ابي الجواب الوافي

ولـد عـلـي @user_155761 · 02-09-2009

السلام عليكم و رحمه الله و بركاته

كيف الحال عساكم طيبين

انا احد ملاك الأكورد موديل 2007 لاحظوا 2007

انا ذكرت انه الأكورد دفع خلفي .. هل هذا صحيح لأنه الكل قال امامي

و ثانيا شو الطريقه الي اعرف فيها دفع امامي او خلفي

انا بقول لكم شو سويت .. رفعت الهاند بريك .. و خليته ع الدي

و دست ريس كامل .. و جفت انه التواير الورانيه الي تتحرك و تحرق

و جفت فيدويات تخميس اكورد 2007 و كانت دفع امامي ..

للعلم انا من الإمارات فهل المواصفات غير عن السعوديه

و ثانيا سيارتنا هب مزوده و لا شي

Genius_m @user_33175 · 10-09-2009

سيارتكم عجيبه :D

الأكورد ماتجي الا سحب امامي فقط ؟

ممكن تكون سيارتكم طلب او عليها تعديل او ...الخ

بس لو تقدر تصور لنا فيديو واحنا نشوف ونحكم :D

تحياتي :)

SANTOOT @user_2252 · 10-09-2009

كب ديزل قدام بيتكم ووقف فوقه ودوس

بس مالي دخل تدخل في رصيف ولا حاجه :tongue:
بس الاقل تتأكد انها امامي

هذا الحل الوحيد :bigggrin:

ماكنتوش ذا تيبل @user_180957 · 10-09-2009

ا

ابـو الـخـل

اخوي الاكورد بكل العالم دفع امامي مو بس بالسعوديه

واذا تبي تعرف هي دفع امامي ولا خلفي ارفع السياره وشف اذا كان لها دفرنس ورا وعمود كردان معناها خلفي

واذا كان عكوس اماميه معناها امامي

نفس الكلام كان في بالي:ch19: بالتوفيق

فهد بن عبد الله @user_172653 · 10-09-2009

يا اخوي الأكود دفع امامي

وتبي تتأكد

افتح الشباك حق السواق وخل السياره على الدي وادعس البانزين كله وشوف وش الي بيفحط الكفر الأامامي والا الخلفي

بتلاحظ انه امامي

تحياتي

أبوأمجاد @user_177000 · 10-09-2009

يا أخوي الأكورد دفع أمامي منذ مبطي إلا إذا الموا صفات عندكم مطلوبه كذا ما أدري عنكم
وأنت شغلها وسوي لها قومه قويه وخلي واحد يشوف الكفرات من فين تفحط إذا كان من الأمام معناه أن الدفع أمامي وإذا من الخلف يعني خلفي :emot97:

ri1403 @user_59610 · 09-09-2009

الاكورد اخوي اب عن جد وبالعبارة الصحيحه جر امامي وليس (دفع امامي ) وهي من افضل اليسارات ومن اول السيارات التي تطورت بالجر الامامي
وشاكر لك بس اقول لك انت من وين شاريها اذا هي يابانية الاستخدام ممكن تجي لأن في اليابان سيارت جر امامي تجي دفع خلفي وانا مره شفت بالتشليح عندنا كورولا 2004 وجايه دفع خلفي والله شوف عيني وبعد فتره قصوووها وباعوها قطع وقال لي انها استخدام ياباني لأن الطاره يمين
او انت شاريها من واحد معدل عليها واذا انت شاريها جديده ؟؟؟؟؟؟؟ فأهي صدفه وجت عندك

الانيـق @user_43224 · 09-09-2009

^^^

مثل ما قالك

فديو لاهنت وهي تخمس + وهي مرفوعه عند اي بنشري وداعس لها
----

مستحيل تجيك دفع خلفي والشركه تصنع امامي

تأكد يالغالي لايكونها تقليد [ صيني ] :bigggrin:

واذا هي فعلا دفع خلفي في مجانين بيشترونها بمبالغ خياليه هههه

احترافي @user_98442 · 09-09-2009

طيب ممكن تحط لما مقطع فديو عشان نشوف

وياليت تحط لنا الصور

ولـد عـلـي @user_155761 صاحب الموضوع · 02-09-2009

يا جماعه الخير .. منو قال اني استهبل ..

و سيارتنا و الله العظيم و الله العظيم و الله العظيم اكورد

موديل 2007 يا جماعه صدقوا وديته قراج و رفع التواير

و دارت التواير الورانيه صدقوني و وصلت لين 254 كلم << السرعه القصوى

و التواير الورانيه تتحرك .. و الله العظيم .. و الله العظيم .

الحين انا بحلجي صوم كيف اكذب .

و الي فوق يقول مب اكورد .. يالله هب غبي لهاي الدرجه

ابـو الـخـل @user_164703 · 02-09-2009

ولد علي يا انه يستهبل يا السياره الي معه مهيب اكورد

اخوي حط صور للسياره عشان نعلمك وشي

King of Subaru @user_144347 · 02-09-2009

يعني الكفرات الخلفية تدور والامامية لا؟؟؟؟ معقولة ؟؟؟ تاكد ياولد علي . الظاهر انت شفت الكفرات الخلفية تدور اللي اهو بعد مارفعت السيارة وماطالعت في امام السيارة . طيب ليه ماسالت الموظف وكان راح يجاوبك .

عالعموم اعتقد والله اعلم ان دركسون السيارة عندك في الشنطة :a1120(86)::a1120(86)::a1120(86)::a1120(86)::a1120(86)::a1120(86)::a1120(86):

اغلب محركات هوندا المصنعة لسياراتها تعمل بالدفع الامامي اعتقد ماعدا S2000

تحياتي لك اخوي وتاكد من الامر ولاتنسى تخبرنا وش صار معك

ولـد عـلـي @user_155761 صاحب الموضوع · 02-09-2009

اخوي اوريون صدقني وديته قراج داينو

و رفعو الموتر .. و طلع التواير الي ورى تتحرك ..

ما ادري احسن انه الأكورد مالنا مميزة خخخخخ

اول اكورد دفع خلفي منو يتحدى

AURION TRD @user_173484 · 02-09-2009

يا ولد علي الاكورد من يومها وهي دفع امامي
واذا تبغى تتأكد خلي واحد في السيارة وارفعها برافعة مثل البستم الي في المغاسل وخليه يدوس على السيارة وانت راح تشوف ان الكفرات الي قدام تتحرك بس

ومشكلة اذا انت ما تفرق بين الدفع الامامي

احترافي @user_98442 · 02-09-2009

وعليكم السلااام ورحمة الله وبركاته

والله اول مره نسمع...

عن هذا...

لكن...

ممكن انت تقصد الليجند

هذي فيها نظام الدفع الرباعي من هوندا SH-AWD

فمكن انها تلخبطت معك الامور

:xyxwave:

ولـد عـلـي @user_155761 صاحب الموضوع · 02-09-2009

على ردود الشباب انا مسوي مثل الي قلتوه

يعني اروح ع لفه و ادووس

و اروح ع دوار و ادوس .. طبعا يشوح الموتر عني

للعلم انه الموتر للوالد و انا لاعن خيره من التخميس

وايد شباب شافوني و استغربوا قالوا كيف سيارتكم دفع خلفي

و كل اكورد دفع امامي ..

انا وديته لقراج داينو و رفع الموتر و دعست ريس و شفت التواير الخلفيه الي تدور

مب الأماميه .. ثانيه انا قلت نحن من اشتريناها لين اليوم ما مزوده و لا شي

يعني ع حاله الوكاله .. بس مشلول القفل

عالم مشاعر @user_987 · 02-09-2009

و عليكم السلام و رحمة الله و بركاته

اذا تبي تعرف ان الموتر أمامي ولا خلفي ، بكل بساطة افتح كبوت السيارة و شوف وضعية المحرك

اذا كان المحرك بوضع عرضي فهذا يعني ان السيارة دفع أمامي ، أما اذا كان المحرك بوضع طولي فهذا يعني ان السيارة دفع خلفي

علامة ثانية بس فيها زحفان :D ، لف في أي لفة أو يو تيرن أو دوار و ادعس ، اذا زحفت السيارة من الخلف فهذا يعني انها خلفي :wink: واذا ما زحفت فهذا يعني انها امامي

Touring 2006 @user_33302 · 02-09-2009

الاكورد كلها من الى كل المواصفات كل الانواع كل ابوها وامها وجدتها وخالتها

دفع امامي

ابـو الـخـل @user_164703 · 02-09-2009

اخوي الاكورد بكل العالم دفع امامي مو بس بالسعوديه

واذا تبي تعرف هي دفع امامي ولا خلفي ارفع السياره وشف اذا كان لها دفرنس ورا وعمود كردان معناها خلفي

واذا كان عكوس اماميه معناها امامي

A L R A J H I @user_20228 · 02-09-2009

والله أخــوي ما أعرف هي خلفي ولا أمامي .. بس على كلامك أنها خلفي ..

وإذا تبي العلم الأكيد أفتح باب السواق وراح تلقى معلومات السيارة إلي فيها مكان التصنيع والتاريخ وراح يوضح لــك هل هي خلفي ولا أمامي .

إن شاء الله الأعضاء راح يفيدونـــك ..

تحياتي

[COLOR="Blue"]A L R A J H I

..
..
[/COLOR]