مـضاعـفـة الـمخـالـفـات . . . . وقــصـتي الحـزينة مـع الــمرور !!

الريآن @user_163971 · 07-06-2009

سلام عليكم ...

كيف حالكم ياشباب ؟!

ياجماعة الخير أنا قصتي قصة مع هالمرور ..

كلنا نعرف قانون مضاعفة المخالفات الجديد المطبق للأول مرة في العالم .. عندنا في السعودية

قبل مدة طويلة أخدت مخالفة ( [COLOR=red]عدم تركيب لوحة امامية ) و ( تضليل )[/COLOR]

أمنا بالله وقلنا ماعليش هذا القانون ولازم نلتزم ..

أول أمس ..اتصلت على : 012928888

عشان استفسار على مخالفاتي .. و اروح ادفعهم ..

الا تطلع عندي مخالفة ثالثة وهي عدم تجديد الرخصة ؟!

وأنا رخصتي مامضى سنة من طلعتها وتنتهي بعد اربع سنوات ..

والمصيبىة الأكبر المجموع كله 2000 ريال ..

رحت المركز عشان أشوف من وين جاية هالمخالفة ..

العسكري : أدفع أول بعدين تعال وقدم شكوى ..

أنا : كيف ادفع لمخالفة أنا ماسويتها .. وثاني شي من وين لي أدفع .. أنا طالب مانيب موظف ..

العسكري : ادفع ولا تكثر .. ترى تتضاعف عليك ..

وربي طلعت من المركز وأنا دنيا مسكرة في وجهي ..

يعني ياجماعة في ثلاث شهور كم بتصير ؟!

معقولة هذه دولتنا ؟! .. والله أحس الحكومة تتعامل معاناً كنا مستوطنين ..

الأمير نايف يدري عن هالمهزلة ويسكت ؟!

طيب وينهم عن كلام الرسول صلى الله عليه وسلم باعطاء المديون فرصة ؟!

من متى الرباً صار .. حلال ؟!

كيف يعني تضاعف .. أنا طالب ودخلي 900 ريال في الشهر ..

كيف اجيب 2000 في شهر ؟!

على اقل يبيلي اكتم على نفسي شهرين ماصرف ريال واحد ..

وبعد شهرين المخالفة بتصير 4000 ريال ..

والله بجيني حالة نفسية من هالموضوع ...

والله ما اسامحهم ... أنا خصيمهم يوم القيامة ...

حآيلي1 @user_245141 · 18-11-2010

الله يعز الحكومه ^_^

تروووكـ @user_108771 · 08-07-2009

الله وانا بعد على 1050 ريال وكلها سرعه وحده انا ماشي 140 على طريق المطار
والثانيه اللي غابنتني والله لايوفق العسكري اللي سجلها كنت ماشي بطريق سفر
120 وحاطين الرادار على نزله وصادوني على 130 وكتبها 130
العن ام النذاله
والمشكله من وين لي دراهم عشان اسدد اللحين لها سنه وتوي متخرج ثنوي
من وين اجيب 1050 اروح اسبلهاااااااا !!!!!!!

أبورمساس @user_166574 · 08-07-2009

ا

الريآن

يعطيكم العافية شباب

ربي يرحم والديكم .. بيض الله وجيهكم ..

طيب من يجيب لنا الخبر اليقين الأن

المخالفة كم مرة تضاعف ؟!

ناس تقول مرة وناس تقول شهرياً

السلام عليكم

مرحبا أخوي الريان

خذ العلم الأكيد مني وأنا أبوريماس

المخالفة المرورية إذا لم يتم سدادها خلال ثلاثين يوم من تحريرها ترتفع من الحد الأدني إلى الحد الأعلى لمرة واحده فقط لا غير

وبالنسبة للأخوة اللي يتذمرون من نظام المرور يحمدون ربهم حنا أشوى من غيرنا
مخالفة قطع الأشارة بدولة قطر 6000ريال قطري

واللي يستهتر بالنظام يستاهل مخالفة

hamad AL-Duhaim @user_56218 · 07-07-2009

مشكلتي كانت مخالفة تضليل
اخذت المخالفة بس اللي قاهرني ان سيارة المرور مضللة كامل حتى الخلف.
وكنت دايم اشيك على الوقع الالكتروني متى تنزل المخالفة واذ بعد عشرة ايام تقريبا (يمكن خلص الدفتر)اشوف المبلغ 300 ريال .

سؤالي كيف اعرف ان وضع التضليل للسيارة موافق لمواصفات المرور؟؟؟؟

مأقول الا لا حول ولا قوة الا بالله

تاجر محترف @user_70605 · 04-07-2009

لاتسدد خلوها تصدي:tongue:

صقر السعودية @user_96219 · 23-06-2009

الله يكون بعوني وعونك

انا مثلك على مخالفات قيمتها الان 1500

وبكرة راح الاقيها 2000.... ليش .. لان مافيه رقيب عليهم

المشكلة انو يعتبر ربا صريح

يعني يقدر يحطون عقوبات غير المضاعفة

مثل منع تجديد بطاقات وغيره ...

والمصيبة ان نظام ساهر الجديد جاي

يعني دخل المرور راح يصير عشرة اضعاف الدخل الحالي

ولا راح نستفيد شي من هذا النظام

راعي الزد @user_214 · 23-06-2009

حسبي الله ونعم الوكيل
مرور فاشل نظام فاشل كل شي فاشل عندنا
اذكرو لي قطاع حكومي ناجح او خاص ناجح
كل شي فاشل عندنا
لا وارفع راسك انت .........

coolme @user_66539 · 22-06-2009

ياشباب دخلووو ع موقع ادارة المرور وكلكم اعترضو ع هالنظام الغبي اللي مطبق

واعترضو ع التضليل لعل وعسى يفتحوو لنااا مجال

azera 5886 @user_166031 · 21-06-2009

والله صادق الله يعينك
حسبي الله عليهم

أبو خميس @user_49190 · 21-06-2009

مــع الأســف نظاام فاااشــــل

انا مثلا أخذت قسيمة قبل فتره تظليل طبعا

وانا طالب وأشتغل بعد العصــر إلى 10 م

ولا فيه وقت أبدا أني أرووح المروور أبدا عشان أنزل هالمخالفه على الحاسب

*-----*

المفروض إذا بغوا يطبقون النظام صح ومثل الناس بالخارج
المخالفه تنزل بيومها او بكم يووم على الحاسب
مو بعد 6 شهور ولا سنه ثم يقولون ليه ماسددت
الناس ماهي فاضيه وانتم ماعندك بالرياض على كبرها ألاقسم ولا قسمين يدخل المخالفه على الحاسب

azera 5886 @user_166031 · 20-06-2009

اسف ماودي
اعتذر لكل من قرء مشاركتي
وبس والله شي يفقع الكبد
ترى نايف يدري وهو اللي حاطها

مجنون المارودر @user_159909 · 20-06-2009

انا زيك ياخوي واصلة 900

مااقول الا حسبي الله ونعم الوكيل

مجنون المارودر @user_159909 · 20-06-2009

انا زيك ياخوي واصلة 900

مااقول الا حسبي الله ونعم الوكيل

الريآن @user_163971 صاحب الموضوع · 19-06-2009

يعطيكم العافية شباب

ربي يرحم والديكم .. بيض الله وجيهكم ..

طيب من يجيب لنا الخبر اليقين الأن

المخالفة كم مرة تضاعف ؟!

ناس تقول مرة وناس تقول شهرياً

The_Game @user_133527 · 18-06-2009

الله يكون في عونك

غريب دلوني @user_147672 · 18-06-2009

الله يعينك اخووووي

وبالنسبه للحد الاعلى

انا اخذت قسيمه سرعه كنت امشي 137 (على كلام العسكري)

المهم استفترت عنها طلعت 500

قلت ماعلينا

تركتها شهر طلعت 900

بصراحه مدري وشلون جت

اقول في نفسي هذا وانا امشي 137

لو امشي 200 كم يعطوني؟؟؟؟؟؟

شاطيء الاحزان @user_68446 · 15-06-2009

يارجال مااقول الى حسبي الله ونعم الوكيل عليهم وربي وربي انه شيء قهر والله ادعي عليهم من كلل قلبي على المهزله اللي صايره اجل يجيك العسكري ويتكلم من طرف خشمه شايف نسف كأنه هو الملك اللي مالك العالم كله ويتكلم من طرف خشمه ويشوفك انت يا المواطن او المقيم كأنك خدام عند ابو اللي جابته واخر شيء تلقاه اذا سلم من الدوام تلقاه سيارته كامري ومنزل ومظلل وتلقاه يقطع الاشارات بعد مااقول الى حسبي الله ونعم الوكيل

بس اخوي اقولك ان النظام يتدبل عليك المخالف مش حلال حرام حرموه المشايخه

وتقبلو مروري

<<<<<<<<<<<<<<<<<متفاعل شوي

ليجاسي98 @user_132333 · 13-06-2009

شباب انا نفس الشي مخالفاتي المفروض تصر 2500 صارت 3000 ريال ىهملتها شهرين رحت امس بسددها حث 3000 شفتها 4450 وش الظلم هذا وش العيشه هذه
انا طالب وماتهنيت بلمكافا كلها عشان مخالفات بالله منين اجيب4450 ريال واتوقع قابله للزياده
قايل بصلح مكيف السياره في هلحر شكلي بدون مكيف وماراح استانس بلمكافا
انا اشكو الى الله انه يعاقب كل ظالم وباخذ حقي من عند الظالم يوم القيامه

عاشق دايو @user_54073 · 09-06-2009

يا أخي لا تكلم عسكري روح عند ضباط في مرور وتكلم معاهم يمكن تحصل منهم الرد الشافي للمشكلة