صوت طقطقة فى المكينة ليوكن xL 2007

ابوحنين @user_43985 · 15-12-2008

بسم اللة الرحمن الرحيم

وكل عام والجميع بخير 0

عند واحد من الزملاء جمس يوكن 2007 xl ماشى 26800 يوم الجمعة يقول رحت بيشة لظرف وكنت ماشى على السيارة 150 المهم يوم رجع يوم الاحد شغلت السيارة الى صوت طقطقة صبرت قلت يمكن باردة لين تحمت الصوت زى ماهو بصراحة قلت لة والله ماادرى لاكن اخبر الاخوان فى المنتدى يمكن مرت على حد من المشترين لليكون الجديد واعطيك افادة ارجو من الجميع التفاعل مع الموضوع بصراحة الزميل خايف يودية الجميح ويطلعولة حكاية جديدة على انة السيارة تحت الضمان لاكن مع الجميح مافى ضمان الله المستعان 0

ابوحنين

مسموح الثاني @user_215327 · 11-04-2010

نفس الحاله عندي سوبر بان 2007 ودايم اسمع صوت الطقطقه خصوصا اذا احترت السياره ومع بداية دعسة البنزين وكذلك في الاماكن اللي فيها طلووع مثلا وتحتاج السيارة الى عزم اقوى يكون الصووت واضضح..
ووديتها عند كم واحد فحصوا البكرات والسيور والشداد وكلها سليمة مافيها اي شي.

اتوقع زي ماقالو الاخوان طرنبة الزيت او تكون مشكلة في البواجي واسلاكها والله اعلم..

ارجو من صاحب الموضوع ابلاغي اذا انتهت المشكلة لديه وشكرا ...

مخربها @user_24088 ..:: TAHOE//YUKON GRP. MEMBER ::.. · 11-04-2010

السلام عليكم
الصوت من طرمبة الزيت او من نوع الزيت وهي طبيعيه جدا

انت وده الوكاله وشف وش راح يقولون لك
كانت عندي في سيارتي يوكن 2008

تحياتي

ابو سعود$ @user_117319 Banned · 10-04-2010

اول شيء عليك بزيت غسيل المكينه تلقاه في المشاحم يمكن فيه ترسبات في مجاري زيت المكينه بعد غسيل المكينه تغير فلتر زيت المكينه مع الزيت ويكون الزيت سوبرشل 20w50 اذا لم يختفي الصوت بعد ما قلت فعليك بسرعة تغيير طرمبة زيت المكينه
وفيه ناس تقول ان اكثر خراب طرمبة زيت المكينه من جلدة طرمبة الزيت اللي في الكارتير

جرب فك الكارتير وغيرجلدة الطرمبه يمكن يروح الصوت واذا ما راح فغير طرمبة زيت المكينه وتغييرها ما يحتاج تفك المكينه ولكن فك صدر المكينه وسعر شغل اليد ما يتعدى ال500 ريال0 بالتوفيق تحياتي لك
__________________

Abdullah.ags @user_188600 · 10-04-2010

رساله لاصحاب الشفر والامريكي الجديد انتبهو لنوعية الزيت المستخدمه (اللزوجه)

كثير من اصحاب الشفر خاصة الكابريس الجديد عانو من تعطل طرمبة الزيت طبعا لها

مقدمات تك تكه من المحرك وتزيد مع الوقت بدرجه كبيره وتحتاج الى تغيير

والسبب الاساسي لهذي المشكله لزوجة الزيت ...اختاروا نفس لزوجة الزيت المستخدم بالوكالة

وكلام اخونا ابولافي على الجرح لانه فاهم المشكلة ولايهونو باقي الاعضاء الكرام

ابولافي @user_218056 · 10-04-2010

الطقطقه الذي في المكينه من طرمبت الزيت وقبل ماتقير طرمبت الزيت افحص الجدلده الموجوده في الماصوره التي بطن الكرتيل هذه اسباب الصوت والله اعلم والله يعيننا على صناعة السيارات الجديه وعلى وكلائها واسعارها المرتفعه

HAS5SAN @user_35931 · 15-12-2009

حسبنى الله ونعم الوكيل

آوتآر صمت @user_159685 · 15-12-2009

اخوي يمكن تكون تكايات السنجير من الحراره صار فيها فضاوه

khalel20 @user_172870 ..:: TAHOE//YUKON GRP. MEMBER ::.. · 14-12-2009

الســلام عليكـم

يا أخوان اشوف ان التك تكه طبيعيه
اولاً عندي فورد من شريته وهالصوت موجود اول ما اشغل السياره واذا مشيت اختفت
والحمدلله له 4 سنوات ما اشتكيت منه ابدًاً

والآن عندي سوبربان 2008 وفيـه نفس الصوت اول ما اشغل السيارهـ وبرضوٍ اشوف انها طبيعيه لأنها ماتطول وصوتها مهب لدرجة الأزعاج ! :)

تقبلوا مروري ~

aq9933 @user_71619 · 13-12-2009

طيب أنا عندي فورد نفس لصوت و مع الدعس يبان الصوت بقوة وإذا الدعس هادي ما تسمعه ومو كل مرة أسمعه مرة ومرة لا أنت متأكد من إنه البلوف

تحياتي

GLX 2700 @user_175555 · 13-12-2009

الله اعلم لكن اتوقع انه

يبغى وزنية بلوف و هذي لازم يفك رأس المكينة و يعدل بالوزنية

الشغلة ما تكلف 200 ريال خلال نص ساعة

لكن غريبة السيارة 2007 توها جديدة !!

FAHAD _4_ever @user_196507 · 12-12-2009

السلام عليكم
حتى عندا عندا سوبربان ltz 2008 عندا نفس الحكاية من يوم ماطلعناة في البداية طقطقة خفيفة مع مرور الوقت تزيد الطقطقة واليوم جا ابوي من العمل قالي زاد الصوت بشكل فضيع وياريت نلقا حل تكفون..........

abumohammad1 @user_111409 · 22-12-2008

قرأت فى موقع عن ان الصوت المتواصل العالى نسبيا والغير طبيعى فى المكينه وهو عباره عن تك تك تك تك..هو مشكله فى المكينه معروفه للمصنع تتعلق بالبلوف باللغه الانجليزيه "lifters" ولها حل من المصنع تحت الضمان...

مشاكل الامريكى كثيره والله يعيننا عليها وهذه معلومه لا اريد اخفائها فقد تكون مفيده..

لا تبخل علينا اذا عرفت الحل

ابوحنين @user_43985 صاحب الموضوع · 21-12-2008

مشكورين والله يعطيكم العافية للجميع0ابوحنين

بوزامل2000 @user_112249 · 18-12-2008

قطع صيني في صيني

camry4 @user_78407 · 16-12-2008

م

متيم بالسيارات

انا قريت اكثر من مرة ان طقطقة المكينة يكون من نوعية البنزين 91

فاذا كان يعبي 91 خله يحول ع 95

نفس الكلام .......

قندهار @user_128222 · 16-12-2008

يابو حنين
ياليت تدخل على اليوتوب وتكتب فضأئح اليوكن
جارنا وضب القير حق اليوكن حقه وهو توه ماشي 40 الف كيلو

Acoord06 @user_60757 · 16-12-2008

انا قريت اكثر من مرة ان طقطقة المكينة يكون من نوعية البنزين 91

فاذا كان يعبي 91 خله يحول ع 95

فني سيارات @user_8460 · 15-12-2008

صوت طقطقه ممكن يكون من نقص زيت خل يفحص مستوى الزيت
ويفحص غطاء فلتر الهواء
كذلك يفحص علبة الدركسون اذا كان ناقص منها الزيت