500 ألف على ايش ؟ شوركم لاهنتم

نصيحتي مثل اغلب الاخوان بي ام وانت عقلك في راسك تعرف خلاصك :)

لانك لو مقتنع بس شي ميه بالميه صعب نغيره في لحظه

لكن عيد حساباتك في البي ام

وخصوصا ما بعد البيع

بالتوفيق

بس غريبه مافيها ثلاجه..؟؟؟؟؟؟؟

شف وانا اخوك ..الكفه عندي راحت للبي ام عشان سبب واحد ..وهو ان الشكل توه متغير وراح تقدع معك 5 سنين والسياره على عزها

اما المرسدس الي طيح الكفه هو ان الشكل بيتغير شوي عام 2010

اذا تبي نصيحتي اصبر لين ماينزل شكل الجديد للمرسدس وتوكل على الله وخذه

الف مبروك مقدما
وربي يعطيك خيرها ويكفيك شرها

ويرزقنا ان شاءالله

ما أدري أخوي ليش مستعجل ؟

البي أم دبليو الناغي يراسلون عملائهم عبر عدة قنوات وسوقهم واقف .. أنا انصحك تنتظر نزول 2010 بعد رمضان وتاخذ 2009 بالرؤيا الليلية مع النت وكل المواصفات .. والصبر مفتاح الفرج

أخوي اتركهم فترة إلى منتصف رمضان وبعدين روح للناغي الفرع الرئيسي .. وصدقني بإذن الله بتاخذها بأرخص بـ 20 غلى 30 % وزيادة على ذلك بيركضون خلفك .. وإن كانت الصيانة مجانية مدة 5 سنوات مع الضمان فهي بصراحة فرصة ترجح الكفة للبي إم دبليو عن مرسيديس .. وانا اقوللك هذا الكلام مع حبي وعشقي الكبير للمرسيدس ..

خالي اللي بالرياض عنده 65S AMG موديل 2007 أشتراها قبل 6 شهور من امريكا لون نادر عاجي من الخارج والداخل كلفته 360 ألف ريال (لأن الجمارك كانت غالية الحين أقل 80 % الجمارك يعني تطلع بالحساب الجديد حوالي 350 ألف ) .. صدق اخوي ركبتها مرة واحد ، وشفت المميزات اللي فيها والقوة والسيارة ماشية 17 ألف ميل فقط يعني شبه وكالة .. المريكي احسن بمليون مرة من مواصفات الجفالي حتى لو مستعمل !!

وبالنهاية أرجوك التروي لا احد يشتري الآن بالظروف الإقتصادية الراهنة .. وممكن الأسعار فجأة تنهار إلى 30% .. ترقب مع الناس ولا تشتري وحيدا فتندم وحيدا !! الأشهر الماضية بنزات وبي إم بعدد الرز للبيع موديلات من 2006 إلى 2009 !! الوضع على شفير الهاوية !

عوافي والله يسلمكم

حصلت bmw 750 فيها رؤية ليله في أحد المعارض بالرياض وقيمتها 520 ألف ...

وشكلي بتوكل على الله وباخذها

أكرر شكري لكم جميعا لاعدمناكم

اخوي خذ لك s500 وتوكل على الله
يكفيك انها تجذب الانظار في الشارع ولها فخامتها ورزتها ..
وبالنسبه للتعامل ..
ما في شي اسمه زفت وراقي وحلوو ..
كل شي يعتمـد عليك انت .. تقول مرحبا .. السلام عليكم .. ولا مطنش ؟
نظرتك ؟ اسلوبك ..
عموما ..
البي ام سياره جباره ..
لكن المرسيدس اثبت جدارته ومكانته في السوق
وبالنسبه للاخ اللي يقول فيها مواد منصهره ..
يعني لـ هالدرجه العالم دلوخ ؟
سبب تراكم المرسيدس في السوق ..
ان اللي يشترونه ناس كاااش .. وكل سنـه يبدل سيارته
هذا الســبب .. اما مواد منصهره وفايبر جلاس مهوب اصلي
ما اعتقـد أبدا ..
والبي ام راااقي جدا ومع اخوووي وحلوووو ..
لكن انصحك بالمرسيدس
آسف على الاطاله
مودتي
:)

انصحك بالـ BMW
صيانتهم ممتااازه واطلق من الجفالي في الصيانه
ويكفي انها مجانيه ..

و اذا بتسمع نصيحتي انتظر الين العطله الصيفيه علشان بينزلون موديلات 2009
و لان مرسيدس بينزلون الشكل الجديد و BMW بينزلون النايت فيجن فيها ,,

الجفالي

قصتي معهم بدأت من 3 سنين ونصف

المصداقيه لا توجد لديهم اطلاقا يعني انا تحملت تكاليف عيوب تصنيع في الفرامل مثلا من اول اسبوع اشتريت فيه سيارتي وغيرت اقمشه وهوبات عندهم على حسابي وبعد سنه اكتشفوا عيب تصنيع واخفوا عني الخبر وصلحوه بدون اي تعويض عن كل التكاليف اللي دفعتها ولولا اني اعرف شخص في الصيانه ما عرفت ان فيه عيب تصنيع. هذا مثل واحد

مثل آخر : الكفرات بعدما اشتريت السياره بشهر طلع تحبيل في احدى الكفرات ورحت لهم وقالوا كفرات كونتيننتال ماهي تحت وكالتنا ولازم اني انا ادفع قيمة كفر جديد وبعد شكاوى كثيره معهم ومع الاداره لم احصل على نتيجه وغيرتها على حسابي خارج الوكاله

يعني بكل بساطه في كل صيانه لازم تدفع مبلغ وقدره وصدقني هذا بعض من كثير يتعرض له اغلب عملائهم.

مرحبا اخوي saad999 :

انا زرت الناغي على طريق الملك فهد، وبصراحة BMW 7 SERIS 2009 الجديدة ماشاء الله تبارك الرحمن شيء يدهش العقل ويفوق الوصف واللي ماشفاها على الطبيعه راح يتغير رأيه من سلبي إلى إيجابي، بالنسبة اخوي للرؤيا الليلة انا معي الآن في جهازي الجوال فيديو كامل عن الــ750 وكان واضحة وضوح الشمس كاميرا الرؤية الليلة في الشبك الأمامي السفلي للصدام الأمامي من الجهة الوسطية اليمنى، اما بالنسبة للإنترنت فماسألتهم عنه، أخوي انا انصحك انك تبتعد عن مرسيدس لوجه الله بتقولي ليش بقولك ، بالله فض نفسك يوم وروح للنسيم شوف كيف المرسيدس ممتلىء في المعارض بجميع الفئات حتى فئة S65 الباهضة الثمن تجدها مرميه في المعارض، انا متأكد ان هناك عيوب مصنعية كبيرة في سيارات مرسيدس واللي سمعته ان هناك مواد تنصهر مع الصيف عباره عن فايبر جلاس من اردى الانواع، وايضاُ الكثير يشتكي من الفياقرا والبانورما فمنذ عام 2000م بدأت المشاكل في المرسيدس (ايام الشبح ولت وراحت)، انا انصحك اخوي BMW بدون اي حيره وصدقني راح تدعيلي اخوي معاه 2006 بصراحة فعلاً BMW متعة القيادة وهي تمتعك من جميع النواحي ، انصحك بزيارة هذا الرابط وشوف بنفسك مواصفات BMW 2009 بصراحة شيء بالمره خطير ولايخطر على البال :

http://gulfbmw.com/vb/showthread.php?t=3827

وعلى فكره في المعارض راح تلاقيها بسعر اقل يعني توفر مابين 30الف او 20الف وبضمان الناغي وافضل المواصفات

عموماًُ الموقع بالكامل يتكلم عن جميع فئات BMW وآسف على الإطالة وتقبل تحياتي،،،

غريـبه ما فيـها هالمـواصفات

انصحك تجـي تاخذها من بوظبي او دبي لان فيها الرؤية الليليه و فيها النت بس لازم تنتظر لين ينسقون مع اتصـالات
اللي اذكره ان بس ما فيها ثلاجه فقط

و و اللي اعرفه ان وصل سعرها ل 480 ألف درهم في الامارات
ترا الضمــان دولي و تقدر تسوي لها صيانه مجانيه اول خمس سنوات او 100 ألف كيلو في اي دوله فالعالم


بالنسبه لتعامل الوكلاء عندكم ان شــاء الله الاخوان يفيدونك

تحيـــاتي لك

جزاك الله خير يالزهراني ويبيض وجهك

ياليت وانا اخوك بس تذكر لي الأسباب عشان الواحد يعتبر ويقتنع

نصيحه اخ لأخوه

الجفااااااااااااااالي دمااااااااااااااار شامل

مدير المبيعات لسانه عسل

لكن بعد البيع ياويلك ويلااااااااااااه

اسوأ تعامل ممكن تلقاه في الصيانه وفريق الصيانه

نصيحه لوجه الله من اخوك المجرب

الجفالي اسوأ بمليون مره من الناغي في الصيانه ولا اعتقد انك تبحث فقط عن تعامل بيع ولكن المهم مابعد البيع.



اللهم هل بلغت.....اللهم فأشهد

تم النقل الي الاستفسارات