بسم الله الرحمن الرحيم
<<< مدخل ..
اللهم لك الحمد حتى ترضى ولك الحمد اذا رضيت ولك الحمد بعد الرضا .. الحمد لله الذي انعم علي ومن وتفضل علي بان شريت سيارتي الجديدة .. ازيرا 2008 3.8 فل ابشن ..
وقبل ابدأ في التقرير والصور اولا احب اشكر من كل قلبي اخواني بندر و M64 واللي ساعدوني من وقت قررت اشتري الازيرا الى وقت التسليم اشكرهم كل الشكر وكان لهم الفضل بعد الله في قراري ان اشتري ملكة هيونداي ..وما املك الا ادعاء لهم بظهر الغيب .. ولا انسى بالشكر كل الاخوان في قسم السيارات الكورية بدون ما اذكر احد عشان لا انسى اسم ..
<<< قصة الزيزو الساحرة وخطفها لقلبي .. وتعلقه بها :a1120(121):
قبل فترة ليست بالقصيرة وبالصدفة دخلت في هذا المنتدى الرائع .. وكانت عندي بعض الافكار البسيطة عن الازيرا وكان المؤثر الاول علي واحد من الزملاء في العمل .. وبعد قراءتي في المنتدى وبعد بعض الزيارات لشركة الوعلان (الدائري الشمالي وخريص) وبعد ماقريت بعد كلام الاخوان هنا عن السيارة فكرت فيها بشكل جدي .. وقلت يا ولد ما تدري يمكن تاخذ ازيرا ؟؟!
لا اخفيكم اني كنت باشتري التيما فل4 لكن شاء الله ان تاسرني الزيزو بسحرها وتلفت انتباهي لها بقوة .. وبعد ما عرفت فئات الازيرا و السؤال اكثر من شخص توكلت على الله وقررت الشراء ولكن وقفت عند وش الخيار المناسب 3.3 ولا 3.8 اما 2.7 ما فكرت فيها من الاساس :bigggrin:
المهم .. بعد ما سمعت من اخوي العزيز M64 وبعض الاعضاء عن عرض الناغي للسيارات عن الفل اوبشن بشاشة .. فكرت من جددددد هذي اللحظات في السيارة وبعد الاستخارة والحمد لله قررت اشتري السيارة من فرع الناغي في ابها .. وما قصر اخوي اللي اصغر مني << بيض الله وجهه :smilie16: وقام بللازم ارسلت له تفويض وخلص امور السيارة الى ان شحنها لي في الرياض ..
اما من ناحية مواصفات السيارة فهي مثل سيارة الاخ M64 بالضبط ونفس اللون .. والحمد لله اليوم الاربعاء اول يوم اركب الازيرا وان شاء الله انه يكون اسعد يوم علي .. وعاد جات على يوم ويكند :ch19: ..
<<< في الختام ..
اما صور الزيزو باحطها لكم ان شاء الله بعد ما ارفعها وانسقها .. انتظروني :xyxwave:
ولكم كل التحية ،،
