تجمع محبي ومجربي التاهو Chevy Tahoe

مساكم الله بالخير
ياليت تفيدوني جزاكم الله خير لاني بصراحه محتار ولا ودي ابيع موتري ولا القى الي في بالي

مع نزول موديلات 2010 هل احصل تاهو Ls اقل فئه (سياحي ) 2008 مخزن جديد وسعره تتوقعون يكون كم؟ ووين احصله هل يكون موجود بالوكاله ؟؟

ثاني سؤال لو ابي تاهو Ls اقل فئه (سياحي ) 2008 مستعمل ممشاه ما يتعدى 50 الف ومافيه صدمات كم تتوقعون يكون سعره ؟؟

سألت عن رفع السيارة من قدام وقالوا مانقدر نرفعها الا ثلاثة سم لكن الشغلة يبي لها
فكة مساعدات وقروشة << الله يذكر الددسن بالخير 20 ريال ترفعه و20 ريال تنزله

ورفضت الفكرة وشلتها من راسي وشكلي بفك اللحية السوداء اللي تحت والله يوفق

تسلم والله ماقصرت

السعر شامل اللوحات وخلافه 155 الف ريال

ان شاء الله الف مبروك على السيارة ويعطيك خيرها ويكفيك شرها
بس بلا مؤاخذة ممكن اسأل بكم طلعت عليك لاني كنت ناوي اخذ برادو 2010 بس لما شفت سعره انصدمت وكان خياري الثاني تاهو z71 فياريت تفيدني اخوي :wavey:

ماشاء الله تبارك الله , الله يعطيك من خيره ويكفيك من شره يارب .



والله ما ادري وش مواصفات هالزيت صراحه , بس يبو سعد غالي والله . يعني تقريبا العلبه الوحده بـ 45 ريال . ومن وجهه نظري الشخصيه انه شي مايسوى صراحه .

انا اغير الزيت حقي في محطه اسمها اي سي ديلكو على طريق عثمان بن عفان بالرياض . تابعه للجميح طبعا . والزيت اللي يحطونه لسيارتي اسمه اي سي ديلكو . وطبعا قال لي كل 5000 سيّر علينا عشان نغيره . قلت ابشر احترني بس :bigggrin: . والان ماشي على الزيت 6000 وماشاء الله نظيف . بس طبعا زدته اليوم ربع علبه تقريبا وهالشي طبيعي في التاهو خصوصا واني رحت عليه الشرقيه وجيت . وقيمه العلبه 16 ريال , فـ اتوقع ان كل عشرة آللاف مثلا هو الوقت المناسب لتغيير الزيت .

:tongue::tongue: هلا بك والله

و هذا الشي رافع ضغطي انا بعد كان ودي يكون صواميل و بس

========================

عموما ندخل في موضوع الزيوت

اليوم رحت لريد كاب و غيرت عندهم زيت و حطيت زيت كاسترول ايدج سبورت

والله ناسي اسمه و السيفون مجانا و كلفني 6 علب 6 لتر بمبلغ 277 ريال

يقول انه جيد الوكاله يغيرون لي زيت بــ 150 ريال

والله ودي ان احد من ذوي الخبره و لا يهونون الاخوان

هل عندي سالفه يوم غيرته بهذا المبلغ لاني مو متعود على السيارات الجديده

كل سيارتي الي كانو عندي قديمه كوابرس من 85 الى 87
الدداسن كان عندي ددسن 79

و 240 L موديل 84

ونيت رفرف 454 موديل 84 و يوم تطورت رهمت له وجهيت 89

التيما 91

دباب هوندا حجم 50

سيكل 20 نيكل وارد الحيمود

و كلهم زيوتهم زيت وحيد ما اعرف غيره موبيل الي علبته زرقا و ابيض ارخص شي كان بـ 6 ريال الله يديم الرخص ذيك الايام الى ان زاد سعره

سؤالي هل عندي سالفه يوم دفعت 277 في زيت سيارتي؟

نسيت سيارتي الي قبل التاهو فورد ماركيز 95 او 96 نسيت

بحمد الله وفضله شريتZ71 تاهو 2009 كامل المواصفات وارد بالبيد
المواصفات هي
فتحة سقف
شاشة نفيقيشن
كمرة خلفية
شاشة DVD
مقاعد جلد
تحكم مكيف مع الرادو من الخلف
وطبعاً مواصفات الزد المعروفة لديكم وهي رفارف ، الصدام الامامي، الدعاسة الجانبية فولاذ، الكفرات بردجستون يابانية ،الجنوط 18 انش

كتبت هذا الموضوع سابقا والان السيارة ماشية قرابة العشرة الاف ومبسوط منها واحيانا اقول الحمد لله اني ماشريت VXR وفرت دراهمي لوضعها في حسابي او مشروع تجاري لان الفرق بينه وبين سيارتي حول 70 الف ريال

طيب يا اخوان ممكن احد يشرح لي وبالتفصيل الممل <<< وركز عليها :smilie16:
الفرق بين التاهو z71 & Ltz من ناحية العزم و التحمل الخ الخ الخ
وهل من الممكن انه تطلب ال z71 بمواصفات ال Ltz من نظام ملاحة ومراتب جلد وتخشيبة وغيرها من المواصفات
(كاتب بحث للجامعة مو سؤال خخخخخخخخخ) :a120(115):

^^^

مع الاسف لازم كعكات :(

هالشي رافع ضغطي بقوه . كان بودي انه يرتفع عادي ( صواميل ) زي السييرا مثلا لأن وجهيه السياره نازله شوي , وحتى شكله لما يرتفع حبه بسيطه من قدام يطلع احلى .

سؤال ياشباب لو ابرفع التاهو 2007 من قدام شي بسيط عشان البر والطعوس

هل هي صواميل تربيط وترفعها - ولا يركب لها كعكات

بعد اذن صاحب الموضوع ابي ارد عليك

والله حقك بس والله العظيم اني مشغول شوي
وصورت كم صورة باقي بس انزلهم للحجم المناسب وارفعهم

وما يصير خاطرك إلا طيب .......

اسف على الاطالة

تحياتي،،،،

السلام عليكم ورحمه الله وبركاته
وعيد سعيد للجميع وكل عام ونتم بخير
اخوكم محمد اول مره اشارك بس كنت مطلع عموما

يعطيكم العافيه ياخوان ونا الصراحه من المعجبين بتاهو ونا انشالله راح اشتري السياره ممكن 2009 او بنتظر 2010ترجع طبعا حسب الميزانيه
انا عندي نظريه وودي تشاركو برايكم طبعا انا راح اخذ دبل اهمي شي بس المهم اذا قدرت اخذ فتحه مثل ltz راح يكون لون فضي يعني لون فاتح وذا كان lt بدون فتحه راح اخذ اسود يعني واقفه على الفتحه ونا معجب بلاسود بس احس انه مايبين اذا فيه فتحه

ونا حصلت عرض بلجميح طريق خريص الرياض عرض في رمضان lt دبل 126الف ريال الصراحه عرضه حلو بس المشكله في فرق عن سعر ltz سعره 149الف ريال
وهو فل كامل بس بدون نفقيشن ارجو افادتي عن سعره بنفقيشن
واسف للأطاله:xyxwave:

اولا كل عام و انت بخير

يا اخي ذبحتنا ترى ما طلبناك دوره بالسياره قلنا لك ورنا صور التاهو الي عندك
عشان نستفيد من الوارد البحريني ونعرف وش الفرق

ل

مآشآءالله تبآركـ الله الله يعطيكـ خيرهـ ويكفيكـ شرهـ يآخوآآن ممكن تفيدوني ..متى بينزل تآهو 2010 وتتوقعون فيه تخفيض اذا نزل وتتوقعون سعرهـ كم؟ ..اسف ع كثرهـ الاسـئلهـ

هلا اخوي . سويتها وما نفعت :blue: الظاهر فيه مشكله يمكن او شي . بس عموما الف شكر على تجاوبك معي .



مايحتاج تجربه صدقني :bigggrin: انا اول ماشريت موتري طلعت فيه البر وماشاء الله تبارك الله نسمت 15 وحطيت دبل خفيف وجالس اتمشى فيه . مع ان الثمامه كلها محفره بس ماشاء الله كنه يمشي على زفلت . بس عيبه شي واحد . ان وجهيته نازله شوي فـ لما انزل من طعس يحك الصدام من تحت .

التاهو صراحة سيارة لا عليها غبار

انا اشتريت في 8 1430هـ تاهو 2007 استخدام امريكي دبل LS بمواصفات داخلية لفئة LT

اخذته بـ 83 الف وسعره صراحه على مواصفاته خيال جداً

بس باقي نجربه في البر عشان اتاكد على الحكم عليه 100%

الله يجيب الوسم والخير

تقبلوا مروري وتحياتي

سجلوني معكم <<< نط من الجنب

بالنسبة لي وبكل صراحة صحيح اني شريت التاهو واحبه بس بصراحة احب السيكويا والكروزر والبرادو .... الخ

بس يعيبهم سعرهم المرتفع جدا جدا جدا مقابل مواصفاتهم البسيطة

وتكلمت عن هالشي في موضوع مستقل بينت فيه الفروق والافضل

ما شاء الله التاهو ما راح يقصر وبصراحة مريح جدا صحيح انه فيه عيوب

لاكن لا تنسون اننا مو مشترين مرسدس ولا بي ام ولا غيرها

مواصفاتها وجودتها مقابل سعرها شي روعة بصراحة

اتمنى لي ولكل الشباب ملاك التاهو خصوصا وملاك اي سيارة ان تدوم معهم ويقطوعها بالعافية

نسيت ان اقول ان التاهو اللي عندي LS اقل اوبشن بس كأنه فول في سيارات اخرى
موديل 2009 ولونه ذهبي نفس اللي في الصورة في بداية الموضوع بس فرق المواصفات......

تحياتي،،،