هل هذا الكلام صحيح عن السيارات الكورية ؟؟

السلام عليكم ,,

كيفكم اخواني ,, انا عضو جديد اتشرف بالانضمام ,, واعذروني لطرح استفساري هنا ,,

انا محتاااااااار جدا والحيره قاتلتني ,, يعني صحيح مافيه مقارنه بين السوناتا وبين التوسان بس انا احترت اخذ توسان والا سوناتا ,,

لقيت سونات 2012 نص فل جنوط ومثبت بدون بانوراما لقيتها بسعر 69 الف ريال وانا ماعندي مشكله بالسعر وما عندي مشكله بالكاش طبعا السوناتا وارد الوعلان ,, ولقيت التوسان موديل 2012 وارد الناغي نص فل بدون دبل بانوراما ب 74 الف و500 ريال وارد الناغي ,,
طبعا السوناتا 2400 سي سي والتوسان 2000 سي سي وانا محتار وكل شخص استشرته قال لي سوناتا ولا تدور غيرها وانا بصراحه قلت بستشير اهل المواتر الكوريه اهل الخبره لاني ما قد جربت الكوري بدايتي تويوتا وهالحين جمس شفر 2001 وبصراحه ذبحن بالبنزين وابي اغير الكوري واهم سبب اني رح اداوم كل يوم ساعه ونص رايح وساعه ونص جاي يعني وش تشيرون علي وانا اخوكم واللي تقولونه رح اخذه بعين الاعتبار وسلامتكم جمييييع ,,

انا شخصيا لااملك سياره كوريه حاليا ولكن بصراحه انوي وبشده لاني شفت السيارات الكوريه مع ناس ماترحم السياره ابد استخدامهم سيء للغايه ومع ذلك ماشاء الله زي العسل مافيها اي مشكله وانا بصراحه كنت افكر اشتري كامري او التيما او سوناتا وفي الاخير احس اني مقتنع بالسوناتا مع اني لازلت لم اشتري حتى الان

^^^

لا يقع إلا التاجر الجشع

الذي يقدم المكاسب والربح السريع وبأي طريقة على حساب الجودة والمتانة وحساب العميل .

ما طار طير و ارتفع الا و كما حلق وقع

هذا حال الياباني ( التويوتا ) طبعًا

المشكله أن فيه حرب على وهجوم على السيارات الكوريه
من مالكي سيارة اليابانيه والمشكله أنهم لم يجربوها

اقول للي مااستخدم الكوري يستريح


يكفيني تجربتي لسوناتا 2011

شيئ خيالي

انواع التمحيط ولما وصلت 60 الف رحت للوكالة غيرت اقمشة اماميه مع التشييك بـ 600 ريال وأزيدك ان السير التيمن جنزير حديدي يعني لاتهتم من سير التيمن اللي لما يوصل في بعض السيارات 50 الف ينقطع واذا كنت مسرع خبطة المكينه وقالو سير تيمن ويكفيك زيت الجربكس نهائيآ ما يتغير أطلاقآ ولا ينفكـ يعني مصمك بأختصار شغل وامش صناعة كوريه عجيبه وأبصم لهم حلال فلوسي في السوناتا ...

معاكـ حق صراحه جربتها قبل

الاقمشه الاماميه 8 اشهر واغيرها والخلفيه سنه وعلى هذآ الحال <<< تطفيير

هيونداي من عام 2005 أقدر أقيمها وأقول بكل ثقة سيارات ممتازة من ناحية العملانية والخدمة

هذا الكلام من واقع تجربة 4 سنوات

ويكفي أني كنت اليوم بأحد مراكز الخدمة السريعة التابعة لهيونداي أسوي تشييك الـ 100 ألف

علماً بأن سيارتي تجاوزت هذا الرقم

قطعت 110 ولم يسبق لي التشييك إلا مرة واحدة عند 30 ألف فقط كانت على السوائل والفلاتر وصفاية البنزين

طلبت استبدال الفرامل الأمامية والخلفية وتفاجأت بأن الفني يقولي تم فحص الفرامل وهي بحالة جيدة وتمشيك 40 ألف قدام !

معنى كلام الفني أن الفرامل تمشيك إلى 150 ألف بالراحة ما شاء الله

وسلم لي على الياباني والأمريكي اللي كل شهرين وأنت سافط تغير فرامل وتخرط هوبات

تحياتي

والله يا خوي السيارات الكورية ما سارت زي زماان اثبتت جداراتها

تعال شوف سيارة اخوي سوناتا 2010
اكثر واحدمو محافظ وما شاء الله السيارة تمام التمام
الله يعطية من خيرها ويكفيه من شرها

سلام عليكم هذي المرة الثانية اللي أرد فياه على ها الموضوع

أولا : ليش حنا يالعرب خايفين من التطور ؟

ديما على اليباني والأمريكي .

الأول مافيه تطور من الناحية الشكل الخارجي يقعد خمس إلى ست سنوات من دون ما يتغير و الثاني خراباته واجد

واللي يقول أن الكوري سعره يطيح عقب الشرا . هذا لأن كل الناس عاليباني والأمريكي .عطو الكوري فرصه خلوه يملى الشوارع وشوفو أسعار الشريطية كيف تكون لأنهم ذاك الوقت يبعرفون الناس وش يدورون

واللي يقولون الكوري قطع غياره غير متوفرة بكثرة . برضو نفس الكلام اللي قبله

^
وفيه احد قال الكوري افضل من الالماني حتى الياباني مايصف جنبه
الالماني معروف لايقارن الابنفسه متانه ورساوه وعزل وغيره

سلام عليكم ....
اخواني الافاضل ابعدوا عنكم العواطف او كل واحد يقول تجربة خاصة وكانه الكل مع احترامي وانا اولكم من صناع السيارة ولنتكلم بمنطق والحكمة والعلم مو تقولوا ركبت رصيف وفحطت خمسات هذا مو اثبات للسيارة ..
المهم سيارة كورية تقدر تقول باختصار سيارة جديرة انو الواحد يمتلكها ويوفر جيوبه وعمليه لكن من ناحية الامان ورساوة وقوة المحرك وجودة التصنيع للقطع مو سواقة ياخوان هذا المفصل بيننا لكن انا براي هيا لاتملك المواصفات الخيالية او تعتبر سيارات قيادة بل تعتبر مقلدة للالماني والياباني وهشركتين سبقوها بمئات السنين ومافي وجه مقارنه وهذا لايعيب بهيونداي بحكم انها بادئة مقارنة بياباني والماني فهذا شركات عريقة وقائدةبمعنى الكلمة وليس مقلدة والاخوان الذين قالوا انتوا جربوا الهيونداي واحكموا فبرضوا انتوا جربوا الالماني واحكموا مع اني مااشوف هذا حكم ومقياس ...بس ابعدوا العواظف وبالاول والاخير هذا من مصلحتنا لانه نقدر نمتلك سيارة عملية وجديرة بثقة الكورية ونوفر الجيب لكن بالامان والمتانة وعند تصفر العداد وتشوف رساوة السيارة انا اشك بذلك واللي يبي يحكم لا يحكم بكيفه الا لمن يجرب الماني عشان يقدر يحكم
واسف عالاطالة

الكوري..

جودة وتحمل..

قوة وشدة..

جمال و ( رقي ) وفخامة..

توازن في الاسعار ومنافسة عالية في المضمون..

والي ما ياكل الحب (الفصفص) يقول ما به فايده..


{..للعلم ليس لدي سيارة كورية ولم امتلك واحدة من قبل..لكن بعض التجارب وعلى اقل الانواع..}

اي حد ما جربش الكوري بيفتي في جودتها

اللي جرب بس هو اللي يعرف انها ممتازة

هههههههههههههه قوية السانتافي تشبه الكايين !! ..

والاودي مع السبورتج ..

نظام KIA الجديد هو DNA وحيكون زي كذا ..

ثانيا زي ما وضح لكـ اخوي .. مصمم الاودي الحين في كيا .. والانفينتي مع السبورتج

لانفس قياس اللمبات .. لانفس قياس الشبك .. الشبك مو متصل زي السبورتج .. مافيه ليدات

ماني شايف شي صراحة يعني نفسه :bigggrin:


ثانيا فكونا من كلمة سمعنا وشفنا .. ترى التجربة خير برهان ..

وكلام الناس كلام فاضي ..

السوناتا بثقلها ووزنها قدام الكامري البلاستك .. قامت على الكامري بمسافة في دراغ ..

ومكينة السوسو 2.4 والكامري 2.5 .. والكامري اخف بكثير من السوناتا ..

وهذا المقطع وشوف واحكم

http://www.youtube.com/watch?v=INBnV2kZx34

http://www.youtube.com/watch?v=NiH9tmMUQbs

الكورية سيارات عادية
مو ممتازة مثل الألماني و بعض الياباني
ولا سيئة مثل الصيني و الماليزي وغيره

كلامك درر ... البورش الاول وهيونداي السادس ..وتويتا اللي طايرين فيها 22 !![/CENTER]

ما فيه سيارة بالعالم كله خالية من الأعطال ، فيه الأقل أعطال وهي البورش ، و الكوري مهو الأخير في القائمة (الأخير هي السيارات اليبانية ) .
ترى عريبيا هنا ما عندك أحد عندهم اليباني أحسن شي .
أنت إذا كنت تعرف لك واحد معه سارة كورية أسألو وش حاله مع الموتر لا تسمع كلام الناس اسأل المجرب