وش أكثر حركة ترفـع ضغطك بالشارع

مشكووور على الموضوع الحلو

وأكثر شي عندي راعي الدداسن القديمة

يووووووووووووووو والي يسوقونها باكستانية

ياتلقاه نتع أو ينتع وأنت وراه أو ينتع والسيارة مافيها بنزين الا شوي وابتلش

والا تلقاع يفرمل بقوة كبيرة أقسم بالله أني بالاندكروزر صقعته صقعه بس أشوى أني كنت مركب صدام راح الي ورا كلة وانعفط صدامي شوي

بس يستاهل عليه فرامل عند الإشارة

وبعد إذا جاك وهو يمشي بدا مايسفط على جنب يوقف في النص وسط الشارع يوووووووووووووووووووه مدري وش بسويلهم والا إذا كنت تمشي وتلقا شباب وراعين يحددونك من ومناك ياناس ترفع الضغط

وهذا الي عندي واسف على أي كلمة غلط أو شينة

بصراحة
اللي يرفع ضغطي
يوم تكون في شارع ضيق ويجيك راعي تكسي مسوي فيها فاهم يبي يسقط عليك.
والله لو ايش ما اخليه يمر

اللي ترفع الضغط يجيك واحد ماسك المسار الايسر ويمشي على راحته والعكس .......

ويجيك واحد ثاني ماسك المسار الايمن ويمشي فوق 130كم.......

والله مادري شقول....سوالفكم اتقطع المصران وانا اقراها؟!؟!
الله يعينكم....ترى هذي المشاكل ماتحصل الا مع الناس" الاكسيلان" يعني الممتازين في السواقة....مثلي ومثل اخواني في احلى المنتديات منتدى السيارات...|1|

بس حابة اذكر حادثة بسيطة حصلتلي وهي في الاغلب سالفة تقهر البنات البنات اللي مثلي....عاد ما ادري عن الباقين؟!؟!؟!

كنت طالعة من الشغل بسبب اتصال من الوالدة لامر طارئ...والساعة طبعا 5 العصر وحضرتي امشي عالخط السريع وما افكر الا في الوصول السريع للبيت...وما انكر اني واجهت المذكورين سابقا من مجرمي الحرب اقصد الشارع؟!|4|
ولما وصلت جريب الجسر المؤدي الى منطقتنا لفيت لفة فنية مجنونية"نسبة لسيارتي ماجنا" لجهة اليمين وطبعا مع انتباهي وتاكدي من ان الشارع فاضي...وما وعيت الا بسيارة كادلاك عملاقة تلف بعد ما لفيت بشوي وتشخط سيارتي مسببة اضرار في الجاني الايسر من السيارة وردت على الخط السريع؟؟؟؟

طيب انا كانت عندي حالة طارئة بس حضرته لف علي هذي اللفة الغريبة ليش؟؟؟ وليش تارك مساره عالخط السريع بس علشان يشخط من عند سيارتي ولا وبعد سبب اضرار تكلفني فوق الالف درهم؟؟؟

مجرد تحدي ولا سباق ولاشطارة...طبعا استبعد الشطارة لانه دعم سيارتي...اعتبرها غباااااااااء؟؟؟؟:rolleyes:

وكان الاخ بحريني وطبعا من زود الذوق اللي فيه ما وقف سيارته ولما نبهته بعد مطاردة طويلة قال "كاهو رقم سيارتي...عطيه حق الشرطة انا مو فاضيلج؟؟؟

الاخ الكريم شكله ماخذ سيارة الاهل"لان سيارة ضخمة مثل هاي ما تصلح للشباب الاغبياء اللي مثله؟؟وشكله اتوهق وانحاش لكن للاسف شو اسوي برقم من البحرين وكيف اصلح سيارتي....طبعا حضرتي في انتظار الشرطة لين اتيوده بس كيف... ماعرف!!|5|
وضاع وقتي وزاد الامر سوء مع الموضوع الطارئ وكله بسبب شاب مستهتر مثله...اتمنى من الكل يتعلم درس ويعرف ان الخط السريع للحالات الطارئة وسيارات الاسعاف مش للتشخيط واذية الناس؟؟؟

والسموحة منكم بس شسوي...من زود قهري!|5|

على طاري الشيبان انا مره في الشارع امشي بالسياره الا وشايب يسف علي موتره ويصدمني مع الرفرف واشوا الصدمه خفيفه وانزل اشوف وش صار الا الشايف يناخف ويصارخ تقول انا الغلطان وش فيك يا الطيب الا ويقول انتم يا الشباب من تالي تسرعون وتصدمون خلق الله ويوم شفت انه كذا خليته يروح مع انه هو الغلطان بس يالله على الله ياخي واحد كبر جدك غلطان عليك تروح تدق على الشرطه عشان يشوفون وش صار وهو الحادث بسيط وهذا الي صار معي وش رايكم ؟؟

تحياتي

انا اكره الي يطلع على الخط السريع ويمشي 10.

اللي يرفع ضغطي الحافلات واللوموزينااات وما راح اتكلم اللي جا جدة يعرف
باي
مجنون السيارات

والله ماشاء الله عليكم ماخليتم شئ ينقاااااااال ...

الله يهدي الجميع بس ...

تحياتي لكم ..

السلام عليكم

اشكر المشرف على التثبيت واشكر الجميع على المشاركه وتحياتي للجميع

انا اللي يقهرني انو واحد بحاره كلها اطفال........

او واحد يفحط صوب البيت والناس نايمه بالليل.........


وفي شي يقهرني...........اني لما اكون بسيارتي (مرسيدس 220) يجي واحد عنده سياره اقوى مني(مثلا كابرس اس اس) ويدوس جنبي وانا ادوس معاه وفي الآخر هو يرووووووووح..........:)

اخوي العزيز:

فيه بعض الناس يمشي وراك وانت ماسك اليسار على الدائري وماشي بسرعه قانونيه وخذ يا تكبيس بالنور والمشكلة انه يكون جمبك سيارات على المسار الاوسط على يمينك ومتقدر تبعد ومع كذا يكبس ))

بسيطه............الحقران يقطع المصران..........خلّه يموت من القهر وراك ولا تعطيه مجال..........

انك تطارد ليموزين أوسواق عائلة وانت جاي من بعيد تكون الإشارة خضراء وتجيب الدعسة الثانية وتصفر الإشارة وفجاءه الي قدامك تمسك معاه على النظام ويوقف فجأه وتضطر توقف وتروح عليك الفريسة ويصير لازم ترجع الكورنيش أو البلد من جديد .

وعلى قول المثل الإ يطالي ( خيرها في فريسة غيرها ) .

السلام عليكم

مشكور اخوي على الموضوع الرائع
وراح اذكر لكم موقف صادني يوم
=================
كنت امشي على جنب الشارع ( على الاقدام )
وشفت الشارع فاضي قلت : ( خلنا نمشي داخل )
مشيت والا شوي سيارة على بعد كيلومتر واحد
يكبس ويضرب هرن قلت خله بعد ما صارت المسافة
200 متر تقريبا تنحيت عنه ومشيت على الجنب
بعدين وصل صوبي وقف قال لي : " ماتعرف تتباعد
عن الشارع " :mad: انقهرت عليه والا اقوله :
انت بعيد عني شنو يضرك يعني ،، انت كنت تمشي
بشويش انا شنو اسوي لك. تفشل وركب سيارته
وكمل طريقه ،، لكن صدق يقهر على بعد 200
متر وهو يمشي بشويش ولا بعد ويعصب علينا
صدق من قال : ( الناس اجناس ) ونطلب المزيد




مع تحيات اخوك المخلص
الخبيــــــر
|6|

بضيف شي كمان
الي يقفل المداخل والمخارج في مواقف السيارات
والي يوقف غلط في الحواري الضيقه
سلااااااااام

بصراحه انا اتنرفز لمن يسقط على احد او لمن يمشي احد بشويش في
الخط السريع وتدقله بوري وهو مهو معبر احد والله اتمنى هذاك الوقت انه
يكون عندي كابرس 89 واديه دقه من ورى اخلي عيونه تطلع ههههههه

السلام عليكم
ايه نسيت اقلكم
انا الي يقهرني الي يكون واقف اول واحد في الاشارهواول ماتخضو يدق بوري
الله يعين اهاليهم عليهم
تحياااااااااتي

اكثر رحركه ان اذا وقفت اول واحد عند الاشاره وفتحت ان احد يطوفني



انقهرررررررر

اشكرك على الموضوع

موضوع جميل.

كثير من التصرفات ترفع ضغط الواحد.

أنا يرفع ضغطي اللي يجي يسقط عليك في الإشارة وبعدين ما يتحرك إلا بعد ما تطق له هرن.

ويرفع ضغطي إللي بيني وبينه 10 كيلو وهو يكبس.

ويرفع ضغطي اللي ماسك الخط اليسار ويسرع 100 أو حتى 120 .
أقصد ياريت هو متجاوز (كان قلنا الرجال متمكس بالقانون). بس هو ماسك الخط وماهو راضي يتحرك.

السلام علكيم
انا يا اخوان انا اكثر حركه ترفع ظغطي هي يجك واحد غشيم ويسوي سواق وهو من جنبها يخش عليك من طريق الايمن الطريق الايسر ولما تضرب البوري له يقوووول وش فيك وبعد يقووول تراك غشيم ((((مايدري انه هو الغشيم)))))




وسلامتكم