شفر 89 بروجهام

شوف يالأخو تراك بالسعوديه ان وصلت النص وماتعدت احمدربك غيرك اتش وبدون مكيف لكن عندك مراوح الميتسوبيشي تنفع مركبها ع جمس موديل81مكينه350زرقاء رديتر امريكي بدون بلف مغسل الماكينه من داخل بصابون تايد ومن برا بديزل وغيرت تماتيك مروحه اصليACامشي 160وفيها بالمكيف الظهر توصل فوق خط الربع بالكثير لكن الشفر بتاعك ركب له شكمان ثاني وشل الكناديس كلها خلها مواصير على طول بيوسع صدرك من السوالف وشل البلف ابرد له وماء راديتر (بترومين نادر تحصلها ورخيصه وتنفع بجونا)وان كنت مركب رديتر سعودي ولا اردني لاتخليه اقشعه من السياره ان حصلت امريكي 4رصات (تراه منقطع من السوق) مستعمل مافك خذه وسيخه صح ولا رهم له رديترفان بعضها يجي المنيوم ان شاءالله يمشي معك هذ اخر الحلول ان مانفع معك اشتر سيكل

لا الحمدلله كل شيء ممتاز بس باقي أركب المراوح إن شاء الله قريب .

وع العيد إن شاء الله .

وش صار معك ؟

مشكورين والله .
وياليامي الكابرس يعرف الحرارة ولاعبن فينا بالحيل .

شاكرن لك مرورك .

ماشاءالله الشباب ماقصروا واللمبه هذي محد اهتم فيها لذلك قلييييل من يعرف السبب ، ولأن السياره طبيعيه ومايبين فيها خلل

ونصيحه حاول تخلي السياره وكاله مايحتاج مراوح كهرباء لأن الكابرس أصلا مايعرف الحراره

وحياك الله ..........

اسمع يالغالي
اذا تبي تشيك على راس المكينه مشعور ولا مكسور
شغل الموتر واطلع فيه بالظهر واول ما توقف عند بيتكم وقف ولا تطفي الموتر
وافتح الكبوت وطلع عيار زيت المكينه فتحه اذا طلع معه بخار اعرف ان راس المكينه مشعور
واذا ماطلع يعني موترك سليم وانا ماسجلت في هالمنتدى إلا عشان افيدك والله يعلم
وعندي لك طريقه شيل المروحه الميكانيكيه وركب مروحتين حقين كابريس 96 اس اس
ويزبط الموتر من ناحية الحرارة وحاول انك تركبهم عند واحد فاهم
وبالتوفيق

اي هي عادة بالربع .

بس يقولون لا تشيل البلف أفضلك .

الله يوفقك ويسعدك .

الله يستر علاك يا بعدي أجل ما تكلف 300 ريال هينة إن شاء الله .

بس خلني هالحين أزبطلي مراوح وهم نمسح إن شاء الله بحيث ما يكون للسيارة عذر بالحرارة :bigggrin::bigggrin:

الله يوفقك إن شاء الله بالشروة الطيبه والموفقه واللي تسرك , والكابرس عادة اللي قيره 700 مكينته 305 لكن غريبة .

والله يسعدك وحياك .

الحراره بالكابرس ماهي طيعيه خاصة اذا على النص او قبله بشوي ,,,
الحمد لله انا عندي وحده بس موديله 93 LS الحراره تاصل لربع مع المكيف وتعداها شخطه

طبعا مغير الرديتر 4 رصات ,,, وشايل البلف*


الله يعنيك ويوفقك

:bigggrin:الله يبقيك ياحيي والله استخدامي مو كرف بالعكس بالبلد 90 ماتعداها بالخط 110 الى 120 اقصى حد فيه و الي حصلته 89 سعودي وقيره 700 ومكينه 350 ربع ارتوب ياخي وقفته بس تخليك تسعبل مغليه علي شوي بس مادري خفت لمى قلتوا لمبات ومدري ايش شكلي بهون هههههههه
اما بالنسبه للكابرس الي معي فانا مثلك معاي عشره عمر والحراره ياخوك قبلك انا هبلت فيني غيرت كل شي شريت رديتر ب 480 وطرمبه مويه اصليه وخراطيش ماخليت شيء اخر شيء قالولي امسح الروس ماتكلف 300 ريال من طقطق لسلام عليكم وابد الحراره ماتقوم عقبها لانك زي ماتقول وانا ادري انه فقط مع المكيف والوقفه الطويله يرتفع ويعدي الربع لان الكابرس باسواء الاحوال حرارته الربع ان زاد عنها فيه عله وتبي معالجه حتى بعز الظهر المكيف شغال وواقف فتره طويله يعني نقول ساعه ساعه ونص يرتفع عن الربع شي بسيط لذالك توكل بالله وامسح الروس وان شاء الله تنتهي المشكله
:a1120(86):وصدقني الي متعود على الشفرات القديمه مايقدر يتخلى عنها لو يدفع ترليون ريال وهو يصلح ماطابت نفسه منها ههههههههه

ههههههههههه يالله هم حيه ,

لا تهون يا خوك والله ان ال 89 يكرف معك لو تسخدمه زين أكثر من 20 سنة ما تغير ولا توضب شيء واذا استخدامك شين يكرف ل 10 سنين أقل شيء .

حقي ما بقلك كم معي جالس ما شاء الله وما تغير له شيء خوفاً من العين لكن فترة مهي بهينة ما شاء الله .

يعني لو على قولك ورده يا حظك.

اللمبة هذي كل الكوابرس تشتغل عندهم والظاهر ما فيها شيء ذاك الزود يعني عادي تقريباً .

وبالنسبة للحرارة هي بالربع من غير مكيف مع المكيف توصل لقبل النص بشرطتين ولا وقفت وطولت ولا زحمة توصل لقبل النص بشوي .

أنا أبيها مع أسوء الأحوال ما توصل الربع .

ما ظنيت أن راس المكينة وإن شاء الله ما يطلع ولو طلع لا قدر الله بكم قيمة المسح جزاك الله خير .؟

الله يستر عليك ويسعدك .

لاهنت يالغلا وحياك الله وبياك .

تدري اخوي جابر اول ماشفت موضوعك شكلي بهون عن الموتر الي محصله 89 ورده :a120(115):اجل تقولون لمبات وتشتغل وحركات عنقليزي ال 87 وتحملناه مافيه لمبات تذكر هههه قد اشتغلت <صار يفكر بعنف

اما بخصوص كلمتك ان الكابرس حرارته النص طبيعي <فهي مهيب طبيعي ابدا ابدا لانه مايعطي الربع :smilie16:وهذا شيء معروف ياحيي بالكابرس البلاء طال عمرك راسك المكينه يبي له مسح ووجه جديد ماله الا كذا لاني مثلك غيرت كلش طرمبه رديترات لليل وغطا رديتر وبلف الحراره ومويه اصليه ام 45 ريال هههه عطاني وجه 3 ايام ورجع زي ماكان والحل الاخير انه يبي مسح روس بس مامسحته انا لان المكينه مابعد انفكت ولا ابغى افكه لان العامود عندي يطق على خفيف وابيه لين يبوش <عشان يصير الشغل مره وحده ههههههه :a1120(86):
اما المراوح لي بغيت تركب يبغى لك مراوح تكون حجمها صغير لان مافيه مساحه تركبها وتقدر تتاكد من كلامي لاني مجرب قبلك وافضل شي خذ لك مراوح امريكي تجي صغيره بالمحلات بس بطله قوه الهواء فيها مو طبيعي سعرها تقريبا 150 للوحده ركب ثنتين يمين ويسار الرديتر لانك ماتقدر تخليها كامله بسبب جسر الفيبر الامامي بنص الرديتر بس زي ماقلت لك اخر حل لك مسح الروس والوجه جديد وبترتاح من الحراره وشيك على اسلاك المكيف<عند كهربائي او غيرها وافحص الكمبريسر حقك لان كل الي مريت فيه مريت فيه انا مثلك

هههههههههههههههههههه .

نبي شيء كبير و وسيع وسعره معقول الله يستر علاك .

لاهنت يالغلا ع المتابعة .

هونداي أ ومكسيما بتلقى ب 30 ريال في الصناعية

معقوله سعرها غالي لهالدرجة ..؟؟

يلا يعطيك ألف عافية ويدحون بعضهم مراوح الجموس القديمة .

لاهنت .

يالغالي عندك مروحة المرسيدس 300 هي تقريباً اقوى مروحة لكن سعرها جديد اصلي بحدود 500

ونوع ثاني ب 300 وتشليح بحدود 100 الى 150

وعندك مراوح الهونداي اكسنت كويسة أو المكسيما

وتحتاج لها كتاوت وأسلاك لكن هذي الكهربائي المفروض تكون عنده

اعذرني يالغلا كل سيارة ولها معدلها الطبيعي ,

الكابرس العادة بالربع ومع المكيف تعديه بشرطة ولا شرطة ونص لكن توصلل للنص ولا قبله هي ممكن طبيعية بس تحسها مشكلة .

الله يستر علاك .

اخوي انا اعتقد ان الحراراة قبل النص بشرطة كويسة

واغلب السيارات كذا انا عندي يوكن والحرارة قبل النص بشرطة