فوردي للبيع موديل 97 اللون عشبي تجي شكمانين وبصراحه
ما ادري وش فئتها لحد الان :bigggrin:
ماشي 256 الف كم
وكاله وليس امريكي وانا ثاني شخص يقتنيها
ولها معي قرابة 8 سنوات
السياره ولله الحمد نظيفه ميكانيكياً والبدي ما جاه صدمات قويه خاصة الي تجي
في الوجه وتعدم السياره ..... ولله الحمد والمنه
جايها رش في بعض اجزاءها لكن رش عند ورشه محترمه ومشهوره
يوم دخلتها حسبت اني داخل معرض سيارات ما شاء الله عليهم تبارك الله
والسبب في توديتها لهم رغم فرق السعر هو حرصي الدائم على الاشياء
الي اقتنيها .... فالله الحمد احافظ قدر ما استطيع على ما املكه ...
السياره ما طلعت من الرياض الا للدمام فقط يمكن 5 مرات فقط والبحرين مره واحده بس
ترى مع ام العيال :smilie16:
الاشياء الي بحاجه للتصليح :
1- مسجل السياره شغال بس صوته ضعيييييف جداً وكذلك االـ FM اما الـ AM صوته عال العال !!!!!
حطيت موضوع في ورشة المنتدى عن هالمشكله بس ما احد جاوبني .
عموماً المشكله ميهب صعبه وتنحل ان شاء الله
2- المكيف ممتاز جداً بس ما فيه حار لاني غيرت الثلاجه وفصلوا الحار حقين الورشه
لسبب ميكانيكي ولا خبروني ان الحار يبي يتأثر وكذلك درجة البرودة ما تتحكم فيها فالبروده
وحده وهي الاقصى . اما المروحه فتقدر تتحكم فيها ما فيه مشكله .
3- الاسطب الخلفي الي على اليسار واحد كسره يوم كنت في الدمام حسبي الله عليه ونعم الوكيل
المشكله ما يحط ورقه ويتأسف ويقول مستعد اصلحها لك ولا شئ !!!! ناس ما تخاف ربها
والله راح اسامحه ولا راح ادق عليه ... بس ما دام كذا اصدم وانحش لا والله بتحيسب عليه
لان الواحد يقعد يحافظ على الشئ سنين وفجأة يجيك واحد ويخرب كل شئ !!!
4- الحراره ممتازه بس اظن ان البلف يحتاج تغيير او شئ لان الحراره ترتفع في النهار
وهذا جاء فجأه بعد ما نظفت الاديتر وضبطت السياره ومويه حمراء الغاليه من جي ام بـ 70 ريال ... قلت لا والله مانيب فاك البلف .. تروح علي المويه الحمراء والمويه المقطره خساره ... خله بعدين
5- سقف السياره محتاج لتغيير الماش الخفيف الي يجي عليه لانه من عند الزجاج الامامي
والخلفي بادي يطلع .. بس هذي بسيطه انا اصلحها عند التمران بـ 100 ريال فقط
حبيت اقول هالمعلومه للامانه فقط
بس هذا الي عندي ما ادري استوفيت المعلومات ولا لا ؟
اخليكم مع الصور ما خذها اليوم الصبح... وقولوا ما شاء الله << وين بانوراما :smilie16:
لا والله السياره نظيفه ما شاء الله تبارك الله ... والي يعرف للسيارت المستعمله راح يعرف
معنى كلامي ....
الخلفيه ترى ما فيها شئ بس ما قدرت اجيب الزاويه ابداً
الصوره هنا مغبشه شوي والسبب اني كنت في وجه الشمس
هاذي الشنطه وفيها ورق الشجر ... السياره دائماً في الظل :bigggrin:
التلبيسه من عند السماعيل وتمشي 3 سنين او اكثر بالراحه ان شاء الله
وعلى فكره قماشها الاصلي سليم ما عدا كرسي السائق فيه تشقق بسيط
من عند حزام الامان فقط
المكينه تاخذ 4 علب زيت وليس 6 علب زي الموديل الي بعده وانت طالع
واحب اضيف اني ما عرضتها لان فيها شئ لا والله العظيم بس حبيت اغير
وما راح ابيع الا اذا جابت السعر الي ابيه .. ولا خليتها عندي فهي محبوبتي
الاولى :smilie16:
تحياتي :xyxwave:
