السلام عليكم ورحمة الله وبركاته
أبارك للجميع قدوم شهر الخير والمحبة شهر رمضان المبارك
أما بعد :
أنا من فترة وانا مفكر أشتري سيارة لأني تعبت من سيارتي القديمة واللي أكلت فلوسي ووقتي وصحتي بعد :a120(115):
ورحت أدور بالوكالات عن سيارة تستاهل سعرها
اهم شي : حطيت عيني على مازدا 6 فل لأني شفت المواصفات اللي فيها كبيرة وخصوصا انها يابانيه 100%
طبعا سعرها 91 الف ريال :a1120(82): فقعدت أقلبها براسي مرة وثنين واستخرت الله
وقلت الحين أبشتري المازدا وانبسط فيه وأعيش حياتي بس أبرجع للصفر ولا أقدر أعوض خسارتي بعد خمس سنوات خصوصا وأن السيارة تكون ماتسوى 5 ألاف :c0038:
وقررت أفكر بمنطقية وأني أدور شي على قد فلوسي خصوصا إني مطلع قرض وأي تهور مني راح أدفع ثمنه غالي بعدين
قلت مالي الا النترا فل أو سوناتا سياحي والفلوس الباقيه استفيد منها احسن
بس يوم رحت أمس للوكاله انصدمت من الأسعار النار :mad1:
النترا فل بـ 57 ألف ريال وخمسمية :a1120(121): يعني وصلت قيمة المازدا 3 الفل الا شوي
ورحت لمعرض الاختيار اللي بالنسيم قالي ب58 ألف ههههههه :bigggrin: قهرني النصاب أغلى من الوكاله
والمشكله أني مقتنع تماما بالألنترا وأفضلها عن المازدا 3 بس لو كانت الفل بـ بخمسين صافي تكون منطقية
لأنه مافيها مواصفات جبارة
الفرق عن السياحي المكيف والفتحة والجلد وبس وزيادة 14 ألف ريال !!
خلاصة الكلام أنا الحين أبي سيارة ماتتعدى 60 ألف وتستاهل سعرها من جد وش تنصحوني فيه
خاتمة :
عام 2004 يعني قبل 5 سنين كانت الألنترا ب 32500 ألف ريال قير تماتيك
والسوناتا فل 4 سلندر كانت بـ 50500 ألف ريال
والحين قولولي السوناتا فل بكم ؟؟؟
الريال ماعاد يسوى شي هاليومين
حسبي الله ونعم والوكيل
