الأخ drshizi ياليت تتفهم وجه نظري ، أنا ما ظلمت احد أنا يا أخي الكريم فتحت باب السوم ولا منعت أحد انه يزيد على سومتي ، وهل المطلوب مني اني اسوم بأكثر مما اقدر ادفعه!!!
وبإمكان البائع انه يقول يناسبني أو ما يناسبني فالمسأله بيع وشرى ويقولون بين البايع والشاري يفتح الله فليش الزعل الظلم لما أكرهك واجبرك كما يحدث في ارض الواقع في معارض السيارات على بيع سيارتك بقيمه لا ترضاها أما احنا هنا فالمسأله عرض ويقابلها ابداء رغبه وقدره على الثمن ، وإلا أنا غلطان يا اخي !
أما الأخ memo فأقوله لا تتحمس كثير أولا أنا ماني شريطي أنا رجل ابحث عن سياره خاصه لي ما ادور مكاسب من وراها ، وبعدين أنا ما فتحت السوم إلا بخراجي ، لكن يمكنك ما سبق لك انك دخلت اي حراج في أي سلعه علشان تعرف ابجديات السوق علشان كذا تخفى عليك مثل هالامور .
وبعدين أنا ما سمت إلا بعد ما درست السياره ووضعها لكن رأيت انه من الأدب اني ابدي رغبتي في السياره واحط السعر اللي يناسبني أنا كمشتري مهو كبايع دون التطرق لحكم السوق على مثل هالسياره لكن ما دامك اضطريتني للكلام فأقول ولا يزعل صاحب السياره أول شي قيمه السياره في الوكاله فل كامل جديده ب 107000وسعّرها عند وكيلها المجدوعي وشوف ثم تعال تكلم!!
ثم معروف ان الكوري ومنه الهونداي ما يمسك سعره وهذا مو حكمي أنا هذا حكم السوق ، وبعدين يوم تقول تجيب 90000 اول سومه اقولك انت اللي اتق ربك كيف تحط هالسعر وانت ما تعرف وضع السياره وتفسد على الناس بيعهم وشراهم كذا تنفر البايع من الشراء وترسم صوره في ذهن البايع غير صحيحه عن وضع سيارته وتأثر على قراره وه وبعيد عن ارض الواقع ، سألتك بالله هل وقفت على بيعه اخت هذي السياره بمثل هالقيمه ؟؟!!! ولو وقفت عليها جيب شراي لمالك هذي السياره بهالقيمه !!!
ارجوا ان مالك السياره ما يزعل لأن الاخ اللي دخل في الموضوع هو من اظطرني للكلام بهالشكل ، وبامكانه انه ينزل للمعارض ويعرضها ويشوف كم تجيب والله يرزقه بأفضل من سومتي ،مهما كان اتمنى له الخير والله يعلم.
التسعين الف يالحبيب يا memo لو بوصلها دفعتها بتاهو2008 ltعرضت علي انظف من النظيف !!
وبعدين ليش هذا كله ،،، لك رغبه زد على سومتي والأخ مالك السياره هو سيد الموقف وبيده وبمحض ارادته يقول نعم أو لا.
الله يوفق الجميع.
الأخ الغالي sahr144
أنا أعتذر إذا كنت قد أسأت فهمك. أرجو تقبل إعتذاري. و فعلا لا يكلف الله نفسا إلا وسعها و كلامك كل حق و على العموم عرضك أقل مما أبحث عنه. و أعتقد أنك و الأخ الفاضل memo كل له وجهة نظر و ليس باضروري أن يكون واحد منكم مخطئ فأنت كما تفضلت أن المسألة عرض و طلب و قبول و رد. و على العموم أنا أدعوك أن تتفحص الصور تبع السيارة و قد تغير رأيك.
و في الأول و الأخر ليس بيننا إلا كل الود و ألإحترام. و السلام.
