أسعار السيارات بالكويت

هلا فيك اخوي Backspace

15 ممكن تجيب لك

كورولا موديل 95 او 96

او صني 98

اما ماكسيما ممكن تحصل موديل 95 بهالسعر

وفي كذلك كريسيدا موديل 93 او 92 GL

او كامري 94 او 95 GL

ماقول الا الله يوفقك وان شاءالله تحصل السيارة اللي في خاطرك

بحفظ الله :)

هلا أخوي Dead...

وشكرا لك على هذا الترحيب الجميل...

و أن شاء الله نكون عند حسن الظن...

قصدت 15 ريال...

طيب لو بغيت

تيرسل...

كورلا...

صني...

مكسيما...

وش الموديلات الي يجيبها ها المبلغ...

ولك مني جزيل الشكر...

يا مرحبا فيك اخوي Backspace بين اخوانك في المنتدى ونتمنى انا نشوف ابداعاتك معانا

بخصوص ال 15 الف انت ماذكرت هل هي 15 الف دينار ولا ريال ؟

بس اتوقع انك تقصد ريال دامك تدور سيارة اقتصادية :)

ال 15 الف بتجيب لك سيارات كثيرة موديلات متنوعه بس انت اللي تختار

وبخصوص التسجيل والجمارك ابشرك ان الجمارك مافيه يعني تصدر سيارتك بلالالاش لأي دولة خليجية ولكن تبقى رسوم اللوحات فقط

بحفظ الله :)

بسم الله الرحمن الرحيم

السلام عليكم ورحمة الله وبركاته...

هلا أخوي Dead...

يعطيك الله ألف عافية...

أخوي بغيت اعرف 15 ألف وش تجيب لي من سيارت أقتصادية ...

طبعا شاملة التسجيل والتصدير...

ومشكور مقدما...

اخوي معانق الاكورد يامرحبا فيك

هوندا اكورد 2003 من الوكاله سعرها 6400 دينار انا قبل امس كنت في معرض هوندا بس للأسف ما اخذت معلومات كافيه عن المواصفات وطبعا نقل حركة اوتوماتيك

وسعر التويوتا كامري 2003 من الوكيل لل XLI تقريبا 5200 دينار لأن اخوي قبل شهرين اشترى كامري وكان هذا سعرها في وقتها وكذلك جير اوتوماتيك

بحفظ الله :)

حياك الله اخوي عمار في المنتدى وان شاءالله نشوف مشاركاتك وابداعاتك معانا بالنسبة للكزس

GS300 موديل 1999 اكيد ماراح تحصل جديد كله مستعمل وبخصوص السعر ماراح يتعدى 7300 دينار وبتحصل ارخص طبعا خصوصا في هذا الوقت لأن السيارات ينزل سعرها كثيرا في الصيف

ES300 هذه السيارة شبه معدومة الوجود في الكويت ماني عارف ايش السبب بس انا شفت لي وحده ذهبيه موديل 2001 انباعت بسعر 5400 دينار

وبخصوص الاجراءات فهي جدا بسيطة وهي مجرد استخراج رقم موحد ماياخذ من الوقت الا 10 دقائق بالكثير وتحويل السيارة باسمك في ادارة المرور واذا تبي تحول ارقامها الى ارقام سعودية يجب استخراج براءة ذمة وارقام تصدير و ......... بس :)

على فكره تحويل دفتر الملكية يتحمله البائع اما اجراءات التصدير فيتحمله المشتري

بالتوفيق ان شاءالله

هلا اخوي ميت كيف حال ان شاء الله بخير وماقصرت بشباب


حبيت اسئلك سوال كم سعر هوندا اكورد 2003 وكامري واكورد توماتيك


تحياتي لك|3||3|

السلام عليكم

حبيت أسأل عن لكزس GS 99 جديد أو مستعمل؟
ولكزس 2001 es جديد أو مستعمل؟

وأين أجدها في الكويت تحديداً؟ وما الإجراءات المطلوبة للسعوديين عند شراء السيارات من الكويت.؟؟؟

وشكراً لكم

اخوي king ss

لومينا SS موديل 2001 سعره بحدود 3800 الى 4500
2002 بحدود 4500 الى 4800
اغلى لون اللون النحاسي وهو مطلوب اما اللون الفضي والاسود والابيض ارخص من النحاسي

والهوندا اكورد من الوكالة ان شاءالله اشوف لك سعره من الوكيل

وكل السيارات الشبابيه موجوده بس اكثر سيارتين تشوفهم الموستنغ والكمارو

اتمنى اكون افدتك بحفظ الله :)

طيب لي طلب عندك بكم احصل عندكم لومينا ssموديل2002.2001..
..
وياريت الولون يكون غير الفضي لانه منتشر..
..
وكمان اخر طلب يابابا ابيك تشتري لي لعبة..اقصد ممكن تشوف لي اسعار الاكورد بالوكالة عندكم..
..
وماهي اكثر السيارات الشبابيه متوفره عندكم..
..
وان شاء الله ماثقلت عليك..
..
تحياتي|3|

حياك الله اخوي كريكشون راجع صندوق الرسايل ارسلت لك رسالة خاصة

بحفظ الله :)

اخوي king ss يامرحبابك بأي وقت وانت تامر بس وأبد لاثقلت ولا شيء وبخصوص السيارة كانت معروضه في الحراج وأكيد أنباعت :D بس انا كنت ابي اعطيك فكره عن الاسعار ولكن ماقصدت سيارة بعينها

وعلى فكره كان لونها كحلي :D

سعر اللكزس من 95 - 98 .. الله يخليك يارب :) |3|

تسلم اخوي وعسى بس ماثقلنا عليك بس هي وش لونها ..وكمان كم ماشيه..
..
تحياتي:D

هلابك اخوي saudi22

البي أم X5 اذا كان وارد الوكيل فسعره غالي 2000 بحدود 13500 و 2001 بحدود 16500 دينار

اما اذا كان وارد المانيا موديل 2000 سعره بحدود 10800 الى 11500 دينار

اما موديل 2001 سعره بين 11000 الى 13000 دينار حسب المواصفات واللون

اخوي الكاتب كم سعر bmw X5 3.0i
موديل 2000 و 2001
وما قصرت على معلوماتك ..السابقه .

Polite يا مرحبا ومسهلا تو مانور الموضوع بتشريفك
اخي الحبيب Polite الاوميغا استعملتها سنتين سيارة جدا رائعه وسواقتها ممتعه
اذكر مره كنت اسوقها ومشغل المسجل مادري الا واحد يحدني ويأشر على التاير الخلفي والله العظيم ان يوم وقفت انصدمت !!! لقيت التاير مبنشر وانا ماشي مدري عنه حقيقه هذا الموقف خلاني اعجب بهالسياره بشكل كبير كذلك ثباتها في الخط غير طبيعي وصعب انك تحصل سيارة يابانية او امريكيه بثبات الاوبل و لكن حقيقة الاوبل ماهي سيارة اي شخص يبيلها VIP وعنده فلوس ( مو مثل حلاتي ) :D كذلك يبيلها شخص يعتني فيها زياده عن اللزوم ويدلعها :D عشان اتدلعه مضبوط :D :D

المهم انا ارسلت لك رسالة خاصة اتمنى تكون وصلت

بحفظ الله :)

اخوي عاشق الكراون نصيحتي لك لاتبيع سيارتك بالكويت لأن القير العادي بالصالون مو مرغوب نهائي ( الا عندي انا ::D ) وحقيقة ماعندي خلفية عن الكراون 98


اخوي N.M.N والله ماعندي خبره قوية بالكراون بس شفت لي تويوتا كراون سوبر صالون موديلها 91 معرضوه ب 1000 دينار

اخوي alSmo العفوو وانا حاضر بأي وقت

اخوي <<المـــلــكي>> يا مرحبا والله

الكابرس 2001 LS سعره بين 4500 الى 4800 حسب العداد واللون وال LTZ2001 سعره 5000 وممكن ارخص وعلى فكره ترى ماعليه طلب بالكويت نفس الكابرس القديم لأن مشاكلة كثيرة حسب ماسمعت من شباب عندهم كوابرس

الماركيز 2001 LS فل كامل هدروليك بحدود 5000 دينار وممكن تحصل ارخص
ماركيز 2000 بين 4000 و 4300 حسب العداد والنظافة

وهالاسعار لسيارات وارد الوكالة يعني مواصفات الخليج اما الفورد التجاري ابعد عنه لو انه بلاش


اخوي king ss كان بدوي اخدمك والله لكن للأسف ماقد شفت هوندا موديل 2002 او 2003 معروضة للبيع لكن شفت موديل 2001 اكورد كامل المواصفات كان راعيه طالب فيه 3300 دينار واتوقع فرق السعر بيكون بسيط بي 2001 و 2002