قالهااا عبدالله شغل شريطيه
والله ما عمري شفت شريطي عنده ذمه
ولا احد يقولي الا فيه, اشري سياره من وكاله
او صاله او من شخص ولا اشري من شريطي
حتى لو انها جديده, ودايم تلاقيهم عصابات مكونه
من افراد وتلاقيه وسط المعارض يتمشى وكم مسيوم
يالطيب وكم حدك وبس يتعدى من عندك يرفع الجوال
ويدق تلفون على افراد العصابه ويقول هناك موتر مواصفاته
كذا وكذا ولا يسومه اكثر من كذا,, واذا جاك واحد من الزباين
الي يدور له على موتر وبيدفع الي تطلبه ينقز الشريطي ويزود
وياخذه لأنه يدري انه بيطلع ربحه منه واذا جيت تشري موتر
من عند شريطي يوصل سومته فوووق وهو كاذب ماحد سامه
بهالسعر لكن شغل شريطيه, وياريته ياخذ ربح معقول لكن يبي يطلع
من الموتر ربح اقل شئ 10 الاف ومستعد انه يحلف ويطلق عشان يقنعك
ان الموتر يسوى له مبلغ معين
اللهم عليك بالشريطيه فإنهم لا يعجزونك
