السلام عليكم...شباب:
مشكلتي باختصار هي ان سيارتي(كابرس 89) تطفي عند الإشارة أو لمن أكون ماشي بسرعة بسيطة(20كم/ساعة)،ووديتها لميكانيكي تركي متخصص في السيارات الأمريكية وسوى تنظيف بخاخات وتصفية للمكينة ومافي فايدة!!وبعدها غير صفاية البنزين وفلتر الجيربوكس مع الزيت ومافي فايدة!!وبعدها كشف على منظم الهواء وطلع سليم ومافيه أي شي!!وبعدها كشف التانكي حق البنزين وقال يحتاج تغيير وغيرناه ومافي فايدة!! وفي النهاية قال لي المشكلة كهربائية وليست ميكانيكية لأن أسلاك الظفيرة ماتوصل كهربة للمكينة بشكل صحيح.وديتها لكهربائي وقال قبل لا نكشف على الظفيرة و تعقيدها بنكشف على الدينمو،وطلع سليم مافيه أي شي لأنه قام بتركيب 3 دينموهات للتجربة ولكن المشكلة موجودة!!واتفقنا على انه يشيك على الظفيرة هذا الأسبوع ولسى ماوديتها له وإن شاء الله تطلع المشكلة في الكهرباء ماهي في المكينة،مع العلم ان صوت المكينة ليس مستقرأي ليس على وتيرة واحدة (يعني : طلوع..نزول طلوع..نزول طلوع..نزول ..... وهكذا)، وبعدها وديتها لميكانيكي تركي آخر،وهو اللي جاب لي التشاؤم من السيارة الله يسامحه ،وقال لي الظاهر ان المكينة تحتاج التوظيب مع العلم انه مافي دخان كثيف يطلع من الشكمان (اللي هو أحد المؤشرات الدالة على أن المكينة شارفت على الانتهاء –على كلام الناس-) بالإضافة إلى ذلك السيارة زي الحلاوة في الخطوط الطويلة ماشا الله تبارك الله ومافيها أي شي سوى مشكلة الطفية هذي لمن أوقف عند إشارة أو السرعة الهادئة.
أرجوكم..أرجوكم..أرجوكم اللي عنده نفس المشكلة وعالجها بحمد الله أو يعرف حلها (بعيد عن كلمة توظيب الله يخليكم لأنه تسبب لي رعشة!!!!!) أو يعرف متى تحناج المكينة للتوظيب يفيـــــــــــــــدنا...وجزاكم الله خير
