ماهي السياره اللي عذبتك بالتصليحات ؟ سولفوا لنا

كابريس 89 بقس :bigggrin: حق عمي

كل يومين خراب تقريبا واذا ماخرب بنشر الكفر << صدق والله خخخ

وااخر شي باعه بـ 3000 ريال وافتك منه

انا عانيت من مكيف الهايلكس ومكينته .! دايم تخبط .!<< سوء استخدام طبعا

الباقي الحمدلله ماشي

جارنا كان معه كابرس 2001 شاريها جديدة على يده .. يقول أنها اسوأ سيارة شراها
في حياته من ناحية الخرابات و الأعطال ..

مره شرينا فان فورد فري ستار 2004للسواق وكان مستخدم سنه واحده فقط طبعا امريكي وكان عليه ضمان سنه وبعد نهاية الضمان بيومين خبط الجير بس والله ما خليتهم رحت ونشبت لهم نشششششششششششششبه لين ما قالوا خلاص القطع عليك والتوضيب علينا طبعا الخراب كان بسيط موب الجير كله الجير ما كان يعشق رابع بس
والله والحمد لله طبعا القطع كلفت 1400والتوضيب كلف 2000وشوي طبعا عليهم
وبعدهااااا للحرااااااج بيع شريناه ب53وبعناه ب40بس اللي استغربته من السياره بدون خرابات ومقدمات على طووووووول قير وشكرا

والله يالغاليين اعتقد ان مشاكلكم كلها لأن السيارات مو جديده يعني مو عداد زيرو
لو عداد زيرو مستحيل تظهرلك عيوب عجيبه غريبه لان سياره جديده وعلى يدك وهذا اهم شي
بصراحه ومن باب الصدفه قبل فتره كنت خال عيني على فياقرا ولانسر GT الجديده
رغم فرق السعر لدينا حوالي اكثر من نصف سعر لانسر لأجل الفياقرا
الا اني ماودي بسياره مستعمله رغم كان اتجاهي عليها .. السياره جديده على يدك وما شاء الله التقنيات الحديثه بتعوضك بغض النظر عن المصادر اوربيه او كوريه او يابانيه
خلك مع الجديد ورح تبقى السياره معك كذا :xyxthumbs:

كابريس عندي موديل 2001 اخس سياره في الجوده طبعا السياره V8
كل اسبوع لازم خراب واصوات وقربعه بس هي مكينه فقط لكن اسمحلي سياره داجه ريال واحد ماتستاهل

اجل رح امسك اللي صاقعه بالعين و تله مع علباه و خله يتفل عالكبوت و يقول ما شاء الله تبارك الله :bigggrin::bigggrin: .. ربك ييسر بس

يارجال الحين اشتريت اللانسر انا و لا اظن انها تقل عن الفياجرا :bigggrin: .. ربك يعين بس

شف .. , ’

انا لو أتـكلم صدقني لأنطرد من المنتدى بسبب المعآنـآة اللي لقيتهآ .. , ’

يالغالي .. انا تقريبا نفس قصتك .. في يوم من الايآم << لا يآشيـخ هههههههههه

إشتريت مآركيـــز LS فــل الفـــــل لون عودي مآشآء الله تبآرك الله .. أقسم بالله قمـة الفخآمـة .. المهم .. الكل أيدني في السياره .. ومشت معي 6 أو 7 شهـور عآل العآل .. وبعد الـ 7 شهـور .. تعبت من المآركيـز في فصلـته .. وشفت كآبرس 2004 LTZ V8 فل كامل بدون فتـحـة .. ومررررره أعجبني .. قلت خلني أشوف المآركيـز يجيبلي كم .. والله جابلي 47 ألف ريال .. والكآبرس كآن مطلوب فيه 42 ألف يعني 5000 بالجيــب .. قلت حلو .. , ’

ومن ذآك اليوم .. وانا أعآآآني .. من مشـكلة لا مشـكلة .. والله كلفني 14 ألف ريآل فقط إصلآحآت .. !

واليومين هذه نويـت أبيـعه .. ونآوي أشتري سيآره جديده .. , ’

طبعآ موضوع الكآبرس عيــن مليون بالميـه .. وانا شخصيآ أعرف صاحب هالعيـن لابارك الله فيه .. فبإذن الله الله يرزقني بالسياره الجديده ويبعد عنهآ العيـن .. ,’

والخلاصـة : السيآره اللي تعبتني .. الوحش الامريكي .. كآبرس 2004 .. لكن أشـهـد بالله إنهآ سيآره صآروخ .. مكيـنة جبآره .. بس الزين مآيكمـل .. , ’

أخوك / [COLOR=DarkRed]أبوعآبد


[/COLOR]