المشكلة: أن في المطبات أو الطريق المكسر، أشعر أن السيارة لا تمتص الضربة (الصدمة) وكأن التاير (العجلة) تصطدم بالسيارة أو شيء آخر، ما رأيكم هل هي المساعدات أم شيء آخر؟
سؤال آخر ما هي الركب بالإنجليزي أو المصطلح العربي الدقيق؟
انا ابي اقولكم المشكلة صارت معي بالفورد وانحلت
الصوت الي يطلع عند المطبات والطلعات والنزلات ولا اذا كان الطريق مكسر
هي ((الركب )) طاحت على ولله الحمد وانا امشي بالحارة
وانا كنت مهمل الصوت واخرتها طاحت
ترى للفورد ركبتين على اليمين وعلى اليسار ركبة فوق وركبة تحت
حبيبي
جرب تغير جلد عمود التوازن وليس مسمار التوازن
عدد جلد عمود التوازن 2 وتغييرهم سهل وما يكلف والجلد فيه أصلي وفيه تجاري
احتمال كبير يكون الصوت من الجلد لأنها إذا كانت متآكلة بيضرب عندك عمود التوازن مع الحديد اللي يمسكه
ياخوان عندي نفس المشكله وانهبلت الين ماطلعت المشكله المشكله انه شحم القطعه الي تحت الكبوت الي تمسك الكبوت والله معرف وش اسمها عندي حقين الزيت ونتحل المشكه
شغله بسيطة اذا الصوت يطلع بعد وانت تمشي على عيون القطط فهذا الله يسلمك صوت غطيان الهوب من داخل تكون مرتخيه وهذي اللي تحمي الهوب من داخل من الاتربه وغيره شيك وان شاء الله امورك تساهيل
انا عند فورد أستخدام موديل 2000
كنت مسرع وطحت في حفرة صغيرة و طلعت الاصوات من الجانب الايسر صوت حديد و لكن غيرت كل شي جديد ولكن الصوت خف شوي ولكن مازال رحت كل الورش وكل واحد يقول كل شي تمام و كل شي جديد و مزبوط
و مرة ركب معاي واحد شريطي سيارات وكلمته عن الصوت قال بسيطة روح اللي يربط السيارات وراح يربطلك الرفرف الايسر ويصير كل شي تمام
ورحت له وقال لازم تربطة بسرعة وراح يروح الصوت قلت خلاص أجيك يوم ثاني وأن شاءالله يروح الصوت
اذا الصوت صوت عطعطة حديد هذا ذراع الشاص وسعره ب 120 ريال الاصلي
وفي تجاري ب 70 ريال
وشيك ايضاا على ذراع الدودهـ
بس غالبا يكون ذراع الشاص لانه قطعه استهلاكيه لها عمر وتنتهي كل سنتين او 3 سنوات واحيانا اقل او اكثر تروح الجلده تبع الذراع وتبدأ بالعطعطه مع اللفات او مع المشى على خط غير مستوي
