الصبر طيب الوكيل متعود انه يستغل الزبائن يجي الزبون بين يوم و لي يقوله كفاية استغلال ما اتوقع ان الوكيل تعود يسمع كلمة لا بعدين المواطن مستغل في هذا البلد حتى النخاع تتوقع انه التحرر من الإستغلال سهل و بسيط لهذه الدرجة
ماقلنا شي في البداية قالوا ان الاسعار راح تنزل مع بداية 2009 وكل يوم نسمع في الاخبار عن
الخسائر الفادحة للشركات وتصريف العمال ونزول اسعار الحديد والحين لنا 6 شهور لكن خلينا واقعيين هل نزل الاسعار ؟؟
بعدين اخوي انت ما تشوف انه من حقنا انا نحظى بأسعار عادلة للسيارات في المملكة ليش دائماً تكون ارباح الوكيل دائماً اكثر من قيمة السيارة الحقيقية ليش ارتفاع الاسعار عندنا جنوني وانخفاضها مثل السلحفاة
ليش تنخفض اسعار السيارات في كل دول العالم و ترتفع عندنا هل نحن مغفلين لهذه الدرجة فعلا
اكيد كل واحد له الحق .... لكن حسب علمي ان السعودية اقل الدول العالم اللي تضررت من الازمة تعال شوف الامريكان
كيف انطردوا من بيوتهم لانهم ماقدروا يدفعوا الاقساط اللي عليهم فـ اضطروا انهم يخيموا في
المنتزهات والاماكن العامة وبعضهم صاروا يناموا في سياراتهم لهذا السبب الوكلاء اضطروا الوكلاء انهم ينزلوا
الاسعار غصب عنهم علشان الكاش ...
قارن بينهم وبيننا ،،، هنا لسى الخير موجود قبل فترة نزلت التحلية وشفت السيارات الفارعة وموديلات 2009 موجودة في
الشوارع وحتى المطاعم الفاخرة زي تشيليز مليانة زبايين يعني باختصار طالما الشعب عنده فلوس
وقاعدين يشتروا وعايشين في رفاهية ليش تبغاهم ينزلوا في الاسعار ؟؟؟ طبعا هذا تفكير الوكلاء
عندنا ...
بالنسبة للناس اللي محتاجين سيارات فيه خيارات واسعة أمامهم :
1- ما اتوقع ان واحد منهم ما كان عنده سيارة إلا نسبة قليلة ما تتجاوز العشرة في المية
مو لازم .. احنا ولله الحمد عندنا 3 سيارات واحد لي والثانية لاخوي والثالثة لابوي ....
قبل شهر تقريبا اخوي جاب العيد بسيارته وانقلب فيها فوداها التشليح وابوي كان مسافر يعني مابقي
الا سيارتي .. تخيل يوميا ياخذ سيارتي ويوصل البزورة للمدارس ويرجع يوصلني للعمل ويجيبهم
من المدرسة الظهر ويجي الساعة 2 الظهر علشان ياخذني من العمل والعصر يدبر حاله علشان
يروح العمل والله حسينا بازمة لما راحت علينا سيارة واحدة فقط ...
-يقدر الإنسان يمشي نفسه الفترة الجاية بالسيارة اللي معه او يشتري سيارة بسعر بسيط يمشي فيها عمره إلى أن تنخفض الاسعر لن تبقى الأسعار مرتفعة إلى الابد
انا من البداية كنت اقول في ردودي (( اللي معاه سيارة ويبغى يبيعها ويشتري ثانية فالافضل انه مايسوي لانه الحين الشريطية يبخسون سيارتك والحجة ان الاسعار راح تنزل ولو جيت تشتري
يغلوا عليك بحجة ان الكلام كلها اشاعات .... اما اللي ما عنده سيارة ومحتاجها ضروري ف يتوكل
على الله ويشتري لكن من الموزعين اللي في الحراج وليس من الوكلاء لان الفرق بين الوكيل والموزع احيانا يكون في حدود 6000 الاف ريال ... ))
زرت قبل يومين تقريبا وكالة الجميح اللي على خريص كنت اسعر اليوكون والتاهو المهم سألت مندوب المبيعات عن الأسعار كان الفرق تقريبا بين اليوكون والتاهو في السعر (نفس الفئة) حوالي 18000 الف ريال سألت المندوب ايش المواصفات التي تتوفر في اليوكون و ما هي موجودة في التاهو تخلي بينهم الفرق هذا
قلي بالحرف الواحد: ما فيش فرق العلامة التجارية ل جي ام سي أقوى في المملكة من الشفر عشان كدا ال اليوكون أغلى بينما في دول الخليج مثلا الشفر كعلامة تجارية اقوى من ال جي ام سي عشان كذا التاهو في دول الخليج أغلى
اخي الكريم وش شعورك و انت تسمع مثل هذا الكلام ابغاك تعلمني بكل صراحة وش تحس فيه بالضبط
والله الغلطة مننا احنا ....
شخصيا انا معجب بالتاهو ولما اسئل اي واحد ايش الفرق بينها وبين اليوكون يقول
هذه شفر والثانية جي ام سي والجي ام سي احسن طيب ليش ؟؟ يقول والله الناس يمدحونها ...
يعني الشغلة زي الاسهم احنا بمدحنا لهذه النوعية من السيارة رفعوا علينا وللاسف مازالوا يشتروا
الجي ام سي طيب لو وقفنا شراء الجي ام واتجهنا للشفر هل تتوقع انهم يستمروا على هذه الاسعار ؟؟
اكيد لا ..
وفي الاخير هذه وجهة نظري واسعدني اسلوبك معي في النقاش ....
تحياتي ،،،
