كابرس LTZ , استشارة طارئة

خذ اوريون 6سلندر+ بصمه+ شاشه+ 6 نمر+ تبترونك+ قطع رخيصه+مرغوبه عند البيع(( تويوتا ))+وكيل ممتاز +انوار زنون +انوار خفيه ليد +مقاعدها اريح.....الخ

الله يكتبلك الي فيه الخير جرب السيارات الي ودك فيها اجار افضل

والله السعر يبغى له اشد على نفسي شوي , ولا نفسي تكون السيارة 6 سلندر , وهذا اللي خلاني أفكر حالياً بالآوريون


سمعت كلام كثير عنها , عموماً انا مانقس من قيمة الكابرس لكن صراحةً شلتها من القائمة , مع انه لكل سيارة عيوبها

القائمة وقفت على الآكورد + الآوريون
والأقرب لي هو الآكورد :wink:

الكابرس ال تي زد 6سلندر جديد ب94000الف تقريبا لدى الجميح على طريق خريص بالرياض...
تقبل تحياتي اخوي...

اقول يالذيب اسمع النصيحه ولا تاخذ كابرس والله انها ما تسوى يكفيك انها منعت من امريكا لأن انضمة السلامه والتبريد غير مطابقه يعني ضعيفه جداُ وترى ما اسمها كابريس اصلا لها ولاهي شفر اسمها اتوقع انه هولادنو او زي كذا اخوي في استراليا قالي الكلام ذا يقول نفس شكل الكابريس لكن ماعليها شعار الكبرس :c0038:

توكل ع الله يالزميل 00000 واذا لقيت لك مستعمل ونظيف ماعندك مشاكل
واذا تبي مستعمل تروح الافضليه تلقي المواتر المسحوبه من اصحابه 0000 بسبب تخلف الاقساط0000 اوغيرها 0000 واذا ودك بعد روح معارض العوهلي تلقي كوابرس نظيفه 0000بس عيبها وارد الخليج وبالذات تلقيها من الكويت 000 يعني تصيدلك موتر ع يد بنت من اول 0000 ولا احلى لاهي حقت سرعه ولاخربطه00

والكابرس موتر وانا عن نفسي عندي ltz 2006 والحمد لله مايحتاج ماشي معاي
والشكل احلى بكثر من الجديد

والله يوفقك بس لاتردد واانا اخوك الشفر مايحتاج تسأل عنه

تقبل ودري قبل ردي

السلام عليكم

انا قبل يومن تقريبا رحت لوكالة العيسى اللي على طريق الملك عبد الله

سئلت عن الكابرس 2010 يقول توها مابعد نزلت وقلتله هل بيتغر الشكل قالي مادري

مافيه الا 2009

الاسعار

LS V6 -87000
LS V8-95000
LTZ V6-105000
LTZ V8-سعرها فوووووووق

انصحك تاخذ LS V8

شوف انا اقولك عن الكابريس كله
الحرارة بتبهذلك
ثانيا فحماته متطول معاك
ثالثا مجرد تبي تبيعه يطيح سعره على طول ومايسوى قرش
رابعا
التبريد بالنسبة للكابرس مرة خايس
خامسا كله كبس يعني يتفكك على طول
سادسا لاتشتري هوندا كورد لان القطع نار مرة
سادسا تويوتا وبس دور اي نوع من تويوتا

صراحه انا جربت كابرس 2006 جميل للأمانه

لكن 2007 وطالع ماعندي فكره عنه

لكن على حسب ماسمعت ان من 2007 وطالع

الأذرعه والمقصات كلها بلاستيك مقوي

هذا الكلام من موديل 2007 وطالع لذلك عدم رغبت الناس فيه بكثره

اول مانزل 2007 وإلى اليوم في ميناء الدمام موجود بكميات كبيره موقف

وكلهم جديد ولا تتحرك من زمان وهي واقفه ما ادري وش السبب هل

بسبب كم رغبه الناس فيها بسبب ان اذرعتها ومقصاتها بلاستيك مقوي

لكن الموديل 2006 صراحه جميل استخدمته فتره يومين او ثلاث ايام

جميل للأمانه.

اقول بلا كابرس بلا خرابيط خذلك ددسن اصرف من الكابرس

مساك الله بالخير اخوي
تبي نصيحتي إنحش عن الكابريس بهذلت بخالي بهذله وكذلك بقريب لي ومن هذه البهذله
1-طرمبة البنزين خربت
2-رجه غير طبيعيه إذا تعديت100كم
3-سحكيه بالكفر بسبب الحفر
4-سياره غير إعتماديه بالسفر عندنا الجميح بحايل كابرس ولومينا جدد بعدد غير طبيعي منقلبات أعتقد إن فيه عيب مصنعي بالاذرعه
البديل أوريون أفالون إيفنتيQ45 الفورد الماركيز الشاصي الطويل كلها سيارات قريبه من قيمة الكابريس
أتمنى إني أفدتك

انا عندي لومينا LTZ 2007 والحمدلله ماشتكيت منها وماشيه معي زي العسل وهي اللحين هي عندي سنتين وماشفت شي

اللي تغير بالكابرس 2010

طلع فيه لونين جنااان

والداخليه تغيّر بسيــط


والكابرس ذا عند محل أجار وشووكرن :wink:

ألف شكر لك عزيزي , هذا اللي ابغاهـ , ناس امتلكوا السيارة وجربوها وجربوا غيرها ويذكرون لي العيوب اللي فيها لان كل سيارة فيها عيوبها:xyxthumbs:

أقرب الظن إنه العين على الـ accord 4 سلندر فل بـ 91 ألف

مع إنه فكرة السيارات المستعملة مو بعيدة عن بالي , لو اشوف لي سيارة حلوة موديلها 2008 او 2009 مستعملة ونظيفة راح توفر علي :c0214:

انا معي كابريس LTZ موديل 2008م 8 سلندر فل كامل وكان معي كابريس LTZ موديل 2006م 8 سلندر فل كامل .
الأفضل والارسى بدون اي مقارنه نهائياً 2006م افضل بكثير عن 2008م الفرق ان هذا جديد وهذا موديله قديم انا الآن لي مايقارب لي سنه اشهر وانا متندم اني اخذت الكابريس 2008م لأنه لايوجد مقارنه مع 2006م .
مع العلم ان شاصيه 2008م مره ضعيف وقريب من واجهة السيارة بعكس 2006م وبطارية 2008م في شنطة السيارة من الجهة اليسرى .
فأني انصحك نصيحه اخويه لاتشتري الكابريس 2009م وان تختار اي سياره ثانيه .

الف شكر لكم جميعاً

تابعت الردود واعجبني تفاعلكم وحبكم للمساعدة :xyxthumbs:

لكن اللي ضيق صدري موضوع السعر , معقولة ltz تفرق 16 الف عن ls ؟

ميزانيتي بالتسعينات :a120(115): عجزين ينزلون لنا كم ألف يعني :smilie20:

شكلي ماراح آخذها واحول على الهوندا آكورد هي الأقرب لميزانيتي :rolleyes1:

نصيحتي لك الجديد وكاله أفضل وأضمن نفسيا.


وإذا تحافظ على السيارة وتلتزم بالصيانات تعيش معك.

معروف الكابريس الجديد بالراحه اسئل مجرب ولاتسئل طبيب :xyxthumbs:

شوف الكابريس ارسى شي فيهم الـ SS من بعدها الرويال والتي زد واخر شي ال اس لان نضام التعليق بـ LTZ يختلف ومتطور عن LS وطبعا فرق بسييط ماتحس فيه ابد

وجرب الكابرس الجديد وشوف المتعه والراحه والسلاسه مع اللفات

بالنسبة للـ 2009 انا مسعره الأسبوع اللي فات بالتوكيلات

LTZ طبعا

الــ 6 سلندر بــ 103 ألف
الــ8 سلندر بــ 113 ألف

و 2010 لحد الحين مانزل ولايدرون الوكالة بيصير فيه تغيير او لا