الدولار يعني ههههههههههه فانتو افزعوا مع ولد ديرتكم ابو جميل واكيد ما راح ينساها لكم ههههههههههه وبيردها لكم في المسرات

يا نصاب تبي تصرف بضاعتك الاسعار في نزول وانت تقول نزيد الاسعار

المدعو نوران التميمي في كل موضوع يدعوا فيه الأعضاء إلى المقاطعة أو التريث في الشراء سوءً في المنتدى الأمريكي أو هنا يحاول التأثير على الإجماع على المقاطعة
أعتقد أنه من المتضررين من هذا الإجماع

صباح الخير أخي king net تعقيبا على كلامك فيه سؤال هو:
وش مصلحة أبو جميل من تصريحة أن الأسعار راح ترتفع؟! خوفا على المستهلك,مثلاً؟
يسوي هالعروض وأنا أخوك علشان الناس تشتري بقية الكميات المتبقية من السيارات قبل نزول الأسعار ويبعها بسعر منخفض ويخسر و لو تراجع كلام الأخ halhindi تجد ان كلامه صحيح بالنسبة لإرتفاع الأسعار في السنوات الماضية ماكانوا يسوون تصريح بأن الأسعار راح تنخفض أو ترتفع وكانت ترتفع وحنا ساكتين.
أنا اتوقع راح تنزل الأسعار لكن تدريجيا ومختلف من شركة الى شركة أخرى وأشكرك,,,

الناس ماسكة سرا حجوزات وانتم مقاطعين الله يرحم الحال بس

لاتشترون الا موديل 2050 يمدي مقاطعتكم تأثر فيه



هههههههههههههههههههههههههههههههههههههه

تشكر أخويHالهندي على الرد الذكي!
ولا فيه أي وكيل بالدنيا يبي يقول لك(( تعال اشتر الأسعار راح ترتفع))!!
أو يبي يقولك ((لاتشتري ألان الأسعار راح تنزل))!!
أبو جميل ضحك على الكثيرين ومنهم أنا شريت كامري GLI 2005 لا والمضحك بالأمر إن الموظف يقولي:( فل كامل)
فل كامل بعينك! السيارة مافيها إلا فتحة سقف واير باق لسواق +جير عادي!!!
الجناح مركب عند الوكيل+الحساسات الخلفية+الزينون((نفس ألي في الفورتشنر))أخذتها ب85000 ريال!!
تويوتا كسبت سمعة طيبة في الثمنينات والتسعينات لكن ألان مع الأسف سيارات كثيرة أجود منها بكثير
لأنهم على ثقة تامه أن الزبون واثق من جودة تويوتا بناءً على تلك الفترة ومنهم أنا مع الأسف.
المواصفات الأمريكية مافيها حساسات تايلندية زي ألي مركبها أبو جميل بس فيها:
1-اير باق أمامي لراكب والسواق+جانبي على الزجاج((السيفتي شي مهم بالسيارة)).
2- مراتب جلد.
3-مثبت سرعة.
4-جناح أصلي من المصنع ((مهو تركيب وكيل)).
5-جنوط 16".
هذه الكامري الأمريكية أربعة سلندر se ب18000 دولار =67500 ريال!!!
مع تكاليف النقل لأمريكا طبعا.((والي حاب يتأكد من كلامي يدخل موقع تويوتا))
حسبي الله ونعم الوكيل حنا في بلاد الإسلام ويصير هالتلاعب على الناس؟!

يا أخوان عبداللطيف جميل واثق من كلامة , لأنه مدعوم من الحكومة , ولاهو بحاجة للشعب

وزارة الداخلية أغلب سياراتها ألحين من تويوتا , بعد ما كانت فورد و GMC

تدفع سنوياً أكثر من 300 مليون ريال , هذا غير قطع الغيار , وغير الوزارات الثانية

وأتوقع أن الناس ألحين من تشتري سيارات بعدت أسباب منها شاءعات أنخفاض الأسعار + أن الناس لاهية مع الأجازة + أن البنوك زادت الفائدة على القروض بنسبة 100% يعني البنك اللي يعطي قرض بفائدة 3% , الآن ما يعطي ألا بنسبة 6%

السباحة عكس التيار تؤدي للهلاك , والأخوان الشباب ما عليهم إلا الصبر لحين الربع الأول من عام 2009 , طبقا لكل المقالات الصحفية بهذا الشأن وزيارة مواقع السيارات الأمريكية والأوربية تكتشف حتمية تخفيض الأسعار

حسبي الله علييك يابو جميييل

كثر يا بو جميل من هالتصاريح :a120(30):

قاطعوا وبس

تحت شعار

خلوها تصدي

لاحد يشتري سياره يا اخوان


لاتستجعلوا

شهر قاطعوهم

لا حول ولا قوة الا بالله

الله يعينا عليهم

ياسبحان الله هذا الكلام الاي اقولة دايم ولكن هل الناس بتفهم وتصحو من غفلتها مشكور اخوي والله كلامك كله صح

كذاب وستين كذاب هذا اكبر نصاب في المملكة العربية السعودية والعالم اذا كان صادق ليش تيوتا عمومن في الخليج طاحت اسعارها وعندك اقرب مثال امريكا اكبر دولة اقتصاد في العالم بطيح قيمة السيارات الى النصف وذا يقول بتزيد اللهم انزل عليه بئسك وابعد عنا طمعه اللهم امين

شف كيف يستخف بعقولنا يعني حنا غنم مانفهم قال حتزيد قال اي تزيد اي خرابيط والله ياأخوان هذي التصرفات ماتصدر من مسلم يخاف الله يضحك علينا بهذي الدرجه من الاستخفاف والله حنا ماحنا رجال ولا لو حنا رجال والله ماعاد نشري تويوتا ونخليه زي وكالة رينوا يشحذ شي يقهر ياخي
يااخون فيه تاجر خفض من سعر وجبه برستد من 12 الى 11 بدون ما احد يتكلم ويقوله شي من تاريخ 1/12/1429 علما ان الريال هذا يدخل له ملايين الفتره هذي وهي موسم الحج والله كبر بعيني وحسيت انه مازال الدنيا فيها خير لاكن يطلع واحد يقول بنزيد والعالم متدهور آآآآآآآآآآآآآآآآآآآآآآآآآآآآآآآآآآآآآه بس من القهر الى الحين حنا في نضرهم دبش تكرمون يااخوان

المواطن ,, كل يوم يزداد ثقافة اقتصادية و مالية و عرف قيمة الكااااااش و عدوه الاقساط و الاستهلاك .

ياسلام على كلامك يابريفيا , والله لقد صدقت في كل حرف قلته , والحقيقة انا استغربت من اجتماع وكلاء السيارات في جده وتصريحهم بأن سيارات الموديلات الجديدة ستكون مرتفعة السعر لمادا هدا التصريح ولمادا الان؟ هل أصبحوا يستغفلون الشعب السعودي الدي اصبح مطلعا على مايحدث في الداخل والخارج ام انها محاولة مستميتة لثني الكثيرين عن قرارهم . طيب هب انهم اشتروا ودفعوا غاليا فما دنب المواطن الدي ارهقته الاقساط وخسر في الاسهم في ظل عدم رحمة التجار الجشعين في كل مجالات الحياة لا من ناحية ايجارات المساكن ولا من ناحية المواد الغدائية ولا السيارات علما انهم يعلمون ان كثيرا من المواطنين يمرون بضوائق مالية ولكن وبكل برود يقولون النفط غالي ومزاعم أخرى كادبة مثلها مثل الحديد وازمة الشعير ايضا ثم اني اقول لوكلاء السيارات كونكم تشترون بسعر مرتفع فان المواطن ليس ملزما بان يشتري منكم وسنرى من ينتصر أخيرا.
فقط المسألة تحتاج منا الى مقاطعة جدية لمدة طويلة نسبيا وسترون كيف يصير الوضع مشكلة التجار السعوديين انهم يعلمون اننا شعب لا نكاسر وندفع مباشرة , ولا نصبر ونضغط على انفسنا ونستعمل سيارات ليست جديدة ولدلك اصبحوا يستغلوننا عيني عينك , وان القوة الشرائية لدينا عالية ولكن لو جربوا العكس بأن تبقى معارضهم شبه خالية او ان تزار فقط من غير شراء ويقال لهم السيارات بره رخيصة وانتم غاليين ويخرج الواحد فلن اقسم على ان وضعهم لن يبقى على ماهو عليه لانهم دفعوا مقدما ولابد من التصريف ومن ثم سيحسبون الف حساب للدفعات القادمة لان الشعب اصبح واعيا ولن يدفع كثيرا نعم هدا ماأراه وانا مقتنع به
أكرر ماقاله اخي بريفيا المقاطعة فقط المقاطعة هي من سينصفنا من هؤلاء الجشعين المستغلين تحياتي للجميع .