السلام عليكم ..
أخواني أنا عمري 19 ..
وأبغى أسجل سيارة بإسمي ..
اللي سمعت أنه لازم يزيدون ملحق على التأمين ,,
وماادري كم قيمته ..:c024:
الرجاء الرد بأقرب وقت ..
تحياتي ..
هلا اخوي ...اول شي التامين ماله علاقه تكون السيارة باسم مين ...المهم من اللي يسوق السياره وكم اعمارهم
بالنسبه للاسعار ...انا مأمن عند التعاونية من سنوات وتوني مامن لاخوي بنفس عمرك
عندهم تامين سند اللي يغطي بس اضرار السياره اللي تصدمها لا قدر الله وسعره 375 بس للناس اللي في عمرك عشان تكون مغطى لازم تدفع قيمة ميزة التغطية هذي وقيمتها 490 ريال
يعني 375+490
--------
التامين الثاني هو سند بلس نفس الشي يغطي اضرار السيارة اللي تصدمها او يسمونه الطرف الثالث وزيادة عليها يدفعون تكاليف قيمة تصليح سيارتك الى 10000 ريال
قيمته 775 ونفس الشي لازم تدفع حق التغطية اللي اقل من 21 سنه وقيمتها 490
يعني 775+490
بس ترى هالتامين فيه تحمل قيمته 500 ريال تدفعه انت لو صار لك حادث لا قدر الله
--------------
التامين الثالث ( واللي انصح فيه ) هو التامين الشامل وهو احسن شي لانه يصلح سيارتك بدون حد مبلغ معين الا في حالة ان السيارة صار تصليحها عالي مره يعوضونك بقيمتها اللي اتفقت انت وياهم عليها او قيمتها في السوق ( يسمونها القيمة السوقيه والقيمة التامينية ) وبرضو نفس الشي في سند وسند بلس يتحملون عنك اضرار الطرف الثالث .
بالنسبه لاسعار التامين الشامل تختلف على حسب نوع السيارة وقيمتها ومبلغ التحمل اللي تختاره انت يعني باختصار يحسبونها بالنسبه المئوية ...وبالنسبه للتغطية اللي في عمرك اللي من 18-21 نفس الشي يحسبونها ميزه اضافيه بنسبة مئوية 40 % من قيمة التامين حقك
يعني مثلا قالو لك قيمة القسط حقك 1000 ريال على طول اضربها في 40%
يطلع 400 ريال هذا هو المبلغ حق ميزة التغطية للناس اللي في عمرك
انشالله اني افدتك واذا بغيت اسئله ثانيه انا حاضر باللي اعرفه ونصيحتي لك دام ان سيارتك ماشالله جديده امن عليها شامل احسن لك حتى لو شفت السعر اغلى شوي بس تصير مرتاح اكثر لو صار لك حادث ولا شي لاقدر الله لاني انا لي سنوات وانا مامن والصدق ماتعرف قيمة التامين الا لين صار لك شي او لين شفت احد تعرفه صار له حادث وماقدر يدفع فلوس الناس او ماقدر يصلح سيارته .
