السلام عليكم ورحمة الله وبركاته,,,
الاخوة الاعضاء مساكم الله بالخير,,,
اليوم بطرح هذا الموضوع المهم للفائدة...
بالبدايه الجميع يعلم ان البيع والشراء مباح وفق شروط معينه
لاكن يوجد كثير من ضعاف النفوس فاهمين الموضوع على اساس واحد فقط وهو تحصيل الربح مهما كان مصدره ونوعه,
وبأسلوب الكذب والخداع وعدم المصداقيه بالتعامل.
الموضوع لا يقتصر على الجوالات فقط بل جميع السلع والخدمات من سيارات وادوات وغيرها الكثير....
بتكلم عن الي صار معي وهو مثال بسيط من الواقع المعاصر.
قبل فترة ذهبت لمحلات الجوالات بالمرسلات, وسألت عن جوال سوني اريكسون الجديد C905 الي كميرته 8.1 والمتوفر فقط ضمان اكسيوم
بسعر يترواح بين 2850-3100 ريال (حسب شطارة البائع)
حاولت ادور اقل من هالسعر حرام الواحد يحط هالقيمه بجوال!!
وانا متأكد بعد فترة بسيطه بينزل سعره لاكن لأن الجهاز جديد بالسوق
اغلب المحلات قالو مافي غير وكيل واحد اكسيوم ومستحيل تحصل ارخص
وهذي تسعيره الوكيل ثابته لكل الموزعين تقريبا 2800 ريال.
انا قلت اروح وادور مرة ثانيه.
والحمد لله حصلته بسعر خيالي وجديد ب2100 ريال
رجعت للمحل الي قالي سعره 3100 ريال؟؟
قلتله تبي تلعب علينا؟؟
ليه ما علمتني انه فيه موزع اخر ولا عشان تمشي بضاعتك
رد علي ابو الشباب وقال ( هذي سر المهنه) قصده بس الي شغالين بالجوالات هم الي يعرفون هالموزع الثاني وبأسعار حلوة.
بعد كذا تبين لي ان البائعين 3 انواع :
الاول/ كذاب مخداع ويبي يمشي الي عنده بسعر غالي وهمه الربح فقط.
الثاني / صريح وصادق ويعلمك بالسوق ووضعه وهمه الاساسي ارضاء العميل وبعد كذا يجي الربح وببركة وافضل من النوع الاول ولو انه يمكن يكون قليل.
الثالث / على البركه ولا يعرف شي بالسوق. (معذور)
بالختام آسف على الاطاله
بالتوفيق للجميع....
والسلام عليكم ورحمة الله وبركاته.
