سيارتي قراند ماركيز 2008 واشوف في الدركسون (+ -) وهذة الاشارات تزود السرعة وتتحكم في صوت المسجل. لكن بالنسبه للمسجل حاولت لكن مايشتغل. سؤالي هل فيه خيار اني لازم اختاره من شاشة المسجل؟ اللي يعرف الله لايهينه يشرح لي ولكم جزيل الشكر؟
يا شباب نبي واحد يفهمنا على مسجل الماركيز 2006 لأنه فيه شغلات كثير بس مانعرفها
وانا عند اختبار شاشة المسجل يطلع مثل طبق الدش صغير ! وفيه رموز كثير مدري حقت ايش
أخوي أنا معي فورد قراند ماركيز 2006 وأول كنت أتحكم في صوت المسجل بواسطه ( + . - )
ومدري كيف لخبطت فيه وصار الـ ( off ) يقلب بين الأغاني ويقدم الأغنية مثلا وبعدين حكتني يدي مره ثانيه وقمت ألخب وما صار يشتغل ولا شي
اللي عنده خبره تكفون يعلمنا كيف نبرمج الأزرار بالطاره للمسجل
هلا أخوي غالي
أنا معي ماركيز 2006 نفس اللي معاك تقريبا
وفيه اللي تقول عليه بالطارة لكن هذا ماله شغل بصوت المسجل
الميزة هذي تجي بالليميتد شد بلد تحكم بالمسجل وحرارة المكيف مع المثبت طبعا
اخوي هذي الازرار للتحكم بالسرعة مع المثبت فقط ، وهي موجوده في جميع الفوردات.
والماركيز ما يجي فيه تحكم بالصوت من الدركسون ، مع انه موجوده في الصور في موقع فورد
ولكن اللنكون تاون كار فيها هالميزه ، وهو نفس دركسون الماركيز باختلاف العلامه فقط ( والتخشيب )
يعني ما ادري اذا ممكن تركب مفتاح التحكم حق اللنكون في دركسون الماركيز ؟!! ولها مكان فاضي
علما بأن المسجل متشابه في الشكل !
هالفكره جاتني زمان وكنت بسأل عنها ونسيت
و ياليت تقول لنا اذا سألت عنها.
وعلى فكره يمكن يقولون لك لازم تغير الازرار كلها لأنه فيه اختلاف بسيط
