السلام عليكم
السيارة بويك رود ماستر موديل 1992.
المشكلة: في يوم من الأيام ارتفعت الحرارة بشكل غير طبيعي في هالبرد فوقفت في أقرب بنشري وعبيتها موية وعيت تنزل الحرارة، فرجعت للبيت ووقفتها على احتمال انها مسخنه وتحتاج وقت حتى تبرد وفي الليل مشيت عليها مسافة قصيرة إلا ورجعت الحرار شوي فمريت لأقرب ورشة في شمال الرياض.
فلما شافها الميكانيكي رجع وعباها موية وإذا السياره تهرب موية من جهت الثلاجة حقت المكينة فقالي المشكلة من وجيه الثلاجة لازم تتغير وتعالي بكره تكون السيارة جاهزه.
رجعت له اليوم الثاني بعد ما فك الثلاجه - الثلاجة كلها حديد ألمنيوم وليست كباقي السيارات -
فقالي ان الثلاجة خربانه لأن الحديد نفسه متآكل ولازم تغيير الثلاجة فشفت ان الحل آخذ تشليح لأن الجديد غااااالي مره فأخروني إلى يوم السبت الماضي حتى جابو القطعة وكانت ممتازه جدًا وأحسن من الجديدة.
والمهم جلس يركبها صباح الاحد - أمس - ويوم شغل السياره وهنا المصيبة
طلع صوت طقطقة في المكينة + دخان أبيض يطلع من السيارة (مبوشه). ولمن تفك غطا غيار الزيت يطلع دخان أبيض.
فجلس صاحب الورشه يقول أن المشكلة في السيارة من أول وأنها خربت بسبب الحرارة ومدري ايش
السياره كانت مع عمي مطلعها وكاله ثم أخذتها منه قبل 7 سنوات أو أكثر وما عمر المكينه طلعت صوت ولا بوشت.
السؤال: وش المشكلة؟
وهل يوجد حل غير التوضيب"
وهل لو بعت السيارة بهذا الشكل تنباع، وتجيب قيمة زينه، ولا أقررب تشليح؟
