هيونداي جينيسيس 4.6 أو فولكس واجن باسات CC 3.6

انا مع الجنسيس لانها جدا فخمه

و الله يا اخوي اذا تبا رايي حذ الجينسس و انته مغمض يكفي انها 4.6 375 حصان !!!!

اذا انا مكانك اكيد انه الجينسس يكفي الـ 4.6 !!!!!!!!

و السموحة !!!!!!

بكل بساطه
باسات

الصرااحه الباسات سي سي الافضل بالشكل و الهيبه والتكنلوجيا الي فيها
والجوده
الهيونداي حلووه لاكن تبقا هيونداي وفي وقت البيع الله يعينك
والباسات معرووفه اكثر في الخليج وبدا انتشارها يطلع ودليل على نجاح السياره
وطيعني في السواقه الالماني ماله مثيييل نهائيااا

وفي الاخير القرار قرارك واهم شي الاستخااره ولاتاخذ الا الي انت مقتنع فيه ولايهمك كلام الناس

في غالب الأحوال يذهب صوتي لسيارة المنافسة للألماني أيً كان نوعها.؟

والسبب ببساطة هي الصيانة وقطع الغيار إذا كانت متوفرة بسعر معقول وصيانتها سهله

* فما راح يوصل مواصيلها شيء .. :)

في البداية مبارك عليك الشهر وكل عام وأنت بخير وصحة وعافية
أما بالنسبة للموضوع والله كلا من السيارتين يتمتع بالقوة والمواصفات التي تفوق الأخر لذا المقارنة صعبة شوي
لذا أنا لو بأختار كسمعة وكأسم ورزة أختار الفولكس واجن باسات
أما الفخامة و التجهيزات المتطورة والأرخص بالصيانة على قوله أحد الأعضاء أختار لك الجينيسس
الله يوفقك لما يحب ويرضى
هذا والله أعلم

وتقبل تحياتي ودمت:xyxwave:

والله الباسات اجمل و اكشخ و شكلها ملفت اكثر

و قيادتها متعة و فيها رساوة عالية

و طبعا ذكرلك سامي الانظمة الموجودة على السيارة و التقنيات العالية

و طبعا عندك نظام اذا كان في سيارة قدامك و قربت منها تلقى سيارتك تخفف السرعة اوتوماتك

وعموما الله يكتبلك اللي فيه الخير لك

:xyxwave:

انا رايي من راي الاخ سامي 100%
والمشكلة مو حلوة الواحد يكشخ في سيارة كورية
والله الكشخة ماتحلى الى في الالماني وخاصتاً السي سي شكلها جذااااااااااااااااااااااااااااب
وخاصتاً احنى في البحرين عندنا الهيونداي مالة اهمية خير شر ولا لية هيبة والانتشار قليل جداً
وجهة نظر
تحياتي علاوي

انا بكون منطقي جدا معاك

تبغى تلفت الانظار و تتمتع بالقيادة و يكون عندك من افضل ما وصل اليها التقنية خذ الباسات

الباسات مواصفات اعلى من الجنسيس تقريبا صحيح الجنسيس فيها هيدروليك بس ما اعرف مدى اهميتها

اليك بعض المواصفات

حساسات امامية و خلفية عددهم عشر
نظام الركن الالي ( هذا لوحده يكفيك)
نظام عدم خروج عن المسار
دفع رباعي مستمر فورموشون
نظام تحكم بنظام التعليق Normal Comfort Sport
النافجيشن الموجود فيها فازة بجائزة افضل نظام ملاحة بالعالم
ايضا الباسات فازة بلقب اجمل سيارة لعام 2009
قطع الغيار متوسط الاسعار ارخص من الياباني بفارق بسيط لكن اغلى من الكوري
صيانة كل 15 الف

اذا كنت تبي قوة محرك و مساحة اكثر خذ الجنسيس علما بان القوة ليست فرق كبير لكن الجنسيس اقوى

الجنسيس سيارة رائعة افضلها على جميع المنافسين اليابانيين لكن امام الالماني فطبعا ما ارح اختارها

ايضا انتشار الباسات سي سي اكثر من الجنسيس

الجنسيس من يوم ما نزل في السعودية ما شفت غير 5

الباسات سي نزل بعدها سته اشهر و الحين اقل شيء اعرف 6 يمتلكونها غير العشرات الا شفتهم بالشوارع

المهم انت استخير و كل عام و انت بالف خير

استخير اخوي

بالتوفيق

سيارة العام 2009 اكيد الجنيسس و بالراحة وخذها و توكل على الله

حياك الله ياغالي

اذا كنت تبحث عن المساحة الداخلية ورخص الصيانة خذ الجينسيس

واذا ما يهمك الحجم وقادر على امور الصيانة خذ الباسات CC

الله يوفقك ولاتنسى الاستخارة

ك اسم ومصنع خرافي اكيد الباسات
ك شكل اعتقد الجينيسس اجمل

بصراحة اشوف ان الجينسيس افضل وماشاء الله مواصفات من اروع مايكون.........


ياليت اخوي تعطينا السعر لكلا السيارتين

ولاتنسى الاستخارة