شاكر اخوي تميم على معلوماتك وفعلاا انت خبير كيا من الطراز الاول ...
لكن اخوي انا رحت الوكاله اليوم وسعره الفل طلع 142 الف السته سلندر .. وقال اذا تبي تدفع كاش:wink: اعطيك الفل 139 الف ..لكني متردد ناس تقولي مكينته مكينه اوبيرس وان السياره ثقيله :confused1: واذا تبي يعجبك الموتر لاتاخذ الا 8 سلندر لكن ال8 مانزل الا الان بالوكاله اللي بالرياض ... ولا اعرف كم تكون اسعاره :rolleyes1:
وتبي الصراحه الموهافي ماينفع الا انك تاخذ فل سته سلندر او ثمانيه لانه مايسوى اذا اخذت ابو 114 او او 95 الف :c0038: .. وبعدين اخوي سمعت ان فيه هزاز هاذا شيء صحيح او لا؟؟ وشفت اكثر من فتحه بجانب القير مادري وش وظيفتهم .. ومنها طبعا فتحه AUX اتوقع حقت الايبود ..
الرجال شغل السياره قدامي الفل بصراحه مواصفاتها روووعه جدا والهيدرولك شغله ويتم رفع السياره وتنزيلها بمقدار 6 سم...
وقالي بعد ان يشتغل فيه تلفزيون وفيه DVD هل معلوماته صحيحه... والايربقات شغلتهم شغله.. قالي 6 ايرباقات الفل طبعا السته وشفت عضو بالمنتدى واكثر من واحد يقولي عشر ايرباقات انت طبعا عندك المعلومه الصحيحه واخيرا طبعا هل فيه تراكشن كنترول وهل اقدر افصله واشبكه على كيفي .. واخيرا اسف اني اقلقتك بالاسئله اخوي تميم لاني بصراحه ناوي عليه وحبيت اعرف كل التفاصيل عنه:wink:
اللي أعطاك السعر غلطان . . آخر تسعيره للفل في تاريخ 14 / 2 / 1430 هـ هو 134.000 ألف ريال
وهل تستحقر ماكينة الأوبيروس 3.8 لتر بقوة 266 حصان بينما للموهافي ينتج منها 274 حصان لذلك تجد أغلب المنافسين أقل منها قوة . .
ومما لايدع مجالاً للشك فالـ 8 سلندر لا يعلى عليها ولكن السعر يقف حائلاً ممن أراد شرائها والبالغ 162.000 ألف ريال . . <<< شي طبيعي لأن توها نازلها والمفترض يكون سعرها مابين 140 - 145 ألف ريال وهي ستنزل تدريجياً في الأشهر القادمة . .
وزي ماتفضلت الفتحات اللي بجانب القير هي للـ آيبود والآخر للـ USB
طبعاً بدون تسخين المقاعد :tongue:
والشاشة تحتوي على DVD ويمكن من خلالها تشغيل التلفاز كما في الفيراكروز ولكن مطور . .
وخلينا نعد الإيرباقات مع بعض :
السائق
الراكب
باب السائق
باب الراكب
الجانب الممتد من السائق وحتى الراكب في الصف الثالث
الجانب الممتد من الراكب وحتى الراكب في الصف الثالث
برأيك أن تريد أن يكون الـ 7 والـ 8 والـ 9 والـ 10 لذلك أعتقد والله أعلم أنها بالفعل 6 إيرباقات وليست 10 والسلامة من الله أولاً وأخيراً . .
حصولها على خمسة نجوم في السلامة :
والتراكشن كنترول ماجاء في بالي إلا يوم دقيت عليهم وسألتهم . . قال : نعم موجود بالفل أوبشن
ولي زيارة مره أخرى للوكالة للتمعن والنظر أكثر للفل أوبشن ( لأن معلوماتي كانت بالفل اللي قبله )
لكن زي ماقلت لك . . التجربة ولا غير التجربة هي الحل الفاصل لإقتنائها وهناك نقطه مهمه إنتبه من التلاعب بالمواصفات . . يعني عندك مثلاً : غسيل الأنوار الأمامية ( بعضها فيه وبعضها مافيه )
أيضاً : التحكم بإرتفاع وإنخفاض الأنوار الأمامية ( بعضها فيه وبعضها مافيه )
أيضاً : الطبلون . . ( يجي منها طبلون ستاندر و يجي منها طبلون الليد )
هذا مالدي والله يقدرني على وصول المعلومات بأكمل وجه , , ولاتنسى إن أفضل لون لها وهو المتناسق مع الزوائد الجانبية ( اللون الثاني اللي داخل عليه ) هو الفيراني :
والأذواق تختلف :tongue:
