جهاز يمنع القطط عن الاقتراب من سيارتك

hayoulek @user_159061 · 23-07-2009

قبل عدة سنوات وعند تصفحي لبعض المواقع وجدت جهاز للبيع يمكن شراءه عن طريق الانترنت
وهو عبارة عن جهاز يتم تركيبه في سيارتك ويمنع اقتراب القطط منها
واللي اكيد متضرر منها العديد خاصة بعد ما تكون مغسل السيارة وملمعها احسن تلميع
الآن ابحث عنه بالعربي وبالانجليزي في محركات البحث لكن دون جدوى
على الاخوان ان كان احد يعرف فين القاه ما يبخل علينا بالموقع سواء في المملكة او خارجها
وراح ادعيله من قلبي

ابو فراس

M O A Y A D @user_15565 · 09-08-2009

.
.
.
اليوم كنت اتحدث مع عدد من الزملاء عن هذا الجهاز

فـ اجابني احدهم انه بعد فترة يصبح لافائدة منه ,,,

حيث ان شركة الكهرباء في جدة تستخدم نفس الجهاز هذا لحماية خطوط النقل الهوائية من الطيور والغربان والحيوانات عموما ,,, لكن بعد فترة من التجربة اكتشفوا انه ليس له تأثير فـ الطيور تعوّدت عليه

وعلى قوله واحد ,,, الغراب صار ينطرب من صوت الجهاز ويجي جري :bigggrin:

طاوي الخطوط @user_44551 · 09-08-2009

اين بياع الجهاز بالسعودية

طاوي الخطوط @user_44551 · 09-08-2009

بارك الله فيكم

والله القطط قلق دايم على السيارة

! LTZ V8 ! @user_167943 · 09-08-2009

ياخوووي الله جاابك .. , ’

بالله يالغالي جرب الجهآز إن نفع خبرنااا يالغالي .. , ’

انا البساس أتعبتني والله اتعبتني بشكل مو طبيعي .

عندي الصني والكآبرس أوقفهم ورى بعض .. ألقى الكآبرس دايم فوق السقف قطوو وعلى الشنطـة قطوو ثاني .. والحين والله لي اسبووع متعبني قطوو كل يوم القااه فوق السياره .. آخر شيء والله ياشباب وخرت سيارتي حطيتها ورى البيت انزل قسم اني انفجعت لقيته متكي فوق سقف السياره .. يآخي هو متقصد سيارتي ولا كيف ..؟

واللي يرحم والديك وعسآك بالجنه ان شاء الله خبرنا يالغالي كيف .. خلني اتوطى ببطنه هالقطوو ابن الذين .. :bigggrin:

ونسيت اقوولك معآنآني معهم انهم قشطو بالبويه ولد أخيو الصغير يشوفني أهشـهم بشويش [ بسبب إني ما ابيعهم ينخرشوون ويجرون بسرعه فيحكوا البويه ] .. فولد أخوي يشوفني أهشهم من بعيد يجي طااااير ويهشــهم برجله هههههه فيشردووون ويعدموا كل الشغل وينآظر فيني ويقول شآيف يآعمو ما اخاف من البسه .. قسم شكلي بأدور جهآز كمان لولد أخوي هههههههه

آسف ع ـالتطويل ههههههههه

<< براااااااا

اخوووووكم / أبوعآبد:bigggrin:

حبيب @user_128378 · 08-08-2009

أما مشكلتي
دائما كل ماأطلع أحصل نفس القطوه نايمه على سيارتي
جننتني المشكله دائما نفسها كل ماأطردها ترجع وتنام صار لي على هذي الحاله أسبوع وشوي والمشكله الكبيره إنه القطوه حجمها كبير ووسخه مررررررررررررررررره يعني طبعت يدها كبر الزجاج الأمامي
وأنا أقولها وراكي وراكي والزمن طويل
وعسى الجهاز ينفع علشان نشتريـــــه

S K Y @user_27367 · 08-08-2009

h

hayoulek

اخيرا تقدمت بطلب الجهاز من الولايات المتحدة وبصراحة سعره 66دولار امريكي مع شاحن بالكرباء
والان الجهاز في الطريق واول ما يوصل ان شاء الله راح اجربه اذا ما لقيت آثار بساس او قطط على السيارة لمدة يوم او يومين راح استمر في التجربة لمدة اسبوع متواصل للتاكيد واعطيكم الخبر اليقين عن فعاليته
واذا من اول او ثاني يوم لقيت الحال كما هو "الله لا يقدر"
الله يعوض على فلوسي وراح انصحكم بانكم ما تشتروه
انتظروا الرد ......

ممتاز

الله يعطيك العافية وعساك ع القوة

hayoulek @user_159061 صاحب الموضوع · 07-08-2009

اخيرا تقدمت بطلب الجهاز من الولايات المتحدة وبصراحة سعره 66دولار امريكي مع شاحن بالكرباء
والان الجهاز في الطريق واول ما يوصل ان شاء الله راح اجربه اذا ما لقيت آثار بساس او قطط على السيارة لمدة يوم او يومين راح استمر في التجربة لمدة اسبوع متواصل للتاكيد واعطيكم الخبر اليقين عن فعاليته
واذا من اول او ثاني يوم لقيت الحال كما هو "الله لا يقدر"
الله يعوض على فلوسي وراح انصحكم بانكم ما تشتروه
انتظروا الرد ......

Ahmad Al-Sabban @user_134747 · 07-08-2009

حتى الحمام ناوين عليه مع القطاوي :bigggrin:

الله يسامحكم بس كفاية ان الضبان حتتعرض للانقراض

**

على كل الحل بسيط وسلمي , لكن انتم الله هداكم تدورون على الحلول العدوانية

الحل يا طيب انك تشتري ورق ابيض مقوى وتكتب عليه :
اعزائي القطط , الرجاء الابتعاد عن سيارتي وترى السيارة اللي قدامها احلى

***

وبهذه الطريقة القطاوي يبعدون عنك

لان الل تجي له باحترام بيجيك باحترام

****

وسلامتكم يالربع:smilie16:

karam10 @user_173928 · 07-08-2009

وينهه ؟؟
ط

karam10 @user_173928 · 07-08-2009

ممتاز بس وينه

S K Y @user_27367 · 07-08-2009

الحقيقة انا اول مره يمر علي شي اسمه جهاز يبعد عنه القطاوة

اتمنى من جرب الجهاز وحس بإفادة خاصة اللي بالحي اللي هو فيه عصابة قطاوة

كل الشكر لـ امبالا ولصاحب الموضوع

م

مؤيد الهاشمي

.
.
.
وعليكم السلام ورحمة الله وبركاته

بخصوص الاختراع هذا ماسمعت عنه قبل كذا

لكن سمعت طريقة تبعد القطط وهي رائحة الحمضيات ,,, حط بجوار الموقف الخاص بك قشر البرتقال أو الليمون ,,, وان شاء الله تنفع معاك الطريقة

ماشاءالله متعود على رد السلام :bigggrin:

بس اللي شد انتباهي ان الرجال ولا احد سلم عشان ترد :bigggrin::smilie16:

:tongue::tongue:

bilany2003 @user_19836 · 05-08-2009

انا مرة غسلت سيارتي

جيت الصبح القى خدوش على الكبوت

اللي صار انها خافت من شي وطلعت مخالبها تبي تنحاش وفحطت شوي في المكان اللي هو فوق الكبوت

ورسمت خريطة الحي اللي انا ساكن فيه على الكبوت

رحت التلميع قالوا انه يختفي بالتلميع وخففته بالتلميع الحمدلله

بس من ذاك اليوم ما عاد غسلت سيارتي

مهند2000 @user_125503 · 04-08-2009

شباب قريت أن رائحة النشادر تبعد القطاوة ،

طيب القطاوة ترقى فوق السيارة أنا عندي ما فيه مشكلة ،

المشكلة الحمام اللي يجي فوق السيارة ، هذا وش السوات معه ؟ :a1120(82):
كل يوم لازم أغسل السياره بسبب ذا الحمام :mad1:

بالله ما فيه علاج ، ولا الجهاز الموجود في ساكو يفي بالغرض ..؟

omarrr @user_172993 · 04-08-2009

صحيح موجود في ساكوووو ومفعوله ميه ميه

أكاديا 2009 @user_171120 · 30-07-2009

h

hayoulek

وبالمناسبة قطعت ليمونتين شعري من الحجم الكبير وحطيت وحده تحت الصدام الامامي والثانية تحت الصدام الخلفي
لقيت بسه فوق السيارة ونمل تحتها

هههههه، فشلت التجربة:bigggrin:،

فكرة الجهاز رائعة، راح أسأل عنه في ساكو...

Revo @user_19626 · 30-07-2009

h

hayoulek

وبالمناسبة قطعت ليمونتين شعري من الحجم الكبير وحطيت وحده تحت الصدام الامامي والثانية تحت الصدام الخلفي
لقيت بسه فوق السيارة ونمل تحتها

هههههههههههههههههه
تجربة ولا أروع :)
خخخخخخخخخخخخ

hayoulek @user_159061 صاحب الموضوع · 29-07-2009

وبالمناسبة قطعت ليمونتين شعري من الحجم الكبير وحطيت وحده تحت الصدام الامامي والثانية تحت الصدام الخلفي
لقيت بسه فوق السيارة ونمل تحتها

hayoulek @user_159061 صاحب الموضوع · 29-07-2009

شكر خاص جدا للسيد (( امبالا اس اس)) وجزاك الله خير راح ادخل الموقع واشتريه باذن الله ودعواتي لك من قلبي واكيد من كل من يعاني من هذه المشكلة
وشكرا ((مربوش)) راح اسأل عنه في ساكو
وشكرا لكل من تجواب معي بخصوص هذا الموضوع

مركبة فضائية @user_137865 · 28-07-2009

*

*SS_IMPALA_SS*

يوجد جهاز يؤدي الغرض المطلوب وفكرته تقوم على إطلاق موجات صوتية بترددات عالية لا تسمعها الأذن البشرية لكنها تؤثر بشكل كبير على الحيوانات وبخاصة القطط والكلاب

طريقة عمله هي عند دخول أي كائن لمنطقة تغطية الجهاز يتم إكتشافه بواسطة حساس الحركة المدمج ويبدأ الجهاز بإطلاق الموجات التي تسبب إزعاج شديد للحيوانات وتؤدي إلى هروبها.

المزايا:
* يعمل على البطارية 9 فولت أو الكهرباء (بواسطة محول كهربائي)
* يغطي ما مساحته 20 متر مربع
* ليست له أضرار على البيئة المحيطة

هذا رابط الجهاز
http://www.contech-inc.com/products/catstop/

وموجود على أمازون بسعر أرخص
http://www.amazon.com/Contech-CatStop-Ultrasonic-Outdoor-Deterrent/dp/B0001A9TE2

ملاحظة: لم أقم بتجربة الجهاز وجميع ما ورد من معلومات في الرد مأخوذ من موقع الجهاز

تحياتي

مشكوووووووور تم تقييمك