بشتري توسان هل جربه احد منكم ؟ وابي اي معلومة وش الافضل هو ولا كيا

الله يوفق ويكتب لك الي فيه الخير

فيه إقتراح لكن راح يتعبك كثير.!

وهو أن تبحث عن سورينتو مستعمل نظيف

يمكن تحصله في مزاد السيارات الدولي ـ الرياض .. والله يكتب لك إلي فيه الخير

:)

التوسان والسبورتاج نفس الشي تماما فقط علامات تختلف..
والتوسان جدا ممتاز خصوصا الفل 6 سلندر بس مشكلته المكينه مو قويه اذا انت راعي سرعه..
لاكنها تؤدي الغرض وممتازة بالبر..
وموديل 2009 الفل صار احلى من الداخل ويختلف عن 2008 صار سيدي و 8 ايرباق وتصفيط المرايات واتوقع المكينه صارت اقوى بشوي تقريبا 181 حصان زيادة 6 حصان لأنها نفس مكينه السنتافيه بالضبط... وسعره 72 الف.
لاكن شي وحيد قهرني كثيرررررررررر الي هو نظام الECS ما صار موجود ب2009 مع انه بصراحه نظام جدا ممتاز من ناحيه الثبات.

مريت اليوم المعرض لقيت السبورتاج اغلى !!!!!

ياناس انا في حلم ولا في علم متى صارت الكيا اغلى من الهونداي!!

اشكرك اخ سوناتا على النصيحة

والله ماعرف شي عن السبورتاج لذلك ماقدر افيدك ايهم افضل



لكن التوسان اخوي معاه واحد موديل 2005 واحد قريبي معه 2006 ديزل كلهم اربعة سرندل اتوقع


بالبر موتر حليو وماعليه يتجمل واتوقع لو ست سرندل بيكون افضل كثير


التوسان منتشر وتشوفه بكل مكان لذلك هذي نقطة تعطيه افضلية عن السبورتاج


وانصحك بالاستخارة

ياخوان ابي رايكم وش الافضل كيا سبورتاج ولا هونداي توسان ؟

السعر مايهمني بما اني قادر على شراء التوسان والسبورتاج ارخص اصلاً

لكن يهمني رأيكم وهل القوة في السيارتين تختلف(هذا اهم شي عندي) من ناحية قوة المحرك او هل المحرك في كلا السيارتين واحد ؟ المشكلة ان التوسان على اليوتيوب لها الاف التجارب بس السبورتاج قليل

ابي نصايحكم والله يجزاكم الف خير ..

اشكرك اخوي ابو خميس

انا المشكلة الميزانية عندي وضعها صعب ولا والله كان ودي بالراف فور

على كل حال انا ناوي على التوسان 6 سلندر توماتيك دبل فل كامل بس يوم شفته من داخل شكله عادي جدا وهذا هو اللي يقهر فيه التصميم الداخلي عاااادي جدا

وبصراحة انا راعي بر لكن مهوب تطعيس ولعب ..


الاخ لحظة صمت اشكرك على الاقتراح وراح اشوف الجراند فيتار بس هو مهوب اغلى من التوسان؟؟ اذا اغلى فانا مااقدر عليه

انا عندي التوسان افضل

بس انصحك تشوف الجراند فيتار