لماذا اللومينا & الكابرس لا تدخل امريكا +ملاحظه

يا طويل العمر ذولا الامريكان اهم شي عليهم انفسهم

ما تشوف السيارات كيف يصدمون فيها من كل جهه قبل لا تدخل

غير اختبارات الثبات و التوازن و مليون اختبار

شاكر لك اخوي مشاركتك



بونتياك gto يبدولي انها تصنع في امريكا و ليست الاستراليه





اول شي الف مبروك السياره

الله يعطيك خيرها و يكفيك شرها

ثاني شي تاكد و اسال و استفسر قبل لا تفتح شكمان ثاني اخاف يختلف عليك الموتر

ثالث شي ياخي انت رهيب يعني جبت الخبر الصحيح مع الاثباتات وانا اميل لرايك صراحه



يمكنك شايف الامبالا مثلا تراني مثلك مامن ذيك الخبرة او البونتياك gto



اهلا فيك اخوي يعطيك العافيه انت اكدت لنا المعلومات مع معلومات اضافيه مشكور على المشاركه

أولا بالنسبة للأمبالا ..

الأمريكان بأنفسهم يذمون فيها .. وفي منتدياتهم يتمنون تنزل الهولدن عندهم !!

أخوي لا تتكلم من راسك ؟؟ عندك أدلة وإثباتات انها ما اجتازت اختبار السلامة جيبه

البونتياك تصنع في أستراليا بالكامل ..
في مصنع في Elizabeth, South Australia, Australia

والان تنزل عندهم نوعين g8 و gxp اللي يختلف عندهم محرك الـ G8 فقط والتغيير بسيط جدا رؤوس المكينة هذا التغيير الميكانيكي الوحيد أما التغييرات الأخرى جميعها كماليات

وبرضو الفوكسهول مثل الـ CSV

راعي الأمبالا

صدقت بكلامك انها فشلت

البونتياك GTO امريكية الصنع

واللومينا والكابرس ماتدخل امريكا لانها فشلت في اختبار السلامه

غير كذا راح ينزلون امبالا SS اعتقد موديل 2009 او 2010 على نفس شكل الكابرس الـSS الجديد اللي عندنا فقط ياخذون الشكل

اكمل معليش حصل خطأ بسييط:smilie332:
هذا الفرق في الخلفيه بين لومينا ال تي زد حق خويي وامبالاتي وطبعا الخلفيه حقت الامبالا احلا ولاكن الوجهيه حقت اللومينا احلا من وجهية الامبالا


وهذي مصورها في مدرسه طفشاان كنت استنى اخوي يطلع من الكشافه قلت خل اصقعلها صوره






وطبعا انا فالرياض وكل ماوقف في مكان القى ملاقيف يناظرون بكل وقااحة الله يحفظنا من العين:e142:
ولعلمك هذا رابط الامبالا اخذت 5 نجوم يعني ممتاز في الاصطدام الجانبي وهذا الرابط فاليوتيوب

http://www.youtube.com/watch?v=9jt2rxTREaU

وارجو ان تسامحوني عنا بدر مني من جدال ولاكن هذا الوااقع انا اسف جدا وشكرا

!!!!! لا اعلم شيئ عن الشفرااات ..<<<طيب ليه داخل الموضوع:a120(96):


888
لكن اعتقد تدخل ...وشفتها في فلم من الافلااام اعتقد 2003_2002

حبيبي انت وياه لاتقعدون تقولون كلام ماتدرون عنه انا كنت في امريكا ادرس لغه فقلت خل اصقعلي كابرس رحت لوكالات شفر مالقيتها يوم اسال عنه قالولي مافي كوابرس اخر كابرس امريكي هو الكابرس 96 وجا في امريكا مكانه الامبالا وهي معروفه عند الامريكان ولما سالت عن سبب عدم دخولها لامريكا وكندا قالولي انها فشلة في اختبارات الامان واللي ابدا فشل فضييع هو اختبار الاصطدام الجانبي لان الشاصي يفصل تخيل:a120(1): يعني السياره تنقسم نصين ثاني شي هي تنزل زي ماقلت تحت شعار بونتياك ولاكن بصناعه ومعايير سلامه عاااليه موب زي اللي تنزل عندنا المواد المصنعه منها سيئه على الاخر والدليل رح التشليح والله شف كيف والله السياره كنها ورق ولا كرتون واحب انوه للاخوان اللي يقولون ان البيوك ينزل بشكل كابرس في امريكا احب اقولهم ان كلامه غلط في غلط لاني ماشفت ولا وحده البيوك عندهم غييييير والدليل ادخل على موقع بيوك اتحداك لو تلقاها فارجوا انكم تعذروني على قولي للواقع عندنا يلعبون علينا بالكوابرس واللومينا انا عن نفسي ريحت بالي شريت امبالا 2009 ال تي بنفسي مستعمله استعمال نظيييف جدا واستوردتها للمملكة وصراحة السياره ماشيه معي زي العسل قوة مكينه وعزم ملعون ابو ام مع انها نص فل حتى شافوها الجميح شافو المكينه قوتها 3500 قالو لازم تفتحلها شكمان ثاني وانا عما قريب بفتحلها شكمان ثاني و قاومت لومينا اس 2008 ورحت عليه احسه قعد يحفر مسكين اشارتين متقومين فيها واروح عليه عموما ماطول عليكم بس حبيت ابينلكم فقط لا اكثر ولعلمكم حتى في كندا والمكسيك مافي كابرس ولومينا وعلى فكره الامبالا ماخذه المركز الاول في امريكا من ناحيه جودة المواد المصنعه منها تعدت الكامري والاكورد والاتيما يكفيك انه خلال عام 2006 اول ماطلع الشكل الجديد بيع منها 1.5 سياره تخيييييييييييييييل رقم قياسي وعندي المصدر بس والله مادري:a120(82): وين حطيته بس بدور عليه اوحطه لكم

اخليكم مع الصور

هذي إشاعة طلعوها بعض .. وصدقوها كثيرين ؟؟

طبعا الكلام هذا ماله صحة

البونتياك gxb (( لومينا csv cr8 )) قطعت حلبة نوربورغ الألمانية في زمن 8:15 ث ... ؟؟ بمحرك 415 حصان فقط ؟؟
بهذا الزمن حققت انجاز كبيير وهذا يدل على ثباتها الجبار وأنظمتها الدقيقة ؟؟ مستحيل سيارة في نفس قوتها وفئتها وسعرها تجيب الرقم هذا

هذي نقطة

النقطة الثانية
من عام 2010 حسب موقع edmunds انه في أمريكا راح تسوق الكابريس الأسترالي عندهم كجيل جديد من الأمبالا ..

النقطة الثالثة
اللومينا تنزل في أمريكا من عام 2003 باسم بونتياك وإلى هذا الوقت تنزل عندهم

النقطة الرابعة
اللومينا تنزل في أوروبا (( بريطانيا ... الخ )) من عام 2003 باسم فوكسهوول ,, وحققت الكثير من الإنجازات والألقاب والجوائز وممكن تبحث عن تجربتها في برنامج FIFTH GEAR و برنامج TOPGEAR

مااتوقع انه فشلت بأختبار السلامة ولا اتوقع انه السوق الامريكي صارم لهالدرجة انه مايدخل الكابرس واللومينا لانة فيه سيارات كثيرة اقل امن وسلامة ودخلت السوق الامريكي وغيرة المسألة بأختصار هي موديل 2000 الى 2002 انت وحظك اذا صدمت ممكن يطلع ايرباج وممكن مايطلع
المفروض يسمونها سيارة ممكن لانة ممكن تخرب عليك بعد شهر وممكن ماتخرب طبعا هذا انطباع الناس عن اللومينا والكابريس 2000 الى 2002 يصنعونها وهم مغمضين عيونهم لاتستغرب اذا يوم ماشي وانفلت عليك الدريكسون او لقيت نفسك مقلوب بالشارع الثاني .هههههههه امزح

و الله يا طويل العمر مدري انا جالس اسال الحين



يا ابوهذال معنى كلامك اللومينا تدخل من 2004 , و الكابرس تدخل من 2007 .

اذا كان اللي فهمته صحيح طيب قبل الوقت هذا ليش ما دخلت :c024: .

ياليت تبين لي طال عمرك



الحمد لله ان فيه ناس بخبره ابو هذال و لا يهونون الشباب.مشكور طال عمرك على المشاركه



مشكور طال عمرك على المشاركه.



مشكور على الصوره طال عمرك




و الله يا طويل العمر السوق الامريكي هو السوق الرئيسي فلازم كل السيارات تطرح هناك

اما عندنا سوق فرعي علشان كذا تشوف اكثر من ربع السيارات ما تسوق عدنا

يعني هم الاصل و حنا الفرع خخخخخ.
هذا تحليلي.

اما بالنسبه للصفحات فما احتاجها علشانها سيارة الشركه بس ذاك اليوم فاضي و قلت خل نقراه شوي.
ما قصرت طال عمرك

اخوي الو الو
مرحبا فيك

وليس كل مايقال يصدق او ينقل بدون التحقق من مدى مصداقيته

يعني إلى الحين مافيه احد جاب دليل ان سبب عدم دخول الكابريس واللومينا هو الامان ....!!!
(الي متاكد من كلامه يفيدنا بالمصدر )

طيب ليش بيوك ماتدخل عندنا ؟؟؟
اقدر اقول مشكلة في الأمان لكن السبب الحقيقي
هو تسويقي بحت وهذي سياسة جنرال موترز

لأنها اعلم بالشعب الأمريكي ورغبته
وان الشعب يستخدم السيارات الصغيرة والاقتصادية في السنوات الأخيرة

ومثل ماتفضلوا الأخوان ان السيارة تسوق في امريكا


** الكتيب كامل عندي ياغالي واذا احتجت اي صفحة اقدر اسوي لها scan وارسلها لك
تحياتي ،،،

مثل ماقالوا الاخوان البونتياك تسوق في امريكا

^^^
لا أزيد على كلام أبو هذال

كانت عندي فكره انها لا تدخل امريكا فعلاً , لكن مؤخراً اكتشفت ان البونتياك تسوق في امريكا

شكراً يا ابو هذال

تحياتي..

من يقول ما تدخل ؟

تدخل من 2004 باسم بونتياك جي تي او = لومينا كوبيه

و 2007 نزلت باسم بونتياك جي 8

الكابرس يباع هناك ولكن بكميات قليلة تحت اسم بويك من 2007 وطاله ولا يحضرمي اسمه حاليا

تحياتي