السلام عليكم ورحمة الله
اولا مبروك الموتر مقدما والله يعطيك خيره ويكفيك شره
بما اني من ملاك الايدج يمكن يكون ردي متحيز بس راح احاول اكون محايد ع قد ما اقدر :smile:
بالنسبه للايدج اول شي احب اعلق عليه الي يقول مكيفه ضعيف هذا ممكن يكون بالفئه الاقل
يكون فيها المكيف يدوي بس باللمتيد ما اشتكيت من هالناحية ابد ابد ما اقول انه يقارن بالياباني
ولكن ما يوصل لدرجة انه يكون عيب بالسياره وعن تجربه ....
الرساوه بالخط جدا ممتازه واستهلاك الوقود ما توقعت يكون كذا بصراحه ما يصرف ابد
انضمة السلامه كثيره بالايدج تقدر تطلع عليها اخوي لو سويت بحث بالمنتدى هنا
طبعا فيه اضافات للايدج 2010 وفيه فئة جديده اشوفها توب بصراحه الي هي ايدج سبورت
السيارة لها معي الان حول السبع اشهر والحمد لله ماشية معي تمام وشكل جذاب اتكلم عن اللمتيد
بالنسبة للمازدا cx-9 انا كنت محتار مثلك بالضبط بينه وبين الايدج ويمكن الي ساعدني باختيار الايدج
كان مع خويي cx-9 وسقته بس مدري ما اقتنعت فيه من ناحية الراحه بالخط وفعلا بدون تحيز بعد ما جربت الايدج عرفت الفرق بين السيارتين
الاخوان تكلموا عن المازدا ومواصفاتهاوانا الى الان معجب بداخليتها واشوفها افظل من الايدج
ولكن بالمقابل فيه مزايا للايدج غير متوفره بالمازدا ومن ناحية الشكل ترجع لذائقة الشخص وانا اشوف الايدج افظل كشكل خارجي من المازدا
وشغله ثانيه مثل ما تفظل الاخوان الايدج يجي بصفين من المراتب وال cx-9 بثلاثه واشوفه انسب لك اذا عندك عائلة ...
واخيرا السيارتين تستاهل القيمة الي تندفع فيها
واستخير ربك واتتمنالك التوفيق
