هل يوجد زيت اسمه ( زيت غسيل المكينة ) ؟؟؟

مايسبب مشكله ب:xyxthumbs:العكس ينضف المكينه :xyxthumbs:وانا مستخدم :xyxthumbs:من قبل والحمدالله :xyxwave:مافي مشكله

والله احترنا يا اخوان

ناس تمدح فيه وتقول انه نظف المكينه وصار الزيت يخرج منها نظيف وصوتها خف وانه مهم ومفيد

وناس تقول انه عادي لا هو مضر ولا هو مفيد

وناس تقول انه خطير وبوش المكينه وخلاها تخبط ومضر جدا وتحذر من استخدامه

والله احترت وداخ راسي

ما قد شفت شي في الحياه الناس يختلفون عليه ويتناقضون عليه مثل صيانة السيارات

مساء الخير اخوي
بالنسبة لزيت تنظيف الماكينة انصح بعدم استخدامه لأنه يخرب البساتم في المكينة
وهذا حصل مع سيارتي بعد ثلاث تغييرات الزيت

ياجماعه مافليه شي جربت على بليزر وكابريس وماحصل شي هدا تنظيف للمكينه مافى شي يجماعه

شخصيا جربت زيت الغسيل فوكس, تركت السيارة لخمس دقائق ثم عبيت زيت عادي 20-50, شغلت السيارة شوي ثم بدلت الزيت مرة ثانية حتى اتأكد من عدم وجود اوساخ.النتيجة ما لاحظت فرق يذكر.

و الله أنا سيارتي ما فيها شيء بس لعب علي الفلبينـــي وأقنعني انه يغسل مكينتي يقول هادا كويس تنظيف مكينه وسخ برا
جلست أفكر وسخ برا وأنا ما أحب الوسخ قلت يالله خل الوسخ يطلع برا ونظف لي المكينة ب 35 ريال تقريبا نوعه: فوكـــــس
وبعدها غيرت الزيت والسيفون والكـــلام هذا تقريبامن شهرين
ولا لاحظت أي تغيير لكن ذا اليومين أحس صوت مكينتي مرتفع شوي مدري هو صدق وإلا اني موسوس؟؟
و الله خوفتوني بذا الموضـــــوع عسى بس ما يضر مكينة سيارتي حسبنا الله عليك يا فلبينــــو

انا صراحه اسمع فيه بس مافكرت اني احطه تقبلووووا مرووووي

شكر للمشاركين

أنا من يومين مجربه
يوم حطه شغلت السياره خمس دقائق ويوم طلع الزيت كان لونه اسود
وبعدين ركبت زيت سوبر شل وماشاء الله لليوم لونه صافي مرررره وحسيت براحة المكينه وصوتها خف وماخفي اعظم

مع خويي هونداي سوناتا 2005 6 سلندرات خبطت المكينة والسبب وجود اوساخ سدت منافذ طرمبة الزيت مع العلم انه يغير الزيت مع الفلتر , سبق واني جربت تنظيف المكينة بزيت الغسيل وانصح به مرة واحدة فقط كل 150 الف كم

تحياتي.

لااحد يستعمله ...بعدين يقلل من عزم الموتر......السيارات تحت موديل 90 اوكيه بعدهالمديل لا

نصيحه لوجه الله أرجوا أن تبتعد عن مثل هذه الزيوت التي أدخلت العماله المتخلفه فكره أنها تقوم بتنظيف المكينه فالماكينة نقوم أنا وانت وهذا وذاك بتنظيفها تلقائيا حينما تقوم بتغيير الزيت وهي أنسب طريقه للتنظيف لأن تلك الزيوت التي يقولون عنها تقوم بتنظيف المكينه تقوم بإزاله فوريه لأهم ماده في تصنيع فولاذ المكينه وتبدأ الشروخ الصغيره ورواسب تخرج لك أثناء صب ذلك الزيت لذلك إبتعد عن تلك الزيوت ولو كانت فعاله لما كانت تلك العماله أفضل من الوكاله التي صنعت تلك السياره ونسيت ان تنصحنا بغسيل المكينة فالماكينة لاتغسل فقط توظب وتغير الزيت والوكاله يقولون في كل الكتيبات قم بإظافه الزيت ولاتقم بالتغيير ولكن الدارج لدينا نحن تغيير الزيت والسبب في أن هناك موادا تتحمل درجات عاليه أثناء تسخين الزيت في الماكينة فحينما نقوم بصب زيت ينظف المكينة كما يدعون نقوم بإتلاف تلك المواد العازله التي تحافظ على أداء المعدن الداخلي ونظافه المكينه .

تحياتي للجميع

زيت الغسيل هذا نصحني فيه راعي ورشة بعد ما بدأت السيارة تطلع دخان
وخفت قلت الماكينه شكلها خبطت
بس كويس راعي الورشة قال ما عليك بس غير صوف المكينة
والحمد لله انتهت المشكلة
و نصحني بعد ما أخلص أني أسوي غسيل ماكينة مرة أو مرتين
عشان تنظف الماكينة وعلى فكرة هذي ثانية مرة أجرب الغسيل
اليوم هذا
وإن شاء الله راح أخبركم بالنتائج ووش يصير معي

يا اخوان كاني افهم من الرد ان هذا الزيت اختراع يمني .....؟ الرجل عايز يعرف معلومات عن الزيت واللي عنده فائده يقدمها للعباد على اية حال انا قرات المكتوب على علبة زيت الغسيل انه تقنية المانية وصناعة سعودية اي ان هذا المنتج مش اختراع بنشرجي او ابو يمن

أنا إستخدمته لاني مرة مشيت بالزيت 10 آلاف كيلو

والنتيجة إسمرار لون الزيت "قليلا" عند تصريفه

بمعنى آخر إذا سيارتك جديدة أو لها 4 سنين...

لاتسويها لانها مجرد حركة شفط جيوب لاغير

اخواني انا استخدمت الزيت من يومين والله لاحظت ان المكينة هدي صوتها شي بسيط فقط والله يستر من القادم بعد كلامكم

أخواني
mezou و ZSixero

شكرا جزيلا .. تقريبا نفس الطريقة لغسل المكينة بهذا الزيت ..وكان الزيت سعره 25ريال..


هذا جيد ..
أشكرك على هذه ..

أخوي نابولي89 .. ممم .. ظننت أن هناك مواد عالقة لا تنزل مع صرة التصريف لذا خطر علي استخدام هذا الزيت ^^...
وكان لدي مهندس له فكرة أراها رائعة لتفريغ الزيت القديم جيدا باستخدام مضخة الهواء -مرش- وإدخاله في مكان غطاء زيت المكينة و صمام فحص مستوى الزيت ..
وكانت النتيجة خروج كمية من الزيت في التصريف...


شكرا على النصيحة ..
شكرا لك ... لن استخدمه إلا بعد التأكد من وظيفته جيدا...


مممم ... عندما لمست زيت الغسيل لاحظت انه لايوجد به لزوجة -كأنه زيت ATM
-لكن بلون أصفر -


فكرة حلوة , و-اذكر لنا تجربتك والنتائج ^^ -


صحيح , كنت أريد توضيب المكينة بسبب ضعف العزم عند المرتفعات -لكن لا جديد بعد استخدامه ^^-..

أشكركم أخواني على آراءكم ..
وتم تجربة هذا الزيت -كأنه سائل لالزوجة له!!-
واستخدمته بعد تفريغ الزيت القديم تماما....
وانتظرت حوالي عشر دقائق , وتم تصريفه ..

والنتيجة ..

لون الزيت أسمر - ليست سوداء كما كنت أتصور - .. المهم ,قال لي صاحب الورشة أن غرفة زيت المحرك ليست متسخة للغاية -...

وبعد تغير السيفون وتعبئة زيت جديد ..
من ناحية الأداء , لا يوجد أي تحسن ^^...

لكن استفدت أنه المكينة ليست متسخة للغاية ^^ ...