قريبا .. رح اطلع كابرس 2009 LTZ مستعمل .. ابي استشاراتكم :) ..

موضوع قديم من تاريخ 02-08-2009, 03:15 المفروض يقفل السيارة انبعات من زمان

96 سعر منطقي واذا نظيفه فهو لقطططه بتوفر على نفسه حوالي 25 الف عن الجديد

اقول توكل على الله واشترها بعض الاخوان يقول الكابرس فية وفية الكبرس خرابات الكابرس مدري ايش السيارات انت وحظك انا دوب شاري كابرس 2005 اس اس والله مرتاح على الاخر رساوة على الخط قوة جمال .....الخ من المواصفات والميزات
اشتر وانت مرتاح ومبروك مقدما

توكل على الله

سعرها مررره كويس

اهم شي توديها عن الفحص بالكمبيوتر

عشان اي شي مني مناك الا يطلعها لك

مبرووك مقدما

يالناس فيه كلام يعقل وكلام ما يعقل أنا كان معي كابرس 2006 والله ما غيرت فيه غير الزيت ولد عمي معه 2004 والله ما غير فيه إلا الزيت وغطى الدرج لأن واحد كسرة
واحد من الشباب معه 2003 والله زي الحلاوى خرب عليه مره أكل مطب وهو مسرع أنطق عليه اللديتر وغيرة وهذا من سوء الاستخدام

أنت ألحين رح لقسم الورشة بالمنتدى أغلب المواضيع خرابات فورد
وأنا أتكلم من خلال تجربتي جربت الكابرس وإبداع ومعي الآن فورد والحمدلله برضه تمام
ولازم يكون في بالك إن السيارات كل السيارات تخرب اسمع كثير يتكلمون عن فرامل الكابرس والهوبات ونسيوا الإيبكا والفورد والجمس بس إذا تبغى سيارة ما تخرب ما معك غير الكراسيدا ملعونه والدين مستحيل تخرب


تحياتي

اذا كنت بتفيد المسلمين.... اطلبك تنزل قصتك بالمتتدىالسيارات الامريكية هنا
عشان غيرك يفكر الف مرة ... قبل لايشتري شي اسمه كابرس او لومينا
والله يعوض عليك فلوسك

والله ياخوان سواقة الكابريس شئ خيالي حلوووه حيل

ولكن لو صانعة مثل صناعة الكابرسات القديمة من 95

والله لاشتريه لووووووو بــ 100000

ولكن صناعته من عام 2000

دمار×دمار

وجع أيش البلا هذا!!!


معلش أخوي على كلامي إللي فوق بس حسيت بهم وغم لما قريت سالفتك مع سيارتك ،

أن شاء الله عوضك بسيارة أحسن منها وما تشوف شر.

كرهت الرجاااال بالسياااره :bigggrin:

أخواني

السلام عليكم


أنا راح اتكلم عن تجربة شخصية لي أنا


في سنة 2007 قدر الله سبحانه وتعالى


وأشتريت كابرس ال اس بــ 84000 ريال من معرض الجود


المهم طلعته من المعرض بعد العصر


تمشيت عليه شوووي ورحت البيت وشغلته بعد العشاء


الا ولمبة البطارية شغالة عيت تطفي

يعني هذا أول يوووم وبدت الخرابات

هذا غير العيوب اللي فيه مع المطبات يطلع صوووت قوي من ورا واتوقع انوو


من الديكور اللي خلف السيت الخلفي


المهم وديته الورش وقالوا دينمو


غير كذا موووووو ذاك الرساوة مع الخطوط


وبعد فترة صار على حادث وانعدم الرفرف الخلفي وغطا الشنطة



المهم قطع بالوكالة مافيه لاتدور


أو طلبيه تجي بعد شهرين لا قبل تشتري انت العزيز الغالي


وبعد ماتشتريه يذلونك لانهم يدروون انك ماراح تروح


المهم طاح اربع شهور بالبيت بعدها حصلت قطع بالتشليح وكلف علي تصليحة 14000


قبل لا ادخله الورشه طلعته برا البيت وانسرق المسجل

صلحته وطلعته من الورشه وكان ايام برد

ولا المكيف شغال على اعلى شئ بارد

لان المسجل مسروووق وهو يجي طقم كامل مع المكيف


رحت الوكالة ولا حصلته ومن وكاله في وكاله ماعندك أحد العيسى الجميح بالبيد


رحت التشاليح وااشتريت واحد وركبت المسجل ابد مايشتغل ويطلع لي رسالة

ان النظام ماتعرف على الجهاز الجديد


اخذت موعد بالوكالة بعد اسبوعين وردخلته عندهم وقالوا نبرمج

المهم بعد ثلاث ايام قالوا تعال استلم موترك


((( ماعرفنـــــــــــــــــــــــــــــــــــــا له )))


هذا موديل جديد اصبر راح يجي له قطع المهندسين مايعرفون له شغله طويله



المهم بعدها بفترة ولان واحد من اخويياي شغال بالجميح وبعد واسطات ومباحثات واستشاريين وشكلهم دقوا على وكالة GMوقالوا ان مسجل الكابريس يجي بدون ذاكرة
بس أول ماتركبه على السيارة يتبرمج عليها واذا فكيته من سيارة وحطيته بسيارة ثانية
مايشتغل
المهم رحت للعيسى أو الجميح والله مدري بس اللي على الدائري الشمالي بالرياض
وطلبته من عندهم وقالوا بعد شهر يجي وعطوني موعد
جيت بعد شهر الا قالوا ماجاء شئ خذ لوسك والله يستر عليك
المهم رجعت لخويي اللي بالجميح واللي نصحني الا اشتري كابرس ولا لومينا ولا طعت شوره
وبعد اسبوع دق على وقال ابشرك
^
^
^
^
^
^
^
^
^
لقينا الوكالة اللي تبيع مسجلات الكابريس 2007

قلت الله يبشرك بالجنة وينهاااااااااا


قال قبل كل شئ تراهااا بعيده ولازم انت تروح تجيبه بنفسك
قلت لاتقووووول بأمريكا والله ماروح ههههههههه
قال لا الوكالة بدبي ويالله تعال بالبيت اعطيك الرقم ونكلمهم
المهم كلمناهم
وقالوا بعد مول الامارات بــ 2كم متر تحصلنا على اليمين
وترا ماعندنا الا قطعة وحده
المهم رحت وتعنيت الله لايعيده من موتر واشتريت القطعه وكلفتني حوالى 3700
اذا ماكان أكثر

ورجعت وركبت القطعه


قلت والله ماعاد يجلس عندي

وعلى المعارض


واخذ اسبوعين وانا بالمعارض الناس بس تسألني كم سيم

مااحد يبي يشتري سيارة مكروها لابعد الحدود

المهم في النهاية بعته بــ 53000


وهو ماله 6 شهر عندي ولا مشى الا 40000

بالله موووو حرام


صراحة انا ممكن اشتري كابريس رويال اذا قيمته 10000


اطقطق عليه شهر واكسره بعد اولع فيه لانه مووووو وجه معارض

هههههههههههههههههههههههههه


نصيحة ابعد عن الكابريس الا اذا انت رجال غني ماتهمك الفلوووس كشخ عليه واذا خرب بعه باللي يجيب




تقبل مروري المتواضع

السياره ما شا الله

المواصفات رايعة

بس ما اعتقد انها عمليه

لا الكابرس خرباته واجد وخصوصا المستعمل وعندك الهوبات وبعد 3 سنين بتعبك

بالتوفيق,,

تبي نصيحتي توكل علئ الله ماعليك من الناس ومن ناحيه السياره مبين عليها جديده ماشاء الله وترا الكابريس عملي مع ولد عمتي واحد لاعن والديه مجاكر ومسكه خطوط ابها الخرج كل اسبوع وماشاء الله ما اشتكئ منه اللهم ركب مبرد قير اختيارك موفقك وخصوصا انه سته لتر والتي زد بالتوفيق الله يعطيك خيره ويكفيك شره مقدما

مثل ماأتوقعت ياعزيزي السعر كان خطأ

السياره هذي تهورت و بغيت اشتريها "ان كانها هي الي في بالي"

ورحت متحمس للجميح

وطلع السعر الحقيقي 96 الف :D

فيه خطأ بسيط في موقعهم وطالع 69

:)

توكل على الله يا رجال ولا تفوتها
سياره مشهود لها بالموديلات الجديده واعتماديه