نظام الهيدرولك, ايجابيات وسلبيات؟ دعوة للمشاركه.

هل استطيع تركيب هيدروليك
على سيارتي يوكون 2003

اتمني افادتي

بالعكس الهيدروليك نظام فعال لسيارات الدفع الرباعي ويستحق الااقتناء ويوم اشري موتري كان من اهم متطلباتي الهيدروليك

يوم اغرز بالدهناء مافادني بعد الله الا الهيدروليك لانه الموتر كان ملامس الارض من الجهة اليمين ويوم رفعته قدر الموتر يطلع

بالنسبه لي هذا موتري للسنه الخامسه ونظام الهيدروليك على حاله من اخذته من الوكاله ولله الحمد

مع اني استخدمه كثير

لا جيت اقطع شعيب رفعت الموتر او قص او حتى سيف

لا جا يركب معي الوالد والا الوالده نزلت الموتر

حتى بالغسيل ترفعه ويكون غسيل الموتر بطريقة اسهل :smilie332:

بصراحه النظام ايجابياته كثيره ولافيه سلبيه تذكر ابدا خصوصا على اللاندكروزر واللي اعطاله قليله لدرجة انعدام العطل في الهيدروليك تحت تجربتي المتواضعه

حتى على كثر استخدامي له زيته مانقص للحين

لا تنسى انه فعال بالخط اولا الموتر مريح واريح من اللاندكروزر اللي بدون الهيدروليك

اذا ركب معك اكثر من ثلاث اشخاص يرتفع الموتر من الخلف وينزل من الامام ويكون راسي بالخط

حتى بالمنعطفات يعطيك رساوه تفرق كثير عن الموتر اللي مافيه هيدروليك

وبعد الله الهيدروليك يساعدك لا سمح الله وانفجر الكفر الموتر مايميل ويتعرض للانقلاب الله لا يقدر

باختصار شهادتي فيه مجروحه هالنظام خصوصا باللاندكروزر وجيب اللكزس لاني جربتهم
واعتقد بالسيارات الثانيه مايفرق الا بقلة الاعطال فقط

ميزة الهيدروليك باللاندكروزر 2007 وتحت تتحكم فيه يدوي بضغطه زر فقط

اما الموديلات الجديده موجود لكن من حاله يتحكم بنفسه
باستثناء جيب اللكزس 2008 وطالع تحكم يدوي مثل القديم



اهم شي لا ينقص زيته ولا يحوقه الواحد يكثرة الاستخدام وخصوصا اذا الموتر مايل

عندك اللاندكروزر مايستجيب لك اذا الموتر في وضعية ميلان جامده

موضوع جميل ومفيد الحقيقة ..ولا يختلف اثنان على فائدة الهيدروليك لأي سيارة فهو يرفع الخلوص الارضي للسيارة ارتفاعا ونزولا مما يجعل المركبة مستعدة لمواجهة جميع الضروف..ابتدائاً من المطارحات :c005: ..ومرورا بالطرق الوعرة ..وانتهائاً بالقيادة اليومية ..

لكن الفيصل هنا هو جودة الهيدروليك وقلة خراباته..وهذا يرجع بالتأكيد لجودة الشركة المصنعة
فاذا كانت الشركة معروفة بالجودة مثل بورش , بي ام دبليو , فلكس ويجن , تاتا <<<< ما تحسون فيه شي خاش عرض :a120(15):

المهم اذا كانت الشركة جودة فالهايدروليك باعتقادي الشخصي سوف يكون كذلك << اســتــنـتاج عبقري

الله يعطيك العافية على ردك يا ولد وايل الذي افادني كثيرا وخصوصا من شخص خبير مثلك وله بصمته في هذا المنتدى القريب الى قلبي وايضا صاحب الموضوع مشكور على هذا الموضوع المهم.

خف علي يارهيف ترا ماستحق هالكلام الله لا يهنك ولو انها شهاده اعتز فيها

لدي تساؤلات :
1-انت ذكرت ان الزيت لم ينقص عندك، هل معنى هذا ان داخل المساعد يوجد زيت وهل ينبغي للشخص تفقد الزيت وهل يمكن زيادته وكيف يمكنني عمل صيانة دورية له؟

طبعا الهيدروليك مساعداته يجي فيها زيت يحكم الارتفاع والنزول ولا تحتاج صيانه كل مافي الامر انك تشيك على علبة الزيت اللي موجوده بالكبوت مثلها مثل علبة الرديتر والفرامل وغيره
2- ارجو ان توضع فنيا كيف ان الهيروليك يساعد في تقليل الخطورة اثناء انفجار الاطار؟

بالنسبه للسؤال هذا من عيوني ابشر ان الله سهل بنزل موضوع عنه في المنتدى بشرح كامل وبالصور
3- انا رأيت في البرادو اللي يجي فيه هيروليك زر آخر اتوقع انه مرتبط بالمساعد،هذا الزر كما اتوقع انه يحول المساعدات من الوضع الليلن إلى القاسي وله عدة خيارات، ما هي فوائد هذا الزر
بالتفصيل قدر الإمكان وا هي الطرق او القيادات التي تتطلب مني تحويل هذا الزر؟

بالنسبه للنظام هذا موجود عندي بالكروزر وقبله بجيب اللكزس هو نظام للتحكم بليونة المساعد

يعني عنده خيار يعطي المساعد ليونه اكثر للطريق اللي ماهو مستوى وكله بطانيج او زفلت منعدم حتى تريح المساعد وتريح الموتر ولا يتفكك عليك بعد فتره من الزمن
وتقدر تستخدمه للمدينه لراحه اكثر ان احتجت

الخيار الثاني هو خيار confort << اذا هي صح والخيار هذا لداخل المدينه يكون المساعد لاهو قاسي ولا هو لين مره

الخيار الثالث والرابع للخط اذا تبي الموتر تقسى مساعداته ويكون راسي تسنه كابرس اس اس من شدة قساوة المساعدات وعلى فكره هالخيارين تنفع كثير بالعروق مثل الدهناء وغيرها اذا انت تبي تقص مسافه طويله لانه مايضيع عزم المكينه في الصعود والنزول
وبصراحه هالنظام شهادتي فيه مجروحه وهو من الانظمه اللي تحسب لتويوتا واذكر انه كان موجود باللكزس ES لاول مره من عام 98

4- ما رأيكم بالسيارات اللي يكون الهيروليك فيها خلفي فقط؟
الهيدروليك الخلفي مثل اللي موجود بالبرادو للتحميل فقط ماهو فعال مثل اللي موجود باللاندكروزر

أتمنى من الخل الوفي ان يشاركنا رأيه ويعطينا ما عنده من معلومات كما عهدناه ولا يهون ولد وايل فأنت من أريد منه الإجابة أولا ولا يهونون البقية
كل يدلي بما عنده--وفق الله الجميع

بالعكس الهيدروليك نظام فعال لسيارات الدفع الرباعي ويستحق الااقتناء ويوم اشري موتري كان من اهم متطلباتي الهيدروليك

يوم اغرز بالدهناء مافادني بعد الله الا الهيدروليك لانه الموتر كان ملامس الارض من الجهة اليمين ويوم رفعته قدر الموتر يطلع

بالنسبه لي هذا موتري للسنه الخامسه ونظام الهيدروليك على حاله من اخذته من الوكاله ولله الحمد

مع اني استخدمه كثير

لا جيت اقطع شعيب رفعت الموتر او قص او حتى سيف

لا جا يركب معي الوالد والا الوالده نزلت الموتر

حتى بالغسيل ترفعه ويكون غسيل الموتر بطريقة اسهل :smilie332:

بصراحه النظام ايجابياته كثيره ولافيه سلبيه تذكر ابدا خصوصا على اللاندكروزر واللي اعطاله قليله لدرجة انعدام العطل في الهيدروليك تحت تجربتي المتواضعه

حتى على كثر استخدامي له زيته مانقص للحين

لا تنسى انه فعال بالخط اولا الموتر مريح واريح من اللاندكروزر اللي بدون الهيدروليك

اذا ركب معك اكثر من ثلاث اشخاص يرتفع الموتر من الخلف وينزل من الامام ويكون راسي بالخط

حتى بالمنعطفات يعطيك رساوه تفرق كثير عن الموتر اللي مافيه هيدروليك

وبعد الله الهيدروليك يساعدك لا سمح الله وانفجر الكفر الموتر مايميل ويتعرض للانقلاب الله لا يقدر

باختصار شهادتي فيه مجروحه هالنظام خصوصا باللاندكروزر وجيب اللكزس لاني جربتهم
واعتقد بالسيارات الثانيه مايفرق الا بقلة الاعطال فقط

ميزة الهيدروليك باللاندكروزر 2007 وتحت تتحكم فيه يدوي بضغطه زر فقط

اما الموديلات الجديده موجود لكن من حاله يتحكم بنفسه
باستثناء جيب اللكزس 2008 وطالع تحكم يدوي مثل القديم



اهم شي لا ينقص زيته ولا يحوقه الواحد يكثرة الاستخدام وخصوصا اذا الموتر مايل

عندك اللاندكروزر مايستجيب لك اذا الموتر في وضعية ميلان جامده