البدء في تطبيق مراقبة المخالفين بالكاميرا في الشرقية

ماشاءالله

ليتك اخذت كل الاحتمالات وان لا تعمم كل من يحصل على مخالف بأنه مستهتر وعابث بنظام البلد


شايب ماسك خط وسهى وتعدى الـ 120 << مستهتر وعابث بنظام البلد

واحد ماشي مثبت السرعه على 118 وجت قدامه سياره وحب يتعداها ونقول وصلت سرعته 123 << مستهتر وعابث بنظام البلد

واحد جا بيتفادى حادث وزاد سرعته شوي خلنا نقول لثواني معدوده << مستهتر وعابث بنظام البلد

واحد ماسك المسار الايسر وماشي 120 وجا وراه واحد متهور ومسرع وملحم فيه ومقلقه بالتكبيس وهو ما يقدر يفتح له الخط لأن في سياره على يمينه ولازم يتجاوزها وزاد من سرعته شوي عشان يتجاوز بسرعه ويفتح الخلط للقلق اللي وراه << مستهتر وعابث بنظام البلد

واحد عنده حاله طارئه وبيلحق على المستشفى << مستهتر وعابث بنظام البلد

واحد مسافر خط مسافة 800 كيلو مثلاً ومثبت السرعه على 140 << مستهتر وعابث بنظام البلد


انا اخذت مخالفه على خط سفر ووالله من اول ما مشيت وانا مثبت السرعه على 120 بالضبط ومبعد رجلي عن الدعسه << مستهتر وعابث بنظام البلد


خلنا واقعيين شوي الله يرحم والديك حنا عارفين مزاج العساكر اللي عندنا, لا نعلب على بعض

مثال على امن الطرق, الاولى منهم قبل ما يلتفتون للسيارات الصغيره يأدبون الشاحنات اللي تلف عليك وماتشوفك شي عاد انت صرف عمرك اطلع كتف اضرب بريك بكيفك وهالامور تصير قدام امن الطرق ولا يحرك ساكن بس خله يشوفك مظلل اقسم بالله يكرهك بحياتك << الحين اي المخالفتين تهدد سلامة الناس

اذكر مره قدام تفتيش امن الطرق تريله لف علي وحدني وعلقت على البوري عشان الفت انتباه العسكري ويوقفه وشفت العسكري انتبه له بس مرت التريله بأمان << وفق الله القائمين والساهرين على راحة المواطنين :confused1:

تعال وامسك خط بقيق لين توصل البطحاء وتمتع بهسترة التريلات اللي ماشي 120 واللي ماشي 140 والواحد فيهم ما يتعطل ولا له خلق يضرب بريك تشوفه على طول يلف بوجهك وبحركه سريعه تقول فراري مو تريله وانت اضرب بريك او صرف نفسك وطبعاً الخط مسارين

وليتك تحللها في راسك وتشوف ايهم اكثر تهديداً للسلامه استهتار التريلات ام سرعة السيارات الصغيره لكن هل شفت احد حرك ساكناً او ضرب بيد من حديد تجاه تجاوزات سائقي الشاحنات شفتهم منعو تجاوز الشاحنات بالخطوط السريعه

عندنا مسارين ومسموح لهم التجاوز وفي دبي 10 مسارات وممنوع التجاوز ,, تعريف التخلف لدي نظام المرور عندنا هو تقديم الصغائر على الكبائر شايلين هم تظليل وتاركين امور تهدد السلامه والتريلات السائبه تقول داخل حوش حمير وانتم بكرامه مو ماسك خط

وشغله مهمه تنعكس اما ايجابيات او سلبياً على اسلوب القياده لدى اصحاب السيارات وهي الطرق اما نظيفه او رديئه

في الخارج قبل التحويلات حاطين مليون اشارات تنبيه وتخش بالتحويله وانت ما تدري تحويلاتهم انظف من شوارعنا اما هنا واللي يعرف حالة طريق بقيق حالياً التحويلات تقول متاهات اختر المدخل الصحيح ولا ترحم على نفسك وتلقاهم قبل التحويله حاطين لوحه وحده ومعلقين على العلم الاحمر ومكتوب باللوحه ( تحويله الى اليمين ) والتحويله الى اليسار :confused1: ( لا تلوم العالم اذا قامو يتحادون قبل التحويله )


وبالاخير الاستهتار والعبث في البلاد يجب بالبدايه ازالته من الكبير قبل الصغير

الواحد لا شاف اهتمام ينعكس هالشي على افعاله اما اذا شاف قرارات ارتجاليه تضره والاهتمام صفر لاحد يلومه