مشكلة السياره لاتشتغل عند محاولة تشغيلها بعد مشوار ؟!

السيارات القديمه كانت فيها هذي المشكله لان السلف يسخن واذا برد تشتغل

توجد ورشه فى الاحساء على طريق محاسن من بعد مبنئ الااتصالات السعوديه طريق اسكان الحرس الوطني متخصصين بادوج والشروكي والكلزسلر اسمه ورشة معتوق العتيبي

هذه صورة لحساس الهواء

اخوي هذه دايم مشكلة الكويلات لانها اذا خربانة واحترت تسوي معك نفس المشكلة هذه


بس عندي سؤال هل احيانا تلقى عزم السيارة ممتاز واحيانا تلقى عزم السيارة طايح ؟







بالنسبة للمبات الاي بي اس ولمبات التراكشن ولمبات القير هذه التماس في الكهرباء والافضل توديها لفني متخصص لاجل يفحص المشكلة بالتتبع ويحلها ان شاء الله وتكون بسيطة





اما بالنسبة لساسكو فهو مركز فحص فعلشان كذا تلقى فحصهم صادق ان شاء الله وهم عندهم كمبيوتر واحد وفيه اكثر من سوفت وير وفيه غالبية السيارات ومرة ودينا انا وصاحبي سوبارو ليجاسي ورفضوها لانهم ما عندهم السوفت وير حقها بس الامريكي عندهم وانت روح وشوفها



بالنسبة لحساس الهواء هو يكون بين الصمام الخانق وبين الفلتر واحيانا يكون على منظم البخاخ العام

وتحت بانزل صورته

السلام عليكم ورحمة الله
اعرف واحد قبل فترة كبيرة بس مادرى موجود الان والا لا جرب وشوف يمكن تحصله من شكله سعودي بس معلم صح في الدمام جهة صناعية الخضرية

وانت متجه غرب من الشارع الى يروح للخضرية شارع الملك سعود كأنك رايح طريق الجبيل السريع عادى خليك في خط الخدمة بعد اخر اشارة تصير الصناعيه في يمينك صحيح روح شوى ويأخذك المنحنى حتى توازى طريق الجبيل وانت في خط الخدمة لاتروح خارج الخدمة ترى الخط يخرجك على السريع تحصل اول لفه في يمينك بعدها على نفس الشارع ماهو داخل على نفس الشارع اسأل عن واحد يكشف كمبيوتر السيارات بخاخات سعودي وهو تراه كان في امريكا حسب كلامه لى تحصله ماهو بعيد عن هذا المكان الورشه صغيرة طبعا ممتاز اقل شئ سيعطيك نصيحه ايش تسوى فيها هذا اذا كمان ماقال لك الخلل واذا ماحصلته اسأل وين نقل عشان المشوار مايروح على الفاضي

والله ولى التوفيق
:xyxwave: :xyxwave: :xyxwave:

والله ولى التوفيق

اخي فني سيارات .. حساس الهواء اذا كان عطلان راح تفتف السيارة على طول .. اليس كذلك ؟؟

انا سيارتي لها الان يومين تشتغل من احسن ما يكون كأنها من الوكالة .. !! لا تفتفه ولاشي .. وتشتغل من أول مرة .. يعني دقة سلف وهي شغالة ..

بس اليوم طلعت فيها مشوار .. وبهد خمس دقائق من القيادة .. نتعت مرة على سرعة 80كم وكأنها بتطفي .. ثواني وعادت صافية من احسن مايكون . والحمدلله واصلت فيها لين البيت ..

يعني احس انها تقطع الوقود .. يعني لمبات الطابلون الحمراء اللي تولع عند فتح السويتبش , تظهر لي وكأنها تطفي ثواني وبعدين تشتغل .. وتواصل ... هذا اللي صار اليوم ...

وقبل كذا .. لا .. المسألة طولت ..خرجت من السوبر ما ركت . . وحصلتها طافية ... ولا شتغلت الا بعد يوم .. لاني تركتها وجيتها الصباح .. ومن اول دقة اشتقلت ..

هل هي طرومبة البنزين .. تشكل ... أنا والله شاك فيها .. بس ابيها توقف .. وعلى طول راح اشيك على فلتر البنزين .. لاعرف هل الطرومبة تدفع بنزين ولا .. لا .‘‘

اخي فني ... اقرأ ردي فوق .. وعطني رايك بموضوع لبمات القير اللي في الطابلون .. إذا مرت عليك هالحالة ..
وشاكر لك اهتمامك ..

اسال مجرب ولا تسال طبيب :wavey:

مش شرط ممكن يكون تقطيع وكذلك قولك ان السيارة ماتشتغل بسهوله تشغلها اكثر من مره

ان لم يكن كذلك فهو حساس الهواء او المسؤول عن تنظيم الهواء و البنزين هو العطلان عندك و الله اعلم

هلا فيك اخي .. فزاع ...

وانا في الحقيقة توني مغير طرومبة البنزين من شهور .. ولكن مع الاسف انها تجارية .. امريكية على قول الهندي ... والاصلي في الوكالة بسعر خيالي ...

وانا اشك في الطرومبة .. بس البارح .. اشتغلت مع السيارة زي العسل .. بدون مشاكل .. وباجربها اليوم بس المغرب علشان حرارة الجو .. حتى اذا تعطلت علي في الطريق .. اقدر اتحمل :)

شاكر لك المداخلة ...

اخوي المشكله هذي كانت معاي في يوكن 99 من طرمبة البنزين مئة بالمئة

لان نفس المشاكل والاعراض اللي تقول عليها كانت تجيني كانك تتكلم عن سيارتي

والشاهد الله كل 10 شهور بالظبط لازم اغير طرمبة والا اتعطل عطل الله لايوريك ....

ولا تغير الا اصلي من الوكاله مهما كلفت القطعة لانك بهذا تشتري دماغك....

والله يسهل لك مافي الخير...

تحياتي

الاخ بهذلني الماركيز .. انا شيكت على الفيوزات ما فيها اي عيب ..

--------------------
اخي الكريم bilany2003 اللحين عرفت الكويلات ووجدتها جمب الماكينة تحت غطاء البلوف ..

ولكن شف وش اللي صار لي اليوم ...

دقيت سلف اليوم .. وعلى طول من اول دقة اشتغلت .. وخليتها تشتغل حوالي 45 دقيقه .. وكل شي طبيعي اعطيها ريس مافيها مشكلة .. طفيتها وشغلتها .. اشتغلت بدون مشاكل ..
قلت اطلع فيها اجربها .. وفعلا والله كل شي طبيعي مشيت فيها تقريبا نصف ساعة وكل شي طبيعي .. زودت سرعتي الى 120كم وكل شي طبيعي ما فيه تفتفه والا شي ..!!!

رجعت البيت طفيتها .. وبعد ربع ساعة شغلتها واشتغلت .. رحت فيها مشوار لمدة ساعة تقريبا وكل شي تمام ..لين تعبت ودخلتها البيت .. هذا اللي صار .!!!

وانا خايف انها بكرة تنكبني ... وتطفي ..

بالله .. وش تفسيرك .. والله حيرتني ... وفيه شغله ثانية .. مثبت السرعة يوم شغال .. يوم ما يشتغل .. ويوم يشتغل !!!ويوم ما يشتغل ..

وانا لما غيرت العكوس ولعت عندي لمبة (ABS) ولمبة ثانية ( TRAC OFF) ولهم اللحين 9شهور مولعين ..!!

كما لاحظت ان لمبات تغير القير اللي في الطابلون وهي : P R N D L1 L2 تولع كلها عندما تكون السيارة على P ، وفي السابق كانت ما تولع الا لبمة P اذا كانت السيارة في وضع P
واذا حركت القير على R يرجع الوضع طبيعي يعني ما تولع الا لمبة R . فهل هذا يشير الى خلل ما ؟؟

ارجو الافادة .. وشاكر لك اهتمامك ...

على فكرة .. محطة ساسكو هل يوجد لديهم كمبيوتر يفحص الكريسلر ..؟؟؟ لأني عجزت احصل ورشة عندها ذلك ؟؟؟؟

----------------------------------------------
الاخ فني سيارات .. لوكانت المشكلة في البواجي كان صار التقطيع مستمر ...
____________________________________
اخي zct26 تكفى وين حساس الهوا .. وين مكانه فيه .. ؟؟؟

وشاكر للجميع المشاركة والاهتمام ..

اخوي الحين لقيت اكثر من رد مختلف النصيحة روح اي محطة ساسكو وافحص كمبيوتر ويطلع لك العطل ان شاء الله

يا جماعة مشكلة الرجال حساس كمية الهواء أو علبة الفيوزات, اتوقع انو في مشكلة, لأنه مشكلته واجهتني سواء بالتقطيع وانها ما ترضا تشتغل بعد مشوار, كنت أحرك الفيوزات تشتغل أما التقطيع كنت احرك فيش حساس الهوا تضبط

اعتقد انك تحتاج تبديل بواجي وفلتر بنزين

الكويلات اللي تجي فوق البواجي على طول وتكون بنفس الشكل اللي اوريك اياه تحت

اخي الكريم اهلا اهلا ..
ياهلا فيك .. واهلا اهلا ..

حيقيقة ان الطرومبه تجاريه .. مش اصلية .. لان الاصلية قيمتها ربع قيمة السيارة !!!
يعني سيارتي قيمتها = ثلاث طرومبات بانزين + شكمان هههههههههههه

عموما راح اشيك على الفلتر .. فكرتك جدا ممتازه .. للتأكد من سلامة الطرومبه ..
وشاكر لك اهتمامك ...

=================

هلا ابو بدران .. وسيارتي هي تطفي من حالها .. اتركها شغاله واجيها طافية .. ولا تشتغل الا بعد مدة ..
اما البطارية والدينمو عال العال ..

=========================

bilany2003 هلا بك ..

وش تقصد بالكويلات .. هل هي وايرات البواجي .. ترى معلوماتي على قدي ..

ياليت توضح حتى افهم مرادك ..

وكيف اتأكد من سلامة الكويلات دون الرجوع للوكالة .. لان فرعهم اللي عندنا والله ما عندهم سالفة .. مرة جيتهم اسأل عن سبب الرجة عندي وكأن السيارة تعرج خاصة اذا ركب احد معي .. وهي ناحية الجهة اليمنى من الامام .. وتزول عند السرعة ..
فقالو لي لا زم تشيك كامل .. وافقت بـ 350 ريال ..
عملو التشييك .. وطلعوا كشف بالأعطال من جمبينات وكراسي ومقصات وجلد بدي وووو وفاتوة بـ 13000 الف ريال .. شاملة القطع وعمل اليد .. والله هذا اللي صار ..
قلت لهم .. انا ابي بس مشكلة الرجة .. قال هذا المقص وعمود توازن .. او جاجة زي كذا . .
عموما اخذت سيارتي وطلعت .. ورحت عند ورشة ثانية .. وأول ما طلع فيها المكيانيكي قال هذا العكس الايمن خربان .. قلت له انت متأكد ؟؟ قال : اذا ما صلحت حنا نتحمل سعره . . قلت اجل بجيب الأيمن والأيسر .. وفعلا تم تبديل العكوس وراحت المشكلة .. بتكلفة 1750 ريال تقريبا ..
والوكالة 13000 ريال ولا هو داري عن العكوس!!!!

علشان كذا .. انا سألت عن أي ورشة في الأحساء او الدمام او الخبر جيدة و تعمل فحص بالكمبيوتر للكرايسلر .. وياليت اللي يعرف يدلني ...

وشاكر لكم مروركم العاطر

اخوي مشكلتك مشكلة كهرب وخذ العلم مني
صارت معي بماركيز والله ماخليت مكانيكي بالرياض ماجريته مع شوشته غصب طيب يشيكها لي ويشغلها بالمبلغ اللي يبي ولاهي راضيه تشتغل اخر شئ عبث بالسيارة بالماركيز تجي علبة شبيها بعلبة الفيوزات بجنب علبة زيت الفرامل بس بالكراسلير مدري وينها بالضبط واحد من الشباب هنا واجه نفس المشكلة بماركيز بعد لعل هي السبب
شف الرابط ذا بتلقى ردي وردي شخص مثل المشكلة اللي صارت لي
http://www.assayyarat.com/forums/showthread.php?t=78000&page=27

وااااااااااااااااااااااااااااااااااااااااااالله يعينك على الكرايسلر كانت عندنا دوج 94 مكينه كرايسلر قسم بالله لو شارين مرسدس يمكن ارحم منها بقطع الغيار والوكاله ناااااااااااااااااااااار اسعارهم الله يعينك الله يعينك

اخوي مشكلتك واضحة

المسائلة في الكويلات اذا احترت وسخنت ما تشتغل واليوم الثاني تشتغل معك

الطرمبة اذا خربت فهي خربت خلاص اما بطارية ما راح تخلي السيارة تطفى


انت اللي يصير معك هو انك تدق السلف ويظل يدق وما تشتغل السيارة وكان السيارة مافيها بنزين واليوم الثاني تشتغل طبيعي واذا مشيت تلقى نفس الشي فهي مشكلة كويلات

جيب طقم كويلات كامل او افحص كمبيوتر عند الوكالة خلهم يقولون لك اي كويلات خربانة لان واضح عندك اكثر من كويل خربان بس المسائلة في الكويلات وبما ان السيارة قديمة فغير كويلاتك كلها احسن