السلام عليكم و رحمة الله و بركاتة
في هذا الموضوع احب ان اعرض عليكم تجربتي مع التاهو LT 4×4 2009 وارد الجميح - الدمام
أستلمت السياره في تاريخ تقريبا 8 - 6 - 1430 هـ
طبعا تأخر تسليمي للسياره من العصر الي بعد المغرب
بعد التشيك كان العداد ماشي 13 كيلو متر و كل شي نظيف و الي سلمني السياره ما قصر علمني
كل شي ابيه من غير ما أسأل
بسم الله
ركبت السياره و عشقت القير D توكلت على الله الى البوابه ركبو لي اللوحات و مشيت
ما شاء الله اول ما سقتها كنت خايف السياره جديده و دافع لهم كاش 123000 ريال
و اول مره في حياتي اوقف في الاشاره 4 مرات بدون ما ازعل و اعصب
السياره تتروش:smilie16:
عموما بعد هذي الفتره أحب ابدي رأئي في السياره
السياره قيادتها ممتعه و قومتها مناسبه جدا لحجمها و جربتها على خط الاحساء رايح جاي
صد ورد ما شاء الله توصل السرعه 170 كيلو و ما تحس
التكييف بالنسبه لي ممتاز
تعتيم المرايا الداخليه رائع مهما كبس الي وراك النور ما تدري عنه :xyxthumbs:
العيوب و النواقص
بالنسبه للعزل
صوت الهوى عادي مزعج بعض الشي يمكن من اصطدام الهوى في بدي السياره:a120(115):
موقع مفتاح تشغيل الدبل و تشابهه مع مفتاح النور:blue:
و عدم وجود لمبه تنبيه في الطبلون عند تشغيل الدبل مثل لمبة مانع الانزلاق
تانكي البنزين مشكله كبيره بدون قفل او مفتاح داخلي
المرايه الجانبيه من هذه الفئه المفروض تجي على لون البدي:confused1:
السياره من المقدمه نازل الوجه زياده عن اللزوم بسبب كبر حجم وجهية السياره
و ماخذ ثلاث ارباع حجم الكفرات الاماميه:confused1:
في الرمال السياره الى الان جيده في الرمل و لو كانت الوجهيه مرتفعه كان حكمت عليها :smile:
سحبت عائله في يوكن xl كان مغرزين و السياره عالقه بقوه و السياره مليانه و الحمد لله
طلعتهم بكل سهوله:wink:
و لو طلبتو مني تقييم للسياره انا اعطيها 3.5 - 5
عموما السياره انا راضي عنها كل الرضى
اسف على الاطاله و اذا فاتني شي الاخوان يكملون عني النواقص
الى اللقاء:xyxwave:
