بشتري توسان هل جربه احد منكم ؟ وابي اي معلومة وش الافضل هو ولا كيا

اها ملاحظ انهم شالوه في المديلات الجديده من 2009 سواء كيا او هونداي

يساعد كثير باللفات يعني فايدته انه يخلي السيارة ماسكه بالطريق..
ويوزع القوة على جميع المحاور.

طيب وش فايدته بالضبط ؟ يعني نظام مساعد للدفع الرباعي ولا مانع انزلاق ولا ايش؟

اتوقع نفس الشي قوة البدي
بالنسبه لنظام tcs
هذا نظام الثبات موجود بجانب الزر الي يعلي ويوطي النور.
اذا مو موجود يعني السيارة ما فيها هالنظام.

وشهو بالضبط نظام tcs ووش فايدته ؟؟؟؟

الشين فالتوسان مقارنة بالسبورتج البدي حقه .. جرب تضغط على وسط الباب بيدك بينخفس بسهولة
بعكس السبورتج قوووي ماشاء الله

^
^
اذا كان بدون سيدي وفيه نظام TCS هذا يكون موديل 2008
خذه وانت مغمض والسيدي عادي تركب اطلق سيدي ب800 ريال..

سعيد بالعكس موجود فل كامل ولكن تخيل بدون سيدي !!!!!!!

عجبي من الوعلان ووكالته الخايسه

ان شالله الموفقية

الفرق بين السبورتاج والتوسان مافيه فرق يذكر لا مواصفات ولا قوة..
توسان جديد فل كامل ما توقع تلقى نهائي لأن اخر سيارة اخوي اخذها من حوالي 6 شهور..

اخوي مايكروسوفت بما ان عندك السورينتو هل تحس فيه فرق كبير بينها وبين السبورتج؟

ووش رايك بالتنصيف هذا تلاحظ ان السبورتج اقل من السورينتو بمرتبه وحده فقط http://usnews.rankingsandreviews.com/cars-trucks/rankings/Affordable-Compact-SUVs/

لقيت سورينتو عند الوكاله 2008 وبسعر حلو ولكنه ستاندرد وانا ودي بفل

انا بشوفه باذن الله

بس هل ممكن القى سبورتج او حتى توسان 2008 فالمعارض جديد وفل كامل ؟ ووين تنصحني اروح اي معرض اذا كان عندك خبر ؟

ابد اخوي هذا واجبنا نفيد ونستفيد انت آمر بس..
بالنسبه لنظام الECS الي هو تراكشن كنترول سستم..
انا متأكد انهم الغوه ب2009 وبصراحه مهم هالنظام طبعا الي شفته الوعلان ما ادري عن الباقي..
بس يبقى ان التوسان بالاساس راسي وايضا فيه ميزة اخرى صح الغو التراكشن بس صار الفل 8 ايرباق ومرايه تعتيم والمرايات تنغلق كهربائي وسيدي من الخارج الجنوط تختلف فقط مع تعديلات خفيفه.
انت رح شفه موجود بطريق خريص الوعلان وايضا استفسر عن سبب الغاء نظام التراكشن.
والله يوفقك.

اشكر بقية الاخوان مظفر وفايربيرد ومايكروسوفت

ومانستغني عن نصايحكم حتى نقرر الشراء

وعندي سؤال يااخوان لو انتظرت للصيفيه هل تتوقعون تنخفض الاسعار ولالا؟ بما انه هو قمة المواسم للسيارات في كل دول العالم

فرهودي جزاك الله خير على دعوتك الطيب والله يوفقك

اخوي مايكروسوفت بيني وبينك ماودي بمستعمل

ياخي تعبت من المستعمل ودي بجديد افكه انا .. والسورينتو صراحة يستاهل بس اخاف ماالقى اللي انا ابيه وثاني حاجه الحراج سكر في ما والله مااتدري وش انت شاري خصوصا اذا انت منتب خبير فالسيارات المستعملة

اخوي سعيد انا عندي البروشور قدامي حق موديل الفين وتسعه 175 حصان هذا الستة سلندر

وانا ابشرك ماني راعي سرعه وقومات والله ماهمتني يعلم الله صاير لي حادث كله بسبب السرعه كان معي لومينا 2004 وبعدها كرهت الامريكي كله الله يلعنه اقسم بالله اني مغبون منها

الكوري معجبني رخيص وقوي وبخصوص النظام هذا حق الثبات انت متأكد انهم شالوه .. لاني اتوقع انه موجود في الموديلات الفخمة

انا مثل ماقلتلك السرعه ماتهمني يهمني انه فالنفود والرمل مايغرز ويورطني وانا بصراحة ناوي استاجر واحد واجربه فالطعوس

اشكرك وجزاك الله خير و اي معلومة اضافية امل انك تفيدني بها


وابي اسال الاخوان هل ممكن القى فالمعارض سبورتاج فل كامل ستة سلندر جديد ويكون سعره اقل من الوكيل ؟ لان الوكيل يقول فيه خصم 15 الف يوم رحتله قاللي 78 الف تقريبا !!! يعني بقيمة تويوتا اف جي وش ذا الهبال

أحسنت التوسان والسبورتاج وجهان لعملة واحدة

في كل الحالات ( جودة - أداء - صيانة - قطع غيار ) كلهم واحد

فأنظر أيهم أحلى في نظرك .. وإستخر ثم أتكل

:)

شوف يا خوي
زي ما كالوا الشباب الله يعطيهم العافية انو السيارتين وجهان لعمله واحده
وانا ترى سئلت بنفس الموضوع بالضبط
لو حاب اتشوف مشاركتي
انا في رأيي انو التوكسان احلى على مستوى الشكل الخارجي
وحتى من الداخل انا اشوف احلى من السبورتاج
وخلك بالسته سلندر افضلك بعد
اما بالنسبة للون السيارة
اتصور الفضي او الاسود صراحة راقي