>> رآبطة عشاق فورد أكسبلورر<< ""ford Explorer ""

صادق اخوي مالي وجود بالرابطه كثير


انا سجلت بالرابطه يوم اخذت لي الفورد اكسبلورر والحين امر مرور واتصفح الجديد عبر هالرابطه

والله يقدرنا على المعروف مع الجميع

السلام عليكم ورحمة الله وبركاته
اخواني انا ودي تنصحوني وش اسوي لان انا كنت مركب سلة حقة عفش على السقف بس قدر الله على ودخلت من تحت عباره في جده وانا ناسي العفش ههههه مستانس وقتها وصار انه انخلع الشد من نفس السقف يعني الصواميل طلعت من البدي وكل ما رحة ورشه قالو لازم تلحيم الصواميل وهذا يعني لازم رش بويه وحتى الوكاله قالو نفس الكلام وانا ودي اصلحها قبل وقت الامطار الله يرزقنا المطر وودي بنصيحتكم يا الربع لاني ما ودي اسمكر ودي اركب شد جديدي بدون سمكره ورش ياليت تفيدوني

حياك الله اخوي الكريم

الزر اللي في القير ما تستخدمه الا في الطلوع ( اي طلوع يكون افضل للسياره ) والانحدار الشديد

اما بالنسبه لافضل وضع

فعلى حسب النزول خل القير على 3 في النزول احسن واذا شايف ان النزول اقوى وتستخدم الفرامل كثير خله في 2 واذا انحدار شديد قووووي اضغط الزر اللي في القير وخله في قير 1

هذا حسب ما سألت من واحد خبير بالشركة وجربت هذا الشي بنفسي وجدا الخطه مفيده

والله يا شباب صار لي موقف وش اقول لكم بس كبر الاكسبلورر بعيني الف مره

عندنا عقبه تكسرت ( عقبه = جبل مزفلت ) طبعا طلوع 30 كيلو

واصل العقبه صعبه عالسيارات وطلعت منها انا لسوء حظي اول مره

وطبعا تفاجأت بعد ما قطعت 15 كيلو ان العقبه مدمرة تدمير كلي

يعني لا اسفلت ولا هم يحزنون الطين تقريبا واصل اكثر من 30 سم الجو ممطر والسيول تنزل من اعلى العقبه علينا والصخور تتساقط من الجوانب والمنظر مريع فعلا

مشينا شوي وكان قدامي كامري ووراي تقريبا 3 جيوب وفكتوريا كنت امشي بالعقبه بالدي العادي حتى وصلنا للطامة

الدفاع المدني يبلغنا ان العقبه تدمرت من الاعلى ومافيه صعود ابدا لانه مافيه سياره بتطلع

السيارات الصغيرة وقفت على جنب الطريق وبقينا الجيوب بالوسط

جاء الفكتيوريا الغبي يحسبها رجاله او عباطه المهم طلع بسرعه وداس على صخره وضرب عليه الكفر الخلفي وربي سلمه ما طاح من العقبه

جاء رجل الفاع المدني قالي انت توماتيك وسيارتك جديدة انصحك ما تغامر بتنعدم من الاسفل

انا ابي اوصل والنزول ما كرت فيه لان الصعود اسهل لان العقبه مدمره

المهم شبكت الدبل الثقيل كاول محاولة للسيارات كلها وتوكلت على الله ودخلت

طبعا طلعه كبيرة بعدها نزله بعدها طلعه ولذلك الماء متجمع بطول متر ونصف تقريبا

دخلت الماء ووصل حد المرايات الجانبيه بالضبط وطبعا الماء مو راكد بالعكس السيل يجرني بعكس التيار

حسيت الاكسبلورر ماسك نفسه رغم الارض الطينيه ودست له بالشويش ومشيت وبالوسط حسيت فيه قوة جباره تسحبني للخلف وغيرت النمره من 3 الى 1 وانا ماشي والبقيه يتفرجون بالتجربه

اللي اعاق تحركي بصورة سريعه وجود صخور مغمورة بالماء طولها حوالي المتر متساقطه من الجبل

التيار يسحبني وانا امشي قدام تقريبا مسافه 20 متر وطلعت منها بسلام والحمد لله

نزت من السياره اغسل الهوبات والجنوط لانها تطينت بالكامل ورشيتها بالماء وخفت عليها لانه طلع دخان طبعا من الحراره

المهم كملت المسيرة فكيت الدبل وحطيت السيارة بنمرة 2 عشان الصخور والجلد تخيوا انحدار تقريبا 70 % ومطر وطين وصخور وفوق هذا الخط مو امام كله لفات حااااده جدا

لما خرجت جاء جمس وراي وعلق ما قدر يمشي ووراه جيب وعلق مع انه اكيد معاه دبل

المهم طلعت فوق ولقيت الدفاع المدني بمنطقه ثانيه ومحتجزين جدد برضوا كلمتهم وفتحوا لي الطريق لكن للاسف دخل قدامي ددسن مما خلاني اترفز لان الارض الطينيه لو وقفت عليها ما قدرت اخرج

المهم الددسن جلست ادعي ربي يطلع بسرعه والا اعلق انا وبالوسط وقف ( طفا ) لان الماء اعلى من الكبوت انا وقفت وكان قلبي بيطيح لاني عرفت اني علقت وسط الماء اللي لو افتح قزاز السياره قدرت امسكه بدون ما انزل يدي

المهم توكلت على الله ودقيت الدبل الثقيل وحطيتها بنمره واحد وغيرت مساري ومشيت صراحة بصعوبه لكن خرجت بدون حرق السيارة ولا شيء

هيلوكس دبل جاء يلحقني وبائت محاولاته بالفشل مما دعى الدفاع المدني انه يسحبه بالجيب ويرجعه للمنطقه المحتجزه

انا طلعت ورجعتها بنمره 2 ومشيت حتى اني اتشهد ورب البيت لانه باي لحظه راح تزلق السيارة باتجاه الهول والله يرحمني بعدها

اخيرا وصلت للقمه وكان ورايه من الجيوب فقط لاندكروزر 97 سايقه شايب واستقبلنا الدفاع المدني بالاعلى ورشيت عالجنوط والاماكن الحساسه ماء وكملت طريقي وراسي مرفوع لان ما قدر يطلع من هالطعوس الطينيه غيرنا

واتمنى والله لو كان معي جوال او شيء اصور لكن حتى لو كان معي ما اتوقع كنت باصور لان قلبي كان مو بمكانه اصلا من الرعب

ومن هنا اقول لكل واحد معاه اكسبلورر لا تستهين بالدبل الثقيل ترى موترك موتر صح

تحيااااتي

مع احترامي لك اخوي


ايش دخل القير في البنزين

السلام عليكم
عندي أستفسار وهو عند القيادة في منطقة جبلية بشكل مستمر مثل جبال السودة في منطقة عسير حيث أنني من سكان تلك المنطقة ويوميا نازل وطالع من وألى أبها بحكم الدوام والعمل هل أستخدم الأوفر درايف الزر الي في القير أثناء الطلوع والنزول
سيارتي أكسبلورر 2010اكس ال تي:xyxthumbs:
ولكم أغلى تحياتي

نصيحة لاحد يعبي 91 عبوا 95

كثير ناس تشتكي من نتعة القير وبعد تغيير البنزين الى 95 يضبط

القير 91 تعبااااااااااااااااان + بنزين التسهيلات ماحد ينصح فيييييييه

السلام عليكم
عندي أستفسار وهو عند القيادة في منطقة جبلية بشكل مستمر مثل جبال السودة في منطقة عسير حيث أنني من سكان تلك المنطقة ويوميا نازل وطالع من وألى أبها بحكم الدوام والعمل هل أستخدم الأوفر درايف الزر الي في القير أثناء الطلوع والنزول
سيارتي أكسبلورر 2010اكس ال تي:xyxthumbs:
ولكم أغلى تحياتي

[ ĤmσσĐξ ][;2689988']just 4 u

ياليت تعطيني وجه الله يحييك